startimes

Nyamagabe: Polisi yataye muri yombi umusore yafashe ari kwiba mazutu

Amakuru   Yanditswe na: Dusingizimana Remy 29 May 2020 Yasuwe: 726

Polisi ikorera mu Karere ka Nyamagabe muri Sitasiyo ya Polisi ya Tare, yafashe umusore w’imyaka 26, imufatana litiro 40 za mazutu yari imaze kuvomwa mu modoka zikora umuhanda Nyamagabe-Kitabi.



Yafashwe ku wa Kane tariki ya 27 Gicurasi afatirwa mu Murenge wa Tare mu kagari ka Gasarenda mu mudugugdu wa Mwufe.

Umuvugizi wa Polisi mu Ntara y’Amajyepfo, CIP Sylvestre Twajamahoro, avuga ko kugira ngo uwo musore afatwe byaturutse ku makuru yatanzwe n’umuturage wabonye abantu bavoma mazutu mu modoka z’isosiyete ikora uriya muhanda Nyamagabe-Kitabi ahita atanga amakuru.

CIP Twajamahoro yagize ati “Umuturage yababonye bayivoma aduha amakuru turakurikirana turamufata kuko ni we wari uyihetse ku igare, abandi bahise biruka barimo gushakishwa.”

Yakomeje agaragaza ko ubujura bw’amavuta y’imodoka zikora uriya muhanda atari bushya kuko abayobozi ba sosiyete ikora uriya muhanda basanzwe batanga amakuru ko bibwa ndetse n’abiba bagafatwa bagashyikirizwa ubutabera. Akenshi amavuta y’izo modoka yibwa n’abashoferi bazo.

Umuvugizi wa Polisi mu ntara y’Amajyepfo yashimiye abaturage bakomeje gutanga amakuru ariko anakangurira abantu kujya bagira uruhare rwo gufata neza ibikorwa remezo Leta iba irimo kubegereza.

Yagize ati “Niba Leta ihaye abantu akazi ko kubaka ibikorwa remezo abaturage mugomba korohereza abo bakozi bagakora ibyo bikorwa neza kugira ngo birangire vuba kandi neza ntimubabere imbogamizi. Ariko uzabirengaho nawe amategeko arahari azafatwa kandi azabihanirwa.”

Uwo musore yashyikirijwe urwego rw’igihugu rushinzwe ubugenzacyaha (RIB) rukorera muri sitasiyo ya Polisi ya Tare, kugira ngo hakorwe iperereza.

Itegeko nº68/2018 ryo ku wa 30/08/2018 riteganya ibyaha n’ibihano muri rusange mu ngingo ya 166 havuga ko Umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rwamuganza na bagenzi be 5 bakekwaho kunyereza miliyari 2 FRW za Leta...

Urukiko rwisumbuye rwa Gasabo rwategetse ko uwari Umunyamabanga Uhoraho...
14 July 2020 Yasuwe: 920 0

Umuyobozi w’Ibitaro bya Gitwe azamenyeshwa imyanzuro y’urukiko kuri uyu wa...

Bwana Gérard Urayeneza ukekwaho icyaha cya Jenoside no kuzimiza ibimenyetso...
14 July 2020 Yasuwe: 1315 0

RIB yataye muri yombi abagabo 3 bakekwaho kwica umwana w’imyaka 17 I...

Urwego rw’Igihugu rw’Ubugenzacyaha [RIB] rwatangaje ko rwataye muri yombi...
13 July 2020 Yasuwe: 3264 0

Polisi yataye muri yombi Hamuli azira gukwirakwiza ibihuha ko...

Kuri iki cyumweru tariki ya 12 Nyakanga Polisi y’u Rwanda yafashe uwitwa...
13 July 2020 Yasuwe: 3626 0

Sankara yabwiye urukiko impamvu yinjiye muri FLN n’ubufasha Zambia...

Nsabima Callixte uzwi kandi nka Sankara uyu munsi ku wa mbere yatangiye...
13 July 2020 Yasuwe: 4575 0

Rubavu: Yafashwe yaka ruswa motari amubeshya ko yayitumwe n’abapolisi

Polisi ikorera mu Karere ka Rubavu mu murenge wa Rubavu kuri uyu wa...
13 July 2020 Yasuwe: 1164 0