Musanze: Ndabereye wahoze ari Visi Meya yakatiwe gufungwa imyaka isaga 5 azira gukubita umugore we

Amakuru   Yanditswe na: Dusingizimana Remy 27 February 2020 Yasuwe: 4469

Uwahoze ari Visi Meya w’akarere ka Musanze ushinzwe iterambere ry’Ubukungu Ndabereye Augustin yakatiwe n’Urukiko rwisumbuye rwa Muhoza mu Karere ka Musanze,gufungwa imyaka itanu n’ukwezi kumwe, runamuca ihazabu ya miliyoni imwe y’amafaranga y’u Rwanda nyuma yo kumuhamya ibyaha byo gukubita no gukomeretsa umugore we.



Ndabereye wahoze ari Visi Meya w’Akarere ka Musanze Ushinzwe Iterambere ry’Ubukungu, yatawe muri yombi mu ku wa 30 Kanama 2019 nyuma yo gukubita umugore we Kamariza Olive akamupfura imisatsi.

Saa cyenda na 45 kuri uyu wa Kane nibwo abacamanza basomye ibyemezo by’urukiko, Perezida w’inteko iburanisha abanza gusubiramo ibyaha uregwa ashinjwa, uko iburana ryagenze n’uko buri ruhande rwireguye.

Ndabereye yaburanye yemera icyaha cyo gugukubita no gukomeretsa uwo bashakanye anagisabira imbabazi, ahakana icyo kumuhoza ku nkeke. Ku wa 21 Mutarama 2020 nibwo yaburanye mu mizi ku byaha aregwa, mu rubanza rwabereye mu muhezo.



Umucamanza yagaragaje ko mu gihe cy’iburanisha, Ndabereye yemeye ko yarwanye n’umugore we abitewe n’uko yari amaze guteka, amusanga mu cyumba amubwira kujya kurya cyangwa akabireka kuko atari umwana wo gutamikwa.

Ni ibintu ngo byatumye kamere izamuka barwana ubwo, ari nabyo byabaye intangiriro y’ibyaha uyu mugabo afungiwe.

Umucamanza yagaragaje ko icyaha cyo guhoza ku nkeke umugore kidahama Ndabereye kuko nta bimenyetso bifatika Ubushinjacyaha bwatanze, ahubwo byavuzwe mu magambo gusa.



Yavuze ko isuzuma rya muganga ryagaragaje ko ibikomere Ndabereye yateye umugore we nta zindi ngaruka zikomeye byamugizeho nk’ubumuga, bikaba ari kimwe mu byatumye agabanyirizwa igihano yahawe. Itegeko rigena ko uhamwe n’iki cyaha Ndabereye yemera ahanishwa igifungo kiri hagati y’imyaka itanu, ariko kitarengeje imyaka umunani.

Uyu mugore akimara guhohoterwa na Ndabereye,yajyanwe mu bitaro bya Ruhengeri,igitaraganya ndetse amaze koroherwa ahabwa abaganga bo kumwitaho kubera ihungabana yagize.

Kuwa 14 Mutarama 2020 nibwo uyu mufasha wa Ndabereye yandikiye ibaruwa perezida Kagame yishinganisha ubuzima bwe ndetse asaba ko uyu mugabo we atafungurwa kuko ngo ashobora kuzamwica cyane ko ngo yabigerageje inshuro nyinshi ntibimukundire.

Uyu mugore yavuze ko Ndabereye atamaraga ibyumweru 2 atamukubise aho yavuze ko yigeze kumukubita amuziza ko yaguze inyanya nyinshi,ko abana basakuje mu rusengero ntabacecekeshe, yaguze amasorori mabi,ko ngo yamenye ubuki,n’ibindi.

Source:IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble laetitia

    Ubumuga ntekereza butaba inyuma gusa,no mumutwe no kumutima haba Hari ikibazo.abantu bameze nk’uyu bajye bubaha ikiremwa muntu.

    1 month ago
  • chat_bubble Damas

    Uyu mugabo njye sinigeze mumenya n’ubwo yayoboye akarere mbarizwamo, n’ uyu mugore ntaho muzi, ariko uko njya numva nyamugore avugwa hirya no hino, uyu mugabo yari yararenganye bikomeye. Niba amategeko ya Leta yacu ntacyo yafasha uyu mugabo, Imana yo mu ijuru imurebe imurengere!

    1 month ago

Inzindi nkuru

Gasabo: RDF yasezeranyije ubutabera bwihuse abaturage bavuga ko bahohotewe...

Bamwe mu baturage bo mu mudugudu wa Kangondo ya kabiri mu karere ka Gasabo...
2 April 2020 Yasuwe: 7472 2

Polisi y’u Rwanda yafashe abantu 3 barimo n’Umupolisikazi bafashwe amashusho...

Polisi y’u Rwanda yatangaje ko yataye muri yombi abantu batatu barimo...
2 April 2020 Yasuwe: 19565 5

Bamwe mu bafungiwe muri za Kasho zitandukanye bagiye kurekurwa kubera...

Umushinjacyaha Mukuru,Havugiyaremye Aimable, yandikiye ibaruwa...
2 April 2020 Yasuwe: 3222 1

Umunyeshuri wiga muri Kaminuza y’u Rwanda yafatanwe abakobwa 2 mu cyumba...

Umunyeshuri wiga muri Kaminuza y’u Rwanda,Izabayo William, Ishami rya Huye,...
31 March 2020 Yasuwe: 20675 4

RIB yataye muri yombi umukozi wa IPRC Karongi wamburaga abanyeshuri...

Urwego rw’igihugu rw’Ubugenzacyaha [RIB] bwataye muri yombi uwitwa Munyaneza...
30 March 2020 Yasuwe: 5106 1

Rubavu: Polisi yataye muri yombi abagabo 2 bagaragaye mu mashusho bakubita...

Polisi y’u Rwanda yatangaje ko yataye muri yombi Niyonzima Jean Baptiste na...
27 March 2020 Yasuwe: 5950 0