skol
startimes

Nyarugenge: Abagore bafunzwe nyuma yo gufatwa bari kongerera bagenzi babo ibibuno n’amabere

Amakuru   Yanditswe na: Dusingizimana Remy 13 August 2020 Yasuwe: 22693

Uyu munsi ku Mbuga Nkoranyambaga hiriwe hacicikana inkuru y’abagore n’abakobwa 15 bafatiwe mu Murenge wa Rwezamenyo bagiye kongera no kugabanya ibice by’imibiri yabo birimo amabere n’ikibuno.


Ubutumwa bwakwiriye ku mbuga nkoranyambaga buvuga ko ku ku munsi w’ejo tariki ya 12 Kanama 2020,mu Mudugudu wa Rwezamenyo, Akagari ka Niboye hafatiwe abagore n’abakobwa 15 muri bo 12 ngo bari bagiye kongeresha cyangwa kugabanyisha ibibuno, inda, amabere n’amaboko.

Bivugwa ko igikorwa cyo gufata bariya bantu cyabaye hagati ya saa 12h00 na saa 15h00.

Abagore n’Abakobwa bafashwe umukuru yavutse mu 1967, umutoya yavutse muri 2005, baturuka mu duce dutandukanye tw’Umujyi wa Kigali hari n’abaturutse mu Ntara.

Hari abo muri Rwezamenyo, Kicukiro, Nyamirambo, Kanombe, Gikondo, Niboye, Kimisagara n’uwo muri Gakenke.

Muri iyo nkuru yiriwe ku mbuga nkoranyambaga, umugore ukekwaho gukorera bagenzi be biriya bikorwa bivugwa ko abo abikorera yafatanywe na bo bari bamaze iwe hagati y’ukwezi n’amezi abiri.

Yafatanywe imashini zongera ibibuno n’izigabanya inda, n’iyongera imyanya y’ibanga y’abagore.

Dr. Murangira Thierry Umuvugizi w’Umusigire wa RIB yabwiye Umuseke dukesha iyi nkuru ko bafunze abagare babiri, ariko yirinze gutangaza amazina yabo.

Yatangaje ko aba bagore bafungiye kuri RIB ya Kimisagara bakurikiranyweho Icyaha cy’Uburiganya hakoreshejwe ikintu cy’undi.

Ati “Amakuru dufite ni ayo turi kwanga gutangaza ibintu byinshi kubera ko tukiri mu iperereza.”

Nkuko screenshot yafashwe ibigaragaza,ngo kongera ikibuno,amabere cyangwa kuyahagarika byishyurwaga akayabo k’ibihumbi 200 FRW.

Kugabanya inda nini ni ibihumbi 150 FRW,intoya ni 100 FRW mu gihe kugabanya amatama byari ibihumbi 50 FRW.


Ibiciro bivugwa ko aba bagore bacaga bagenzi babo kugira ngo babahe serivisi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble theoneste

    Ahhaa, biratangaje 😜😜😜

    3 months ago

Inzindi nkuru

Rusesabagina yongeye gusaba kurekurwa ubushinjacyaha busaba ko akomeza...

Paul Rusesabagina umwe mu batavuga rumwe n’ubutegesti yabwiye urukiko...
27 November 2020 Yasuwe: 479 0

Ubushinjacyaha bwasabye ko urubanza rwa Rusesabagina ruhuzwa n’iz’abandi bo...

Ubushinjacyaha bwasabye ko Urukiko ruburanisha ibyaha by’iterabwoba ruri i...
26 November 2020 Yasuwe: 374 0

RDF yavuze kuri Sergeant Major Robert ushinjwa gusambanya umwana wo mu...

Igisirikare cy’u Rwanda [RDF] yatangaje ko Ubushinjacyaha bwa gisirikare...
23 November 2020 Yasuwe: 3355 0

"Akarayifumbwe": Rwa rukingo rwa Kanseri y’umura ngo rwaba rutera abakobwa...

Hari amakuru ko rwa rukingo rwa kanseri y’umura rumaze igihe rugeragerezwa...
22 November 2020 Yasuwe: 4222 0

Sadate Munyakazi avuga ko agiye kurega Sam Karenzi na Radio10

Sadate Munyakazi wigeze kuyobora Rayon Sport akavaho mu buryo bugoranye RGB...
21 November 2020 Yasuwe: 2964 0

Iburanisha ku bujurire bwa Paul Rusesabagina ryasubitswe bwa...

Urukiko rwisumbuye rwa Nyarugenge rwongeye gusubika ku nshuro ya gatatu...
20 November 2020 Yasuwe: 384 0