Inteko yemeje imishinga y’amategeko ajyanye no kohererezanya abanyabyaha

Amakuru   Yanditswe na: Iyamuremye Janvier 28 December 2017 Yasuwe: 127

Inteko ishinga amategeko y’u Rwanda yemeje imishinga y’amategeko yemera kwemeza burundu amasezerano yo kohererezanya abahamwe n’ibyaha n’abakurikiranyweho ibyaha hagati y’u Rwanda n’ibihugu bya Ethiopia, Malawi na Zambia. Leta y’u Rwanda ikaba ivuga ko aya masezerano azafasha mu gukurikirana abagize uruhare muri Jenoside yakorewe Abatutsi bahungiye muri ibyo bihugu.

Inteko Rusange y’umutwe w’abadepite yatangiye yemeza ishingiro ry’igihembwe kidasanzwe na gahunda yacyo. Mu byo abadepite batangiye biga harimo imishinga 5 y’amategeko irebana no kohererezanya abahamwe n’ibyaha n’abakurikiranyweho ibyaha hagati y’u Rwanda na Malawi, Zambia ndetse na Ethiopia, imishinga yanahise yemezwa.

Umunyamabanga wa Leta muri Ministere y’Ubutabera Evode Uwizeyimana avuga ko u Rwanda rukomeje kugirana amasezerano yo muri uru rwego n’ibindi bihugu. Yagize ati, "Hari ibihugu byagiye bigorana cyane birimo Zambia na Malawi, ni bimwe mu bihugu dukeka ko byihishemo abantu bagize uruhare muri Jenoside yakorewe Abatutsi, byitwazaga ko ayo masezerano adahari. Amasezerano kugirango asinywe bisaba ubushake bwa politiki. Ibindi bihugu birimo Mozambique ibiganiro bigeze kure, turagerageza na Zimbabwe nubwo iseta ibirenge, amaperereza akorwa n’inzego z’ubutabera z’u Rwanda yerekana ko biriya bihugu byo mu majyepfo ya Afurika birimo abantu benshi bakoze cyangwa bagize uruhare mu byaha bya Jenoside."

Evode Uwizeyimana avuga kandi ko n’ibihugu bitarasinyana amasezerano n’u Rwanda bisabwa gutanga abakurikiranyweho ibyaha. Ati, "Ku bintu birebana n’ibyaha mpuzamahanga birimo Jenoside, ibyaha by’intambara n’ ibyaha byibasira inyoko muntu, kwitwaza ko ayo masezerano adahari ntacyo bivuze. Hari amategeko mpuzamahanga ashingiye ku muco, areba bose, wasinya utasinya ntabwo wakora Jenoside ngo wihishe ahantu witwaze ngo nta masezerano abantu bafitanye. Canada yohereje abantu nta masezerano dufitanye iyo bikozwe gutyo byitwa transfer cyangwa deportation."

Iyi mishinga y’amategeko ije nyuma y’indi irebana n’amasezerano u Rwanda rwasinyanye n’ibindi bihugu birimo na Congo Brazzaville.

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rubavu: Wa Musirikare warashe abaturage habonetse undi uvuga ko yamuciye...

Kuri uyu wa Mbere tariki 17 Nzeli ubwo hari hagiye kuba iburanisha mu...
17 September 2018 Yasuwe: 2068 0

Perezida Kagame yahaye imbabazi Kizito Mihigo na Victoire Ingabire...

Mu itangazo ryaturutse muri Misiteri y’Ubutabera iravuga ko kuri uyu wa...
14 September 2018 Yasuwe: 5934 2

Dr Ngirente yakiriye indahiro z’ abacamanza mu Rukiko Rukuru rwa...

Minisitiri w’ Intebe w’ u Rwanda Dr Edouard Ngirente kuri uyu wa Kane tariki...
14 September 2018 Yasuwe: 816 0

Abo kwa Rwigara barasaba kudahezwa mu rubanza rw’abanyamigabane b’uruganda...

Abunganira mu mategeko uruganda rukora itabi rw’umuryango wa Assinapol...
11 September 2018 Yasuwe: 2401 0

Umuryango wa Niyitanga warasiwe Cosmos nk’igisambo watanze ikirego mu...

Niyitanga Jean Calude bakundaga kwita Barthez cyangwa Kazungu warashwe...
8 September 2018 Yasuwe: 20130 27

Rubavu: Urubanza ruregwamo umusirikare uherutse kurasa abaturage...

Urukiko rwa Gisirikare rurimo kuburanisha umusirikare mu ngabo z’ u Rwanda...
1 September 2018 Yasuwe: 850 0