skol
startimes

Rutsiro : Abakozi 13 bafunzwe bakekwaho kunyereza umutungo wa Leta bagizwe abere

Amakuru   Yanditswe na: Dusingizimana Remy 10 December 2020 Yasuwe: 3548

Urukiko Rwisumbuye rwa Karongi rwagize abere abakozi 13 b’Akarere ka Rutsiro na rwiyemezamirimo nyuma y’amezi bane bafunzwe bakurikiranyweho kunyereza umutungo wa Leta.


Uru rubanza rwasomwe mu masaha y’igicamunsi cyo kuri uyu wa Gatatu, tariki ya 9 Ukuboza 2020.

Umucamanza Riziki Isabelle nyuma yo kugaragaza ko abaregwa n’Ubushinyacyaha nta bimenyetso bibahamya icyaha, yatangaje ko urukiko rubagize abere, ategeka ko bahita banarekurwa.

Abarekuwe ni abanyamabanga nshingwabikorwa b’imirenge ine barimo Ntihinyuka Janvier wa Murunda, Mpirwa Migabo wa Nyabirasi, Ikizihiza Alida wa Rusebeya na Bisangabagabo Sylvestre wa Kivumu.

Hari kandi abakozi bane bakorera ku karere ari bo Basabose Alexis ushinzwe Imari n’Ubuyobozi (DAF), Ngabo Fadhil Emmanuel ushinzwe iyubakwa ry’imihanda, Kamana Jean ushinzwe Imirimo rusange na Munyamahoro Cyato Justin wari Umucungamari.

Urukiko kandi rwanagize abere abakozi bashinzwe ubutaka mu mirenge barimo Nshizirungu Emmanuel wa Nyabirasi, Sekamana Théophile wa Ruhango, Kagaba J. Baptiste wa Mukura, Murari Richard wa Murunda na Ndagijimana Aloys wa Kivumu.

Uretse aba bakozi b’Akarere ka Rutsiro hiyongeraho na Rwiyemezamirimo Uwumukiza David wagemuraga ibikoresho mu isoko ryo kubaka imihanda ya VUP.

Umuyobozi w’Akarere ka Rutsiro, Ayinkamiye Emerance, abajijwe ikigiye gukurikiraho, yavuze ko nibaramuka bagarutse hazarebwa icyo amategeko ateganya.

Ati “Twabibonye ku mbuga nkoranyambaga ntituramenya neza ibyo aribyo, ibindi birebana n’akazi hazarebwa icyo amategeko ateganya.’’

Aba bayobozi bafunzwe bahita banahagarikwa by’agateganyo n’ubuyobozi bw’akarere mu gihe cy’amezi atandatu kubera iperereza bakorwagaho ryo kunyereza umutungo wa Leta mu mishinga ijyanye no gukora imihanda y’imigenderano muri gahunda ya VUP.

Ubuyobozi bw’Akarere ka Rutsiro bwavuze ko mu bikorwa byagombaga gukorerwa abaturage hari ibikoresho birimo amabuye n’imicanga byagombaga kubaka ibiraro bito ku mihanda y’imigenderano bitahageze kandi byarishyuwe.

Source:Ukwezi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RCS yavuze ku byavuzwe n’umukobwa wa Rusesabagina ko se adafungiye i...

Me Gatera Gashabana wunganira Paul Rusesabagina, yandikiye Urukiko rukuru...
23 January 2021 Yasuwe: 8017 0

Musanze: Umuganga ukekwaho gutera inda umukobwa yarangiza akamwica yasabiwe...

Ubushinjacyaha bwasabiye igifungo cy’iminsi 30 y’agateganyo Umuganga witwa...
21 January 2021 Yasuwe: 4800 0

Umurambo w’umukire Mirimo wataburuwe kubera abana bavuze ko ari abe bagasaba...

Urukiko rw’ibanze rwa Nyarugenge rumaze iminsi rwumva urubanza aho abana...
16 January 2021 Yasuwe: 13805 0

Musanze: Uwahoze ari Gitifu wa Cyuve n’abo bari bafunganwe bashinjwa...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
15 January 2021 Yasuwe: 3531 0

Wa musirikare warashe umusore amushinja gutera inda umukobwa we yakatiwe...

Urukiko rwa Gisirikare i Nyamirambo rwahamije Maj. Godfrey Mudaheranwa uzwi...
31 December 2020 Yasuwe: 5840 0

Paul Muvunyi ushinjwa gukoresha impapuro mpimbano yitabye ubushinjacyaha

Umunyemari Paul Muvunyi wabaye na Perezida wa Rayon Sports, ukurikiranyweho...
30 December 2020 Yasuwe: 4836 0