startimes
startimes

Rusizi: Gitifu w’Akagari yaguwe gitumo ari kwiba amabati yagombaga guhabwa abatishoboye

Amakuru   Yanditswe na: Dusingizimana Remy 15 May 2020 Yasuwe: 2948

Umunyamabanga nshingwabikorwa w’akagari ka Gakoni mu murenge wa Muganza ho mu karere ka Rusizi yafatiwe mu cyuho we n’umuzamu basohoye amabati yari abitse mu biro by’aka kagari bivugwa ko bari bagiye kuyagurisha ,nyamara barayazanye kugira ngo azahabwe abaturage batishoboye.


Sponsored Ad


Mu ijoro ryo kuri uyu wa Gatanu tariki ya 14 Gicurasi 2020,nibwo aba bombi batawe muri yombi bagiye kugurisha aya mabati yagenewe guhabwa abatishoboye.

Ubuyobozi bw’umurenge wa Muganza bwabwiye TV na Radio One dukesha iyi nkuru ko abaturage ari bo babahamagaye bababwira ko uwo muyobozi w’akagari arimo kwiba amabati nyuma yo kumubona asohoye amabati ane muri 20 yari abitse muri ako Kagari.

Kuri ubu, uyu munyamabanga nshingwabikorwa w’akagari ka Gakoni afungiwe kuri Sitasiyo ya RIB ya Bugarama ndetse iki kinyamakuru kivuga ko cyamenye amakuru ko uyu muyobozi yahise yegura ku nshingano ze nubwo bitaremezwa n’ubuyobozi bw’akarere.

Muri uku kwezi abayobozi mu ngeri zitandukanye mu karere ka Rusizi bakomeje inkubiri yo kwegura barangajwe imbere n’uwari umunyamabanga nshingwabikorwa w’akarere MUSHIMIYIMANA Ephrem n’abandi batatu bari bayoboye imirenge beguye cyo kimwe n’abandi bakozi babiri bari bashinzwe irangamimerere na Notariya.

Kuwa kabiri, tariki 05 Gicurasi nibwo ku mbuga nkoranyambaga hatangiye kuzenguruka amakuru avuga ko Tour du Rwanda yagarutse ndetse yahereye mu karere ka Rusizi,ihereye kuri uyu munyamabanga Nshingwabikorwa w’Aka karere ndetse na bamwe mu bayobozi b’imirenge.

Mu banyamabanga Nshingwabikorwa b’imirenge bavuzwe ko beguye harimo Nyirazaninka Antoinette w’umurenge wa Nkanka, Tuyishime Jean de Dieu wa Nkombo na Rukesha Emmanuel wa Butare.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Burundi: Abantu 08 batwikiwe mu nzu mu bice 2 bitandukanye

Abantu 8 batwikiwe mu nzu zabo mu ijoro ryo kuri uyu wa gatatu rishyira...
6 August 2020 Yasuwe: 1251 0

Huye: Meya Sebutege yiyemeje gukemura ikibazo cy’abageni gitifu yangiye...

Umuyobozi w’Akarere ka Huye, Sebutege Ange, yinjiye mu kibazo cya...
6 August 2020 Yasuwe: 1705 0

Ruhango: Bafashwe bacuruza inyama z’imbwa babeshya ko ari iz’ihene

Mu gitondo cyo kuwa mbere tariki ya 03 Kanama 2020 ,abasore batatu bafatiwe...
4 August 2020 Yasuwe: 2084 0

Polisi y’u Rwanda yerekanye abantu ibihumbi 2,046 bafashwe barenze ku...

Polisi y’u Rwanda yaramukiye mu gikorwa cyo kwerekana abantu barenze ku...
1 August 2020 Yasuwe: 2378 0

Polisi y’u Rwanda yerekanye abagabo 3 bamburaga abaturage bababeshya ko...

Mu gitondo cyo kuri uyu wa Gatanu tariki ya 31 Nyakanga Polisi y’u Rwanda...
1 August 2020 Yasuwe: 1023 0

Musanze: Urukiko rwisumbuye rwemeje ko Gitifu na bagenzi be bakubise...

Urukiko Rwisumbuye rwa Musanze rwanzuye ko rudafite ububasha bwo gucira...
30 July 2020 Yasuwe: 4774 0