Nyamasheke: Ba diregiteri bane b’ ibigo by’ amashuri bafunzwe bazira kunyereza arenga miliyoni 50

10 January 2017. | Ubutabera | 3 Ibitekerezo | Nsanzimana Ernest
  • MyPassion

Igenzura ry’imikoreshereze y’imitungo ryakozwe n’akarere ka Nyamasheke ryatumye hafatwa abayobozi b’ibigo by’amashuri bane bakekwaho kunyereza amafaranga agera kuri miliyoni 58 z’amafaranga mu bigo bari babereye abayobozi.

Igenzura ryakozwe ku mikoreshereze y’amafaranga ahabwa ibigo by’amashuri ni ryo ryatumye abayobozi b’ibigo bine by’amashuri batabwa muri yombi nk’uko byatangajwe n’Umuvugizi wa Polisi mu Ntara y’Iburengerazuba, Chief Inspector of Police (CIP) Theobald Kanamugire.

Yavuze ko abafashwe barimo ari umuyobozi wa GS Nyanza, Aloys Nzeyimana ukekwaho kunyereza amafaranga angana na miliyoni 11; umuyobozi wa GS Banda ukekwaho kunyereza miliyoni 13,9, umuyobozi wa ES Rangiro, Jéremy Mushimiyimana ukurikiranyweho kunyereza miliyoni 21 ndetse na Canisius Mukuzimana wayoboraga EP Ruhengeri ukurikiranyweho kunyereza miliyoni 3,1.

CIP Kanamugire yagize ati ”Iperereza riracyakomeza n’ubwo igenzura ryagaragaje ko aba bagabo hari uruhare bafite mu kubura kw’ariya mafaranga; ubu bose bafungiye kuri sitasiyo ya Polisi ya Ruharambuga.

” Ibi birababaje,..aya yari amafaranga agenewe imibereho y’abanyeshuri n’ubuzima bw’ibi bigo muri rusange; abayobozi b’ibigo bakwiye kujya bayakoresha ibyo yagenewe kandi bakagira umutimanama wo kuyakoresha neza.”

Mu ngingo ya 325 y’igitabo cy’amategeko ahana, havuga ko kunyereza bihanishwa igifungo kuva ku myaka irindwi kugeza ku myaka icumi n’inshuro ebyiri kugeza kuri eshanu z’agaciro k’ibyanyerejwe cyangwa ibyangijwe.

    Facebook Twitter Addthis
Ibitekerezo
  • MyPassion

    Gahini
    11 January 2017 - Musubize

    Abo bagenzuzi bazanyarukire no mu Karere ka Kayonza EP Nyamiyaga barebe Uko ikigo kigeze mu marembera.

  • MyPassion

    munyarukire Muri Top sec
    bahembe abakozi bicwe ninzara

  • MyPassion

    Ndagijimana fabien
    11 January 2017 - Musubize

    Jeremy azize umugorewe wigize Director ahokuba umugabowe niwe ufata imyanzuro wasanga ariwe wamuhaye izo nama zokurta umutungo w, igihugu!!!!

Tanga Igitekerezo