Ntamuhunga watorotse gereza yavuze ko yidegembya anashima Imana

Amakuru   Yanditswe na: Iyamuremye Janvier 28 February 2018 Yasuwe: 5335

Umunyamakuru Ntamuhanga Cassien wari ufungiye muri gereza ya Mpanga mu karere ka Nyanza, akaza gutoroka ubutabera bw’u Rwanda yavugiye mu buhingiro ko aho ari ameze neza mu mvugo ye yumvikanishije ko yidegembya anavuga ko ashima Imana yamurinze kugeza ubu.

Uyu mugabo wari kumwe na Kizito Mihigo mu idosiye imwe bahamijwe n’urukiko ibyaha birimo ibyo kurema umutwe w’abagizi ba nabi, n’ubugambanyi bwo kugirira nabi ubutegetsi buriho.

Amezi abaye ane ari mu buhungiro mu gihugu nawe atifuza gutangaza.Kuri uyu wa Gatatu yabwiye Ijwi ry’amerika ko yatorotse gereza ashimangira ko ntacyo yari afungiye.Ati “Ndiho rwose ndidegembya, ngirango amezi amaze kuba ane nsohotse muri gereza ndetse mbasha no gusohoka mu gihugu, ubu rwose urumva mbese ndimo ndavuga, ndimo ndidegembwa rwose nshima Imana cyane nzamuye amaboko hejuru”.

Yabwiwe n’umunyamakuru wa Radiyo Ijwi rya Amerika ko ari gushwakishwa n’ubutabera bw’u Rwanda asubiza ko yari yarafungiwe ibyaha atakoze.Yagize ati “Njyewe nta cyaha na kimwe kera cyangwa kirabura nishinja, kuko n’ababashije gukurikirana urubanza rwanjye ndetse batabogamye, babasha kumva ko ibintu naziraga nanjye nkomeje kwicara muri gereza, na njye mu gihe cyose naba nkifite umwuka, nanjye kwaba ari ukwifunga”.

Ntamuhanga yatorokanye n’abagabo babiri; umwe yari afungiye ubuhotozi mugenzi we afungiye gusambanya ku gahato. Nibafatwa bazasubizwa mu nkiko.

Umuvugizi w’ urwego rw’ igihugu rushinzwe imfungwa n’ abagororwa CIP Sengabo Helary, icyo gihe yatangarije Ikinyamakuru UMURYANGO ko Sibomana Kirenge yakatiwe imyaka 20 nyuma yo guhamwa n’ icyaha cy’ ubuhotozi mu gihe Batambarije Theogene yakatiwe imyaka 16 nyuma yo guhamwa n’ icyaha cyo gufata ku ngufu.

CIP Sengabo yavuze ko Sibomana Kirenge mwene Subwumwe na Nyiramiheto ukomoka mu kagali Birushya Umurenge Nyamyuba Akarere Rubavu yari asigaje imyaka 10 y’ igifungo.

Cassien Ntamuhanga wari Umunyamakuru wa Radiyo Ubuntu butangaje yakatiwe imyaka 25 y’ igifungo nyuma yo guhamwa n’ ibyaha birimo kugambirira kugirira nabi umukuru w’ igihugu.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble kamegeri F.

    uyu muhungu numuhanga cyane ndamwemera.

    5 months ago
  • chat_bubble Rugwiro

    Gushimimana burya nibyo byiza nanjye narasenze kandi ndacyasengera abandi bose bazira ubusa.

    5 months ago
  • chat_bubble mazina

    Byerekana ko ubushobozi bwa Muntu buri hasi cyane ugereranyije n’imana.Mwibuke ko na KABUGA yabuze,kimwe na ya ndege ya Malaysia Airlines.Tujye twemera ko imana Ishoborabyose.Twemere ko izazura abantu bayumvira ku munsi w’imperuka nkuko Yohana 6:40 havuga.Noneho twemere n’ibyo idusaba binyuze kuli Bible,kugirango tuzabe muli Paradizo.Urugero,itubuza kwiba,gusambana,kwica,etc...Ikatubuza kwibera mu byisi gusa nkuko 1 Yohana 2:15-17 havuga.
    Abanga kuyumvira,izabahanisha kutaba muli paradizo no kutabazura ku munsi wa nyuma.Nubwo abanyamadini bababeshya ko iyo bapfuye baba bitabye imana.Ntabwo ariko Bible ivuga.

    5 months ago

Inzindi nkuru

Perezida Kagame yakiriye indahiro z’ abacamanza barimo abazakora mu rukiko...

Perezida w’ u Rwanda Paul Kagame kuri uyu 1 Kanama 2018 yakiriye indahiro z’...
1 August 2018 Yasuwe: 698 0

Ikibazo cy’abatuye I Runyombyi kizacyemurwa mu murongo Perezida yagihaye -...

Nyuma y’aho hari abaturage bo mu kagali ka Runyombyi mu murenge wa Busanze...
27 July 2018 Yasuwe: 1308 3

Rwamagana: Ntezimana wabaze umugore we yakatiwe burundu, uwo bafatanyije...

Urukiko rwisumbuye rwa Ngoma mu Karere ka Rwamagana, rwakatiye igifungo cya...
21 July 2018 Yasuwe: 1522 0

Dr Munyakazi yahanaguweho gukora Jenoside ahanishwa gufungwa imyaka...

Urukiko Rukuru rwahamije Dr Léopold Munyakazi icyaha cyo guhakana no...
21 July 2018 Yasuwe: 3151 0

Abakozi MINISANTE yirukanye bararegwa gutanga amasoko ya miliyari zirenga 5...

Urukiko rw’ ibanze rwa Nyamirambo kuri uyu wa 18 Nyakanga rwakomeje...
19 July 2018 Yasuwe: 1392 0

Urukiko rwatesheje agaciro inzitizi zose zatanzwe n’ abari abakozi ba...

Urukiko rw’ ibanze rwa Nyamirambo kuri uyu wa Kabiri tariki 17 Nyakanga 2018...
17 July 2018 Yasuwe: 3288 0