skol
startimes

RDF yemeje ko abasirikare bayo 2 bafunzwe bakurikiranyweho guhohotera abaturage

Amakuru   Yanditswe na: Dusingizimana Remy 12 June 2020 Yasuwe: 1886

Bamwe mu baturage mu karere ka Bugesera mu kagari ka Nyamata mu murenge wa Nyamata bavuga ko mu minsi ishize bakubiswe n’abasirikare bafatanyije n’inkeragutabara - ishami ry’ingabo z’u Rwanda.


Bamwe mu batuye muri ako kagari babwiye TV1 yo mu Rwanda ko mu ijoro ryo ku cyumweru tariki ya 07 Kamena 2020 abasirikare bambaye imyenda ya gisirikare bafatanyije n’inkeragutabara, bakubise abaturage batandukanye.

Igisirikare cy’u Rwanda RDF cyasohoye itangazo rivuga ku byabaye ndetse cyemeza ko abasirikare babikoze bafunzwe.

Urukiko rwa gisirikare i Kigali rukurikiranye abasirikare batanu ku byaha bakekwaho birimo gukubita abaturage no gusambanya abagore ku ngufu.

Mudaheranwa Alphonse, yarakubiswe bikomeye bimuviramo kujyanwa mu bitaro aho yamaze iminsi itatu.

Mu ijwi ryumvikanamo intege nkeya z’umubiri, Bwana Mudaheranwa yabwiye BBC ko yakubiswe akababazwa "igice cyo hasi cyose, akaboko n’umugongo".

Avuga ko nyuma yo koroherwa yasezerewe mu bitaro ubu akaba akomeje kwitabwaho ari mu rugo kuko agifite intege nkeya.

Aba basirikare batamenyekanye amazina abaturage bavuga ko basanzwe barinda umwe mu basirikare bakuru ufite ipeti rya Colonel utuye mu mudugudu wa Rugarama ya 3 mu kagari ka Nyamata mu murenge wa Nyamata mu karere ka Bugesera.

Yagize ati: "Icyabiteye ni ugukubitwa gusa, ni ibintu byatunguranye, banyibeshyeho kuko si abantu tuziranye, nta gahunda bari babifitemo".

Amakuru yatanzwe n’abaturage ni uko aba basirikare bafatanyije n’inkeragutabara, bibeshye bakajya ku rugo rwa Mudaheranwa bagira ngo ni urw’uwo bari bagambiriye.

Nyuma yo kugirirwa nabi, Bwana Mudaheranwa avuga ko abakuru b’ingabo bamufashije, ati: "Iyo batamfasha ubu simba ndi mu rugo", yemeza ko n’ubu bagikomeje kumufasha.

Ababikoze barafashwe

Igisirikare cy’u Rwanda cyasohoye itangazo ku rubuga rwacyo kivuga ko "kuva tariki 10 abasirikare babiri bafunzwe baregwa ibyaha by’imyitwarire mibi" ku baturage bo muri kariya kagari.

Iri tangazo rivuga ko igisirikare "cyamagana ibikorwa byose birenze ku mategeko cyangwa amahame agenga abasirikare b’u Rwanda".

Rivuga ko abo basirikare bazaburanishwa mu ruhame ku byaha baregwa.

Bibaye mu gihe hari urubanza ruri kuregwamo abasirikare batanu ibyaha byo gusambanya abagore ku ngufu no gukubita abaturage i Nyarutarama mu Murenge wa Remera mu mujyi wa Kigali.

Urukiko rwa gisirikare ruherutse kurekura by’agateganyo batatu muri bo naho babiri bakomeza gukurikiranwa bafunze.

Bwana Mudaheranwa yabwiye BBC ko yabwiwe ko abamuhemukiye "babakurikiranye bagafatwa".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble helsi

    Niba abakurikiranwa ari ababa batangajwe na TV1, aho itagera ngo ibavugire bo bizagenda gute?

    3 months ago
  • chat_bubble DUMBULI

    Rwose nasabaga ko ikibazo cy’imyitwarire idahwitse ya bamwe bake muri RDF ihagurukirwa bigacika burundu kuko imyitwarire myiza ya RDF ni ingenzi yatumye u Rwanda rubohorwa rugira ijambo mu ruhando rw’amahanga ruba uko ruhagaze uku, abatwangiriza isura ntibagobye kwihanganirwa nagato kuko bikomeje twaba nkabandi tubona baciriritse.

    3 months ago

Inzindi nkuru

Urukiko rusesa imanza mu Bufaransa ruzumva ubujurire Bwa Kabuga

Urukiko rusesa imanza rw’Ubufaransa ruzavuga kuwa gatatu niba Kabuga...
28 September 2020 Yasuwe: 588 0

Rurageretse hagati ya Diyosezi ya Butare na Sosiyete y’Ubwubatsi...

Mu Ukuboza 2017 nibwo habayeho amasezerano hagati ya Diyosezi Gatolika ya...
27 September 2020 Yasuwe: 5796 5

Paul Rusesabagina yitakanye ubwenegihugu bw’u Rwanda

Mu rubanza rw’ubujurire ku ifungwa n’ifungurwa ry’agateganyo rya Paul...
26 September 2020 Yasuwe: 1758 0

Paul Rusesabagina yemeje ko bashinze FLN ’itagamije iterabwoba’ anashinja u...

Mu rubanza mu rukiko rwisumbuye i Kigali aho Paul Rusesabagina yaje...
25 September 2020 Yasuwe: 3890 0

Urukiko rw’Ubujurire rwashimangiye ko Dr. Leon Mugesera afungwa burundu...

Dr Léon Mugesera yabyukiye mu rukiko rw’ubujurire i Kigali, aho yabonetse...
25 September 2020 Yasuwe: 1716 0

Paul Rusesabagina yitabiriye urubanza rw’ubujurire

Urukiko rwisumbuye rwa Nyarugenge rukorera i Nyamirambo rwatangiye...
25 September 2020 Yasuwe: 917 0