startimes
startimes

Musanze: Urukiko rwisumbuye rwemeje ko Gitifu na bagenzi be bakubise abaturage bari mu kazi

Amakuru   Yanditswe na: Dusingizimana Remy 30 July 2020 Yasuwe: 4774

Sponsored Ad


Urukiko Rwisumbuye rwa Musanze rwanzuye ko rudafite ububasha bwo gucira urubanza Sebashotsi Gasasira Jean Paul wahoze ari Umunyamabanga Nshingwabikorwa w’Umurenge wa Cyuve na bagenzi, kuko ibikorwa byo gukubita abaturage babikozwe bari mu kazi bityo ko batahanishwa igifungo cy’imyaka 15.

Ubushinjacyaha bwari bwasabiye abaregwa gufungwa imyaka 15 no gucibwa ihazabu ya miliyoni 5 Frw kuri buri muntu kubera uburemere bwa biriya byaha bakurikiranyweho.

Urukiko Rwisumbuye rwa Musanze, rwasomye umwanzuro warwo kuri uyu wa Kane, rwavuze ko mu bushishozi bwarwo rwasanze bariya bahoze ari abayobozi batakubise cyangwa ngo bakomeretse bariya baturage nkana ahubwo ko bari mu kazi bityo ko batahanishwa kiriya gihano cy’imyaka 15.

Umucamanza yavuze ko icyaha gikwiye guhama bariya bantu gihanishwa hagati y’imyaka Itatu (3) n’itanu (5) kandi kikaba kitari mu bubasha bw’Urukiko Rwisumbuye.

Umucamanza yavuze ko kiriya gihano gitangwa n’Urukiko rw’Ibanze bityo ko abaregwa bakwiye gusubizwa kuburanira mu rukiko rw’Ibanze rwa Muhoza rubifitiye ububasha.

Hari amakuru avuga ko Ubushinjacyaha butanyuzwe n’umwanzuro rw’Urukiko ndetse ko bushobora kuwujuririra.

Abaregwa bisobanuye bavuga ko uriya munsi batari bazinduwe no gukubita bariya baturage ahubwo ko bari mu kazi ariko bariya baturage bakaza kubashotora ndetse ngo bagakomeretsa bamwe muri bo.

Sebashotsi Gasasira Jean Paul yabwiye Urukiko ko abaturage bo muri kariya gace basanzwe barigometse ku bayobozi ndetse ko bakunda kubakubira. Icyo gihe yagize ati “Nayoboye imirenge myinshi ariko uriya munsi uyu Murenge wambereye ikigeragezo pe.”

Source: UMUSEKE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Burundi: Abantu 08 batwikiwe mu nzu mu bice 2 bitandukanye

Abantu 8 batwikiwe mu nzu zabo mu ijoro ryo kuri uyu wa gatatu rishyira...
6 August 2020 Yasuwe: 1251 0

Huye: Meya Sebutege yiyemeje gukemura ikibazo cy’abageni gitifu yangiye...

Umuyobozi w’Akarere ka Huye, Sebutege Ange, yinjiye mu kibazo cya...
6 August 2020 Yasuwe: 1705 0

Ruhango: Bafashwe bacuruza inyama z’imbwa babeshya ko ari iz’ihene

Mu gitondo cyo kuwa mbere tariki ya 03 Kanama 2020 ,abasore batatu bafatiwe...
4 August 2020 Yasuwe: 2085 0

Polisi y’u Rwanda yerekanye abantu ibihumbi 2,046 bafashwe barenze ku...

Polisi y’u Rwanda yaramukiye mu gikorwa cyo kwerekana abantu barenze ku...
1 August 2020 Yasuwe: 2378 0

Polisi y’u Rwanda yerekanye abagabo 3 bamburaga abaturage bababeshya ko...

Mu gitondo cyo kuri uyu wa Gatanu tariki ya 31 Nyakanga Polisi y’u Rwanda...
1 August 2020 Yasuwe: 1023 0

Musanze: Urukiko rwisumbuye rwemeje ko Gitifu na bagenzi be bakubise...

Urukiko Rwisumbuye rwa Musanze rwanzuye ko rudafite ububasha bwo gucira...
30 July 2020 Yasuwe: 4774 0