startimes

Kirehe: Umu Dasso yatawe muri yombi azira gushaka kugurisha ibendera ry’igihugu ibihumbi 20 FRW

Amakuru   Yanditswe na: Dusingizimana Remy 13 May 2020 Yasuwe: 1654

Urwego rw’Igihgugu rw’Ubugenzacyaha, RIB, mu Murenge wa Nyamugali, Akarere ka Kirehe rwataye muri yombi umukozi mu rwego rwunganira ubuyobozi bw’akarere mu gucunga umutekano (District Administrative Security Support Organ-DASSO) akekwaho kugurisha ibendera ry’igihugu.



Amakuru yemezwa n’inzego z’ibanze muri uyu murenge avuga ko uyu mugabo yari agiye kugurisha iri bendera ibihumbi icumi by’amafaranga y’u Rwanda [10 000Frw].

Umukozi ushinzwe isuku ku kagari ka ka Kazizi yavuze ko uyu Dasso yari amaze iminsi amusaba ko yazamuha idarapo riri aho ku Kagari akaritwara undi akabyanga ahubwo akabimenyesha ubuyobozi bw’inzego z’ibanze.

Tariki ya 10 Gicurasi ngo nibwo ubuyobozi bwagiye kuri uyu Dasso witwa Habimana Eliezer bujya kumusaka busanga iwe ahafie irindi darapo bitazwi aho ryavuye, bakurikiranye basanga yari agiye kurigurisha umucuruzi ufite iduka hafi aho ngo rijye rimutera amashaba.

Uyu mucuruzi yari yaramwemereye kumuha ibihumbi 20 Frw. Ku ikubitiro akaba yari amaze kumuha ibihumbi 10 Frw.

Umuyobozi w’Akarere ka Kirehe, Muzungu Gerald yabwiye UKWEZI dukesha iyi nkuru ko uyu mugabo kuri ubu yamaze gufatwa ndetse n’uwari ugiye kurigura bamaze gufatwa ndetse bashyikirijwe RIB.

Meya Muzungu yavuze ko bafashwe biturutse ku bufatanye n’abaturage batanze amakuru kuko uyu Dasso yari arifite mu rugo ndetse yaramaze no kurishakira umukiriya.

Yakomeje agira ati “Ibyo uriya mukozi yakoze ni icyaha ariko nanone turashimira abaturage kuko nibo baduhaye amakuru y’uko iryo bendera ryibwe ndetse batumenyesha n’uwari waryibye.”

Meya yavuze ko iri bendera DASSO yaragiye kugurisha bataramenya aho yarikuye gusa iperereza rikaba rikomeje.

Mu makuru bahawe ni uko yari amaze iminsi atereta ukora isuku ku kagari kuzamuha ibendera rihazamuye.

Kuri ubu aba bagabo babiri bafungiye kuri Sitasiyo ya Kirehe mu gihe hagikorwa iperereza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Polisi yataye muri yombi Hamuli azira gukwirakwiza ibihuha ko...

Kuri iki cyumweru tariki ya 12 Nyakanga Polisi y’u Rwanda yafashe uwitwa...
13 July 2020 Yasuwe: 2899 0

Sankara yabwiye urukiko impamvu yinjiye muri FLN n’ubufasha Zambia...

Nsabima Callixte uzwi kandi nka Sankara uyu munsi ku wa mbere yatangiye...
13 July 2020 Yasuwe: 3650 0

Rubavu: Yafashwe yaka ruswa motari amubeshya ko yayitumwe n’abapolisi

Polisi ikorera mu Karere ka Rubavu mu murenge wa Rubavu kuri uyu wa...
13 July 2020 Yasuwe: 1087 0

Karongi: Umusaza w’imyaka 72 yatawe muri yombi akekwaho gusambanya umwana...

Urwego rw’Igihugu rushinzwe Ubugenzacyaha (RIB) rwataye muri yombi umusaza...
12 July 2020 Yasuwe: 2092 0

Polisi y’u Rwanda yerekanye abantu 15 bishe amabwiriza yo kwirinda COVID-19...

Polisi y’igihugu yerekanye abantu 15 batawe muri yombi barenze ku mabwiriza...
10 July 2020 Yasuwe: 2532 0

Gicumbi: Umwarimu w’imyaka 33 yatawe muri yombi akekwaho gusambanya umwana...

Umwarimu witwa Ndamukunda Aimable wigishaga ku kigo cy’amashuri abanza cya...
7 July 2020 Yasuwe: 7009 2