Kigali

Kigali: Urubanza rw’ abakekwaho iterabwoba rwatangiye kuburanishwa mu mizi

Amakuru   Yanditwe na: 3 May 2017 Yasuwe: 1315 0

Kuri uyu wa Kabiri tariki 2 Gicurasi urukiko rukuru rwa Kigali rwatangiye kuburanisha mu mizi urubanza rw’abantu baregwa iterabwoba, nyuma y’igihe kirenga umwaka batawe muri yombi.

Abakurikiranywe bashinjwa kuba mu itsinda ry’abasore n’inkumi bari mu mugambi wo kwifatanya n’imitwe y’iterabwoba itsimbaraye ku mahame y’ubutagondwa y’idini ya Islam.

Urubanza rurabera mu muhezo naho icyumba cy’urukiko kikaba kizengurutswe n’abapolisi benshi.

Mu masaha ya saa mbiri za mu gitondo ni bwo imodoka nini itwaye abaregwa cyari igeze imbere y’icyumba cy’iburanisha. Bose mu mwambaro w’ ibara ry’iroza riranga imfungwa, ab’igitsina gore bo bongeyeho bya bitambaro bibahisha amasura.

Ntibyari byoroshye kubafotora cyangwa kuba wabegera kubera ko abashinzwe kubarinda bakumiriraga kure ugerageje kubengera.

Nyuma y’umwanya muto bagejejwe mu cyumba cy’urukiko, umucamanza yahise ategeka abatarebwa n’urubanza gusohoka kugira ngo rukomeze mu muhezo. Ni icyemezo cyahise cyubahirizwa, abapolisi bahinda abari baje gukurikira uru rubanza.

Ubushinjacyaha bwasabye ko urubanza ruburanishwa mu muhezo, bushimangira ko bimwe mu bivugirwa mu rukiko bishobora kugira ingaruka mbi ku mutekano w’igihugu.

Abaregwa bo bakomeje kunenga uyu muhezo bavuga ko bifuza kwiregura mu ruhame, bakiyambura icyasha bavuga ko basizwe n’ubushinjacyaha.

Abaregwa ni 44 barimo abana batatu. Kuri aba bana urukiko rwamaze gufata icyemezo cy’uko bagomba kuburanira ukwabo mu rukiko rwisumbuye rwa Gasabo.

Ubushinjacyaha bwemeza ko bufite ibimenyetso byerekana ko abo burega bari mu mugambi wo kwitabira urugamba rw’imitwe y’iterabwoba. Mu rugo rw’umwe mu baregwa ngo bahasanze akayabo kangana na miliyoni y’amadolari y’Amerika. Aya ngo ni ayo bagombaga gukwirakwiza mu rubyiruko mbere yo kurwinjiza mu mugambi w’iterabwoba.

Ngo hari n’abafatiwe ku kibuga cy’indege aho bari batangiriye urugendo ruberekeza mu bihugu bya Syria na Iraq, ahavugwa umutwe w’iterabwoba wa Islamic State.

Uko bigaragara uyu muhezo uzatuma amatsiko ya benshi adashira ku bijyanye n’ikibazo cy’iterabwoba ryari ritamenyerewe mu Rwanda.

Bamwe mu bunganira abaregwa bavuga ko bitazorohera ubushinjacyaha kubona ibimenyetso bigaragaza iterabwoba kandi hafi ya bose barafatiwe mu Rwanda, kure cyane y’aho bivugwa ko bari gukorera icyaha.

Gusa banagaragaza impungenge z’uko bishoboka ko aba bakatirwa igifungo kinini kubera amarangamutima ashingiye ku rugamba mpuzamahanga rwiswe urwo kurwanya iterabwoba.

Ibitecyerezo

  • Amategeko n'amabwiriza birkurikizwa


Inzindi nkuru

Umuryango w’ umuturage warasiwe I Gikondo ntiwemeranya n’ urukiko ruvuga ko...

Kalisa Aimé mukuru wa Nyakwigendera Ntivuguruzwa Aimé Umuvandimwe wa...
24 June 2017 Yasuwe: 6867 13

Abasirikare bakekwaho kurasa Ntivuguruzwa bagiye kuburanishwa

Kuri uyu wa Gatanu tariki 23 Kamena I Gikondo hateganyijwe urubanza...
22 June 2017 Yasuwe: 3253 1

Minisitiri Busingye yagiriye inama Diane Rwigara uvuga ko atizeye ubutabera...

Minisitiri w’ Ubutabera akaba n’ intumwa nkuru ya Leta Johnston Busingye...
21 June 2017 Yasuwe: 7579 26

Umugabo ukekwaho kwica atwitse uwo babyaranye yatangiye kuburanishwa

Kuri uyu wa Mbere tariki 19 Kamena , urukiko rwisumbuye rwa Gasabo...
20 June 2017 Yasuwe: 2186 2

Umuyobozi wa Rayon Sports Kimenyi Vedaste aragezwa imbere y’...

Kimenyi Vedaste wamenyekanye ku mwanya w’ ubuyobozi bw’ Umuryango wa Rayon...
19 June 2017 Yasuwe: 885 5

Bishop Sibomana Jean yakatiwe gufungwa iminsi 30 y’ agateganyo

Urukiko rwisumbuye rw’ Akarere ka Gasabo kuri uyu wa 15 Kamena 2017,...
15 June 2017 Yasuwe: 2215 11