Nyarugenge: Umumotari arashinjwa gushaka guha ruswa umupolisi

Amakuru   Yanditswe na: Iyamuremye Janvier 9 November 2017 Yasuwe: 229

Umumotari witwa Ndizeye Tito, wari usanzwe akorera akazi ke ko gutwara abagenzi, ku itariki ya 8 Ugushyingo yafatiwe mu murenge wa Kimisagara akarere ka Nyarugenge akekwaho gushaka guha umupolisi ruswa y’ibihumbi makumyabiri (20, 000Frw) by’amafaranga y’u Rwanda.

Ndizeye yashatse gukora iki cyaha kugirango umupolisi amurekurire moto ye, ubwo yari afashwe atwaye moto nta ruhushya rwo gutwara ikinyabiziga afite.

Ubu Ndizeye afungiye kuri Sitasiyo ya Polisi ya Kimisagara aho akurikiranyweho icyaha cyo gutanga impano kugirango hakorwe ibinyuranyije n’amategeko gihanwa n’ngingo ya 641 yo mu gitabo cy’amategeko ahana ibyaha mu Rwanda.

Iyi ngingo ivuga ko muntu wese uha undi muntu, ku buryo bweruye cyangwa buteruye, washatse kumuha, wamuhaye ku buryo buziguye cyangwa butaziguye, impano cyangwa indonke iyo ari yo yose cyangwa yamugiriye amasezerano yabyo kugira ngo amukorere cyangwa akorere undi muntu ibinyuranyije n’amategeko cyangwa areke gukora ibiri munshingano ze, ahanishwa igifungo kirenze imyaka itanu (5) kugeza ku myaka irindwi(7) n’ihazabu y’amafaranga y’u Rwanda yikubye inshuro kuva kuri ebyiri (2) kugeza ku icumi (10) z’agaciro k’indonke yatanze cyangwa yashatse gutanga.

Umuvugizi w’ishami rya Polisi rishinzwe umutekano wo mu muhanda Chief Inspector of Police (CIP) Emmanuel Kabanda yavuze ati:”Akenshi abamotari bagaragara mu bakoresha umuhanda bateza cyangwa bagwa mu mpanuka zo mu muhanda, bamwe muri bo usanga bakora nta byangombwa byo gutwara ibinyabiziga bafite, kandi nta n’ubumenyi buhagije bwabyo bafite.”

Hagati y’ukwezi kwa Kanama n’Ukwakira nibura 18.5 ku Ijana z’impanuka zaguyemo abantu na 28 ku Ijana zakomerekeyemo abantu bikabije zatewe n’abamotari.

CIP Kabanda yakomeje avuga ati:”Tuzakomeza gufata abatubahiriza amategeko y’umuhanda bagashyira ubuzima bw’abantu mu kaga. Kandi hari bamwe bagwa mu makossa bagashaka gutanga ruswa. Uyu Ndizeye ni umwe muri benshi muri abo bafatiwe muri icyo cyaha bakaba baranakatiwe.”

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Dr Leo Mugesera yasuwe inshuro 13 mu mezi 6, NCHR irabeshyura abavuga ko...

Nyuma y’ uko hatangajwe amakuru avugwa ko Leo Mugesera ufungiye ibyaha bya...
21 January 2018 Yasuwe: 677 0

Muhanga: Bavuga ko Kwitonda yakatiwe gufungwa burundu inyandiko imushinja...

Abari bagize inteko y’urukiko Gacaca rw’ubujurire rwa Gahogo rwabarizwaga mu...
21 January 2018 Yasuwe: 928 1

Uwafatanywe Heroine I Kanombe yavuze ko yari aziko atwaye umuti

Umugore w’Umunya-Nigeria, Duru Priscilla wafatiwe ku kibuga cy’ indege...
16 January 2018 Yasuwe: 1469 0

Gatsibo: Umugore yafashwe ahekeye umwana hejuru ya Zebra Waragi

Mu gitondo cyo ku wa 29 Ukuboza umwaka ushize, Polisi mu karere ka Gatsibo...
1 January 2018 Yasuwe: 382 0

Rusizi: Abakozi babiri ba sitasiyo ya SP batawe muri yombi

Kuri uyu wa 26 Ukuboza nibwo Kamanayo Aphrodice w’imyaka 30 na Gatware...
28 December 2017 Yasuwe: 578 0

Inteko yemeje imishinga y’amategeko ajyanye no kohererezanya...

Inteko ishinga amategeko y’u Rwanda yemeje imishinga y’amategeko yemera...
28 December 2017 Yasuwe: 112 0