Kizito Mihigo yageze mu rukiko asanga urubanza rwe rwimuriwe mu rukiko rushya

Amakuru   Yanditswe na: Nsanzimana Ernest 11 June 2018 Yasuwe: 3689

Kizito Mihigo n’abamwunganira Kuri uyu wa Mbere tariki ya 11 Kamena bageze Kimihurura mu cyumba cy’iburanisha cy’Urukiko rw’Ikirenga batungurwa no gusanga urubanza rwasubitswe runimurirwa mu Rukiko rushya rw’Ubujurire ruherutse gushyirwaho.

Kizito yari yambaye impuzankano y’abagororwa, inkweto za siporo z’umukara n’amasogisi maremare y’umweru, isaha ku k’ibumoso ishapule y’umweru ku kaboko k’iburyo , yicaranye n’abandi baregwa baje kuburana ukwabo bategereje ko amaburanisha yabo atangira, baganira cyane, bakanyuzamo bagaseka bagatembagara.

Nyuma bamenyeshejwe ko hari intagazo rigendanye no gusubika imanza zabo mu rukiko rw’ikirenga.

Me Mukamusoni Antoinette wunganira Kizito Mihigo mu rukiko yabwiye Umuseke ko baje basanga iri tangazo ryatanzwe, gusa ngo ntirisobanura neza igihe ababuranyi babo bazaburanira n’aho bazaburanira.
Yagize ati “Twaje tuzi ko turi buburane. N’umushinjacyaha yari yaje ariko dusanga itangazo ritubwira Ko habaye amavugurura mu miburanishirize y’izi manza.”

Ubwanditsi bw’Urukiko rw’Ikirenga bwatangaje ko nyuma y’amavugurura y’inkiko uru rubanza kimwe n’izindi manza zari mu rw’Ikirenga ubu zitakiri mu bubasha bwarwo kuko haherutse gusohoka itegeko rishyiraho urukiko rw’ubujurire.

Uru ni urukiko ruherutse gushyirwaho n’Itegeko Ngenga ryo muri Mata (ryasohotse mu igazeti mu mpera za Gicurasi 2018) , ruzajya ruburanisha imanza z’ubujurire aho kugira ngo zigere mu rw’Ikirenga.

Nubwo Itegeko ryemeza uru rukiko ryasohotse tariki 30 Gicurasi kugeza ubu ntiruratangira imirimo yarwo.
Itegeko rishya rigena uru rukiko rivuga ko Perezida, Visi Perezida n’abacamanza b’uru Rukiko bashyirwaho n’Iteka rya Perezida bamaze kwemezwa na Sena. Perezida wa Repubulika abanza kugisha inama Inama y’Abaminisitiri n’Inama Nkuru y’Ubucamanza.

Ingingo ya kane y’iri tegeko ivuga ko “Mbere yo gutangira imirimo, Perezida, Visi Perezida n’aba bacamanza b’Urukiko rw’Ubujurire barahirira imbere ya Perezida wa Repubulika.”

Iyi mirimo irubanziriza ntabwo irakorwa, Nirangira rugatangira imirimo imanza z’ubujurire ziri mu rw’Ikirenga harimo n’uru rw’umuhanzi Kizito Mihigo wakatiwe imyaka 10 muri Gashyantare 2015 mu rukiko rukuru zizahita ziburanishwa n’uru rukiko rw’ubujurire.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwanda: Abakurikiranyweho kwiba Access Bank basabiwe gufungwa imyaka...

Abanyarwanda n’ Abanyanigeria bahakana icyaha cyo kurema umutwe w’abagizi ba...
16 October 2018 Yasuwe: 3601 0

Abacamanza b’ Abafaransa basabye ko iperereza ku wahanuye indege ya...

Uru rubanza rumaze igihe ndetse rutuma u Rwanda rutarebana neza n’ u...
14 October 2018 Yasuwe: 1463 2

Umusirikare warasiye umuntu I Nyamirambo n’abo bareganwa bakatiwe gufungwa...

Abantu batatu bakurikiranweho kugira uruhare mu iyicwa rya nyakwigendera...
8 October 2018 Yasuwe: 1352 0

Ubushinjacyaha ntiburamenya niba bujuririra irekurwa rya Diane Rwigara na...

Ubushinjacyaha bukuru bw’ u Rwanda bwatangaje ko bugiye kwicara bugasoma...
5 October 2018 Yasuwe: 1108 0

Diane Rwigara na nyina Adeline Rwigara barekuwe by’ agateganyo

Urukiko rukuru kuri uyu wa 5 Ukwakira 2018 rwafashe icyemezo cyo kurekura...
5 October 2018 Yasuwe: 6587 0

‘Mwirinde gusiragiza umuturage’ Minisitiri Busingye yakira indahiro z’...

Minisitiri w’Ubutabera akaba n’ intumwa Nkuru ya Leta Busingye Johnston kuri...
4 October 2018 Yasuwe: 180 0