Kamonyi: Umugore watemaguriye umwana we ku makoma yakatiwe gufungwa burundu [AMAFOTO]

Amakuru   Yanditswe na: Nsanzimana Ernest 31 October 2018 Yasuwe: 2670

Clenie Mukashyaka wo umurenge wa Ngamba kuri uyu wa 30 Ukwakira 2018, urukiko rwamukatiye igifungo cya burundu nyuma yo kumuhamya icyaha cyo kwica umwana we w’ imyaka 9.

Tariki 30 Mukashyaka yagiye kuzana umwana we kwa se aho yabaga Remerarukoma kuko yari yamaze kugura umuhoro wo kumutemesha.

Uyu mwana yabyaye yabyaye yiga mu mashuri abanza wari ugize imyaka 9 y’ amavuko Mukashyaka yamushyize ku makoma amutemesha umuhoro umutwe awutandukanya n’ igihimba ibi byose imbere y’ urukiko mu iburanisha ryabereye mu ruhame ku biro by’ ururenge wa Ngamba yarabyemeye abisabira imbabazi.

Mukashyaka yireguye avuga ko kwica umwana we yashakaga kumuvana mu buzima bubi ngo yari abayeho nabi kuko nyirakuru atamukundaga. Ibi urukiko rwabyise amatakirangoyi.

Nubwo Uwayezu Marcelline,nyina wa Mukashyaka n’ abaturabanyi be bavuga ko yari arwaye uburwayi bwo mu mutwe ubushinjacyaha bwavuze ko raporo ya muganga yagaragaje ko Mukashyaka ari muzima.

Abaturage bavuga ko ibyo Mukashyaka yakoze ari agahomamurwa bakabigereranya no kwica u Rwanda kuko ngo uriya mwana yari kuzubaka u Rwanda. Abaturage bifuzaga ko Mukashyaka yafungwa ubuzima bwe bwose. Iki niko gihano ubushinjacyaha bwamusabiye ninacyo yakatiwe n’ urukiko mu isomwa ry’ urubanza ryabereye ahabereye icyaha kuri uyu wa 31 Ukwakira 2018.

Urukiko rwategetse ko Clenie Mukashyaka asonerwa amagarama y’ urubanza kuko aburana afunze, runategeka ko umuhoro wafatiriwe bivugwa ko ariwo Mukashyaka yakoresheje atema umwana we umuguma mu maboko y’ ubushinjacyaha bukazashaka icyo buwukoresha.

Uwayezu Marcelline nyina uvuga ko yababajwe n’ umwuzukuru we yavuze ko Mukashyaka arwaye uburwayi buturutse ku magini kuko yatwikaga imyenda n’ inkweto babaga bamuguriye.

Umuturage wakoreshaga Mukashyaka mu mirimo y’ ubuhinzi avuga ko hari ubwo babaga bari mu murima bahinga akabona akanuye amaso atangiye kwivugisha. Agakomeza avuga ko Mukashyaka akwiye gufungwa kuko yari asigaye ateye abantu ubwoba ariko akanavuzwa uburwayi afite.




AMAFOTO: Ijwi rya Amerika

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubushinjacyaha bwashyikirijwe idosiye ya Twagirayezu woherejwe n’igihugu cya...

Urwego rw’igihugu rw’ubushinjacyaha NPPA bwatangiye gukora ku idosiye ya...
19 December 2018 Yasuwe: 1630 0

ADEPR: Batatu bahamwe n’icyaha abandi barimo na Bishop Tom Rwagasana bagirwa...

Abahoze ari abayobozi bakuru b’itorero rya ADEPR barimo Bishop Jean Sibomana...
14 December 2018 Yasuwe: 8600 4

Urubanza ruregwamo umunyamakuru Phocas Ndayizera ruzaburanishwa mu...

Kuri uyu wa Kane tariki 13, Urukiko rw’ibanze rwa Nyarugenge rwafashe...
13 December 2018 Yasuwe: 1322 1

Ubushinjacyaha bugiye kujuririra icyemezo cyo kurekura Diane Rwigara...

Umushinjacyaha Mukuru, Mutangana Jean Bosco, yemeje ko Ubushinjacyaha...
12 December 2018 Yasuwe: 2388 1

Wenceslas Twagirayezu uregwa ibyaha bya jenoside yagejejwe i...

Ku mugoroba wo kuri uyu wa 11 Ukuboza nibwo indege yari intwaye Twagirayezu...
12 December 2018 Yasuwe: 1692 0

U Rwanda rwategetswe kwishyura Victoire Ingabire miliyoni 50...

Urukiko Nyafurika rushinzwe uburenganzira bwa muntu rufite ikicaro muri...
10 December 2018 Yasuwe: 12537 1