Ndahimana Protogene waregwaga gushahura umurambo no kuwuca amatwi yakatiwe imyaka 5

Amakuru   Yanditswe na: Nsanzimana Ernest 27 September 2018 Yasuwe: 2896

Urukiko rwisumbuye rwa Muhanga kuri uyu wa 27 Nzeli rwakatiye Ndahimana Protogene imyaka 5 y’ igifungo asonerwa amagarama y’ urubanza kuko yaburanye afunze.

Muri Mata uyu mwaka nibwo mu karere ka Kamonyi mu murenge wa Kayenzi humvikanye inkuru idasanzwe y’ umugabo Ndahimana Protogene, abaturage bashinjaga gutaburura umurambo w’ umusaza wari umaze iminsi yitabye Imana agashyingurwa.

Icyo gihe abaturage babwiye itangazamakuru ko Ndahimana yataburuye umurambo wa Madegede akawuca amatwi n’ ibice by’ ibanga.

Umwe muri bo yagize ati “Reba nk’ ubu warambitse umuntu ipantalo nk’ iyi wajya kureba ugasanga bayimukuyemo. Barashahuye ubwo barigendera”

Undi yagize ati “Bamukase amatwi, n’ ibindi bamusanze bamukuyemo ipantalo ubwo n’ ibindi ntawarebye kuko izuba ryari ryavuye n’ isazi zitangiye gutuma”

Ubushinjacyaha bwaregeye urukiko rwisumbuye rwa Muhanga, nyuma yo gutabwa muri yombi kwa Ndahimana. Uyu munsi nibwo urukiko rwisumbuye rwa Muhanga rwemeje ko ibyaha Ndahimana aregwa bimuhama maze rumukatira igifungo cy’ imyaka 5.

TV1 yatangaje ko muri uru rubanza umucamanza yisunze ingingo ya 180 mu mategeko ahana ibyaha mu Rwanda , ivuga ko umuntu wese uhisha cyangwa utaburura ku bugome , umurambo w’ umuntu cyangwa uca umwanya w’ umubiri cyangwa se ushinyagurira ku buryo ubwo aribwo bwose ahanishwa kirenze imyaka 5 kugeza ku myaka 7.

Impande zombi zahawe iminsi 30 ngo uzaba atanyuzwe n’ imikirize y’ urubanza azabe yatanze ubujurire bwe mu rukiko.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubushinjacyaha bwashyikirijwe idosiye ya Twagirayezu woherejwe n’igihugu cya...

Urwego rw’igihugu rw’ubushinjacyaha NPPA bwatangiye gukora ku idosiye ya...
19 December 2018 Yasuwe: 2327 0

ADEPR: Batatu bahamwe n’icyaha abandi barimo na Bishop Tom Rwagasana bagirwa...

Abahoze ari abayobozi bakuru b’itorero rya ADEPR barimo Bishop Jean Sibomana...
14 December 2018 Yasuwe: 9385 4

Urubanza ruregwamo umunyamakuru Phocas Ndayizera ruzaburanishwa mu...

Kuri uyu wa Kane tariki 13, Urukiko rw’ibanze rwa Nyarugenge rwafashe...
13 December 2018 Yasuwe: 1881 1

Ubushinjacyaha bugiye kujuririra icyemezo cyo kurekura Diane Rwigara...

Umushinjacyaha Mukuru, Mutangana Jean Bosco, yemeje ko Ubushinjacyaha...
12 December 2018 Yasuwe: 3622 1

Wenceslas Twagirayezu uregwa ibyaha bya jenoside yagejejwe i...

Ku mugoroba wo kuri uyu wa 11 Ukuboza nibwo indege yari intwaye Twagirayezu...
12 December 2018 Yasuwe: 2306 0

U Rwanda rwategetswe kwishyura Victoire Ingabire miliyoni 50...

Urukiko Nyafurika rushinzwe uburenganzira bwa muntu rufite ikicaro muri...
10 December 2018 Yasuwe: 16184 1