Leta yahombye miliyoni 99 bitewe n’ impamvu zirimo kwirukana abakozi binyuranyije n’ amategeko

Amakuru   Yanditswe na: 9 December 2016 Yasuwe: 705

Mu mwaka ushize w’ ingengo y’ imari 2015/ 2016, Leta y’ u Rwanda yahomye miliyoni 99 bitewe no gutsindwa imanza.

Imanza Leta yatsinzwemo harimo iz’ abakozi birukanywe binyuranyije n’ amategeko n’ iz’ amasoko yatanzwe binyuranyije n’ amategeko.

ibi ni ibyatangajwe mu nama ngarukamwaka MINIJUST yagiranye n’abanyamategeko n’ibigo bitandukanye; yabaye tariki ya 08 Ukuboza 2016.

Umunyamabanga uhoraho muri MINIJUST, Isabelle Kalihangabo avuga ko kandi Leta yatsinzwe zimwe mu manza zijyanye n’ubutaka n’iz’itangwa ry’amasoko.

Yavuze ko mu manza 515 Leta yaburanye mu mwaka wa 2015-2016 w’ingengo y’imari, yatsinzwemo izibarirwa muri 24%. Igice kinini cy’izo yatsinzwemo ni icy’izijyanye n’umurimo.

Yanditse ati “Imanza Leta ikunze kuburana ni izijyanye n’amakosa y’abakozi ba Leta mu bijyanye n’ubutaka, itangwa ry’amasoko ya Leta, ariko cyane cyane izijyanye n’ibyemezo by’abayobozi birukana abakozi binyuranije n’amategeko, byateje igihombo kingana na miliyoni 99Frw.”

Evode Uwizeyimana, umunyamabanga wa Leta muri MINIJUST ushinzwe Itegeko nshinga n’andi mategeko, avuga ko bagiye kujya bategura neza amasezerano.

Hakiyongeraho gufasha ababuranira Leta kubona ibimenyetso, ndetse no gukemura ibibazo mu bwumvikane mu gihe nta mahirwe Leta ifite yo gutsinda.

MINIJUST mu nama n’abanyamategeko, yari yatumiye Ministeri y’Abakozi ba Leta n’Umurimo (MIFOTRA) n’Urukiko rw’Ikirenga.

Twahirwa Alexander, Umuyobozi muri MIFOTRA ushinzwe umurimo avuga ko bazongera inama bagira abayobozi b’ibigo bivugwamo kwirukana abakozi binyuranije n’amategeko.

Nubwo ariko Leta yahombye kubera imanza, ikigereranyo cy’izo itsinda ngo kigenda cyiyongera kuko mu mwaka wa 2014-2015 cyari kuri 68%, kiza kugera kuri 75.8% mu mwaka wa 2015/2016.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwana utawe n’umubyeyi atakaza isanomuzi

Byasa n’ibitungura nyirurugo kubyuka agasanga uruhinja imbere y’umuryango we...
13 February 2018 Yasuwe: 738 0

Ubushinjacyaha bwasabye polisi gukora iperereza kuri Niyibikora uherutse...

Ubushinjacyaha bw’ u Rwanda bwatangaje ko bwasabye polisi y’ u Rwanda ishami...
9 February 2018 Yasuwe: 6425 17

S/Lt Seyoboka yigambye ko ariwe warashe inzu y’Inteko (CND)

Uyu munsi ku rukiko rwa girisikare i Nyamirambo mu urubanza Sous Lieutenant...
8 February 2018 Yasuwe: 5702 0

Harakekwa akagambane na ruswa mu guteza cyamunara umutungo wa SINAPISI...

Umwe mu mitungo y’ umuryango ufasha abatishoboye Sinapisi Rwanda watejwe...
7 February 2018 Yasuwe: 4325 1

Nyabihu: Perezida Kagame yategetse ko bishyurwa mu cyumweru bagiye ku...

Hari Abaturage bo mu karere ka Nyabihu bamaze imyaka 10 basaba kwishyurwa...
7 February 2018 Yasuwe: 3608 2

Kubwimana uregwa kwica umuturanyi we yasabiwe gufungwa burundu, avuga ko...

Urukiko rwisumbuye rwa Muhanga kuri uyu wa Gatanu tariki 2 Gashyantare...
2 February 2018 Yasuwe: 3175 2