Igihugu cya Leta Zunze Ubumwe z’Amerika cyafashe umwanzuro wo kohereza mu Rwanda Madamu Beatrice Munyenyezi ushinjwa kugira uruhare muri Jenoside Yakorewe Abatutsi mu cyahoze ari Butare ubu ni mu karere ka Huye.
Munyenyezi Béatrice ukekwaho uruhare muri Jenoside yakorewe Abatutsi mu 1994 yoherejwe mu Rwanda kugira ngo agezwe imbere y’ubutabera ku byo akurikiranyweho.
Munyenyezi aragezwa mu Rwanda ku mugoroba wo kuri uyu wa Gatanu, tariki ya 16 Mata 2021.
Muri 2013, uukiko rwa U.S rwakatiye (...)

Sponsored Ad

Igihugu cya Leta Zunze Ubumwe z’Amerika cyafashe umwanzuro wo kohereza mu Rwanda Madamu Beatrice Munyenyezi ushinjwa kugira uruhare muri Jenoside Yakorewe Abatutsi mu cyahoze ari Butare ubu ni mu karere ka Huye.

Munyenyezi Béatrice ukekwaho uruhare muri Jenoside yakorewe Abatutsi mu 1994 yoherejwe mu Rwanda kugira ngo agezwe imbere y’ubutabera ku byo akurikiranyweho.

Munyenyezi aragezwa mu Rwanda ku mugoroba wo kuri uyu wa Gatanu, tariki ya 16 Mata 2021.

Muri 2013, uukiko rwa U.S rwakatiye MadamuBeatrice Munyenyezi igifungo cy’imyaka 10 muri gereza kubera kubeshya ku ruhare rwe muri Jenoside yakorewe Abatutsi 1994 kugira ngo abone ubwenegihugu bwa merika. Ubujurire bwe bwateshejwe agaciro n’urukiko rw’Ubujurire muri 2017.Uyu mugore yari afungiwe muri Leta ya Alabama.

Uyu Munyenyezi ni umugore wa Arsene Ntahobali wakatiwe igifungo cya burundu n’urukiko mpanabyaha rwashyiriweho u Rwanda [ICTR] kimwe na nyina Pauline Nyiramasuhuko.

Uyu Munyenyezi ashinjwa kugira uruhare mu gutanga Abatutsi biciwe kuri bariyeri yari hanze ya Hoteli y’umuryango we muri Butare.

Munyenyezi yahungiye muri Leta Zunze Ubumwe za Amerika mu mwaka wa 2003 aho yageze asaba ubuhungiro agaragaza ko ngo ari impunzi ya politiki.

Nyuma ya Jenoside yakorewe Abatutsi, Munyenyezi ari kumwe n’abana be bahungiye mu gihugu cya Kenya, bigeze mu 1995 yandika urwandiko rusaba ubuhunzi muri Amerika ariko abikora yigize nk’umwe mu bagizweho ingaruka na Jenoside yakorewe Abatutsi mu 1994.