Rwamagana: Mu bakurikiranyweho kwica Umunyeshuri harimo uwamusabye ko bakundana arabyanga

11 February 2017. | Ubutabera | 16 Ibitekerezo | Nsanzimana Ernest
  • Rwamagana: Mu bakurikiranyweho kwica Umunyeshuri harimo uwamusabye ko bakundana arabyanga

Tariki 8 Gashyantare 2017, Ikinyamakuru Umuryango twabagejejeho inkuru y’ Umwana w’ umukobwa witwa Uwase Claire wigaga mu ishuri ryisumbuye rya Bicumbi riherere mu kagari ka Bicumbi, Umurenge wa Mwurire ho mu karere ka Rwamagana wishwe n’ abagizi ba nabi.

Amakuru mashya Umuryango wamenye ni uko muri batatu bakurikiranyweho urupfu rwa Uwase wari mu kigero cy’ imyaka 16 harimo uwigeze kumusaba ko bakundana akabimwangira.

Umuvugizi wa Polisi y’ u Rwanda mu Ntara y’ Iburasirazuba IP Emmanuel Kayigi yabwiye Ikinyamakuru Umuryango ko aya makuru yatangajwe n’ umwe mu batawe muri yombi.

Uyu mwana w’ umukobwa yishwe tariki ya 6 Gashyantare ubwo yari avuye kuvoma mu masaha ya saa moya z’ umugoroba. Uwase yahuye n’ abasore batatu baramufata bamujyanwa mu ikawa bamufata ku ngufu bimuviramo urupfu.

Mu basore bamufashe ku ngufu babiri batawe muri yombi undi aracyashakishwa kuko yahise atoroka. IP Kayigi yabwiye Umuryango ko abasore babiri bafashwe bafungiye kuri Sitasiyo ya Kigabiro.

Aba basore buri umwe afite imyaka 22 muri bo witwa Mvuyekure Charles niwe wabwiye polisi ko mugenzi we bafunganywe yigeze gusaba Uwase ko bakundana Uwase akabyanga bigatuma agambirira kuzamugirira nabi. Uvugwaho kuba yarasabye urukundo Uwase yari umukozi wo mu rugo iwabo wa Uwase.

Aba basore babwiye polisi ko batamusambanyije bagambiriye kumwica, ngo banamusize mu ikawa batazi ko yapfuye.

IP Kayigi yavuze ko ibisubizo byo kwa muganga bitaragaragaza icyateye urupfu rwa Nyakwigendera gusa ahamya ko yishwe no kubura umwuka bitewe n’ uko aba basore ubwo bamusambanyaga bamupfutse mu maso ngo atababona akabamenya kuko bari abaturanyi be. Ngo banamupfutse umunwa ngo atavuza induru ari nabyo IP Kayigi ashingiraho avuga ko yishwe no kubura umwuka.

Nubwo Umuvugizi wa Polisi ahamya ko uyu mwana wishwe no kubura umwuka, ubuyobozi bw’ akarere ka Rwamagana bwo bwari bwatangarije Umuryango ko Uwase yaba yarishwe agoronzowe ijosi.

Aba basore uko ari babiri babwiye polisi ko bemera icyaha bakoze. Polisi ikomeje gushakisha umusore wa gatatu watorotse.

Umuvugizi wa Polisi IP Kayigi yavuze ko umurambo wa Nyakwigendera wamaze gushyingurwa.

Ibitekerezo
  • MyPassion

    Makenya
    17 February 2017 - Musubize

    Ibi bintu birenze ukwemera pepeeeeeee!!!!Abanyarwanda dukwiye guhaguruka tugsenga cyane kandi tubikuye ku mutima kuko iki gihugu cyacu gisa naho gifite umuvumo tutazi iyo uturuka.
    Ibi bintu byo gufata ku ngufu umuntu warangiza ukamwica ntabwo byabagaho muri iki gihugu.

  • MyPassion

    mahoro jack
    14 February 2017 - Musubize

    Harya koko nk’izi nyamaswa ntawazimanika mu ruhame? Hakenewe ibihano bidasanzwe kuko abagome bamaze kuduca amazi.

  • MyPassion

    ryangombe
    12 February 2017 - Musubize

    Nibyo igihano cy’urupfu nigisubireho kuko uriya mwana akwiye guhorerwa

  • MyPassion

    Mapendo
    12 February 2017 - Musubize

    Ayo mashitani bayamanure kwa sekibi se wabo bamusange kuko iyo umuntu ageze aho yoroherwa no kwica bikabije nkuko aba yabonye ipete rikomeye ntacyo yaba asigariye kwisi nibagye mukuzimu nah Uwase yasanze se would mwijuru. Puuuuu abagome.

  • MyPassion

    Mapendo
    12 February 2017 - Musubize

    Ayo mashitani bayamanure kwa sekibi se wabo bamusange kuko iyo umuntu ageze aho yoroherwa no kwica bikabije nkuko aba yabonye ipete rikomeye ntacyo yaba asigariye kwisi nibagye mukuzimu nah Uwase yasanze se would mwijuru. Puuuuu abagome.

  • MyPassion

    kamanzi
    12 February 2017 - Musubize

    niba leta itemera guhora ni amategeko yanditse, ariko urupfu nkurwo rukwiye guhorerwa

  • MyPassion

    kamanzi
    12 February 2017 - Musubize

    niba leta itemera guhora ni amategeko yanditse, ariko urupfu nkurwo rukwiye guhorerwa

  • MyPassion

    Jmv
    12 February 2017 - Musubize

    Ubu nubugizi bwanabi burenze indengakamere ababo bakwiye kwicishwa kubatera amabuye mpaka bapfuye rikabera abandi isomo

  • MyPassion

    Callixte NTEZEYOMBI
    12 February 2017 - Musubize

    RIP!Imana Imwakire kandi bashake uko ibihano byakazwa kuko ubugizi bwanabi buri kwiyongera. None se ni gute abantu nka bariya byongeye b’abana wavuga ngo hari icyiza bazageza ku Rwanda.igihano cy’urupfu cyatekerezwaho kubakoze nk’aba Kbs.

  • MyPassion

    Nziyomaze J.de Dieu
    11 February 2017 - Musubize

    Ohhh Uwase Imana imwakire mubayo.
    Ariko se nka Police ko mubona ibyaha by’ubwicanyi bikajije umurego mwadufashije gusaba inteko ishinga amategeko igasubizaho igihano cy’urupfu koko?Nuwo watorotse agomba gufatwa agahanwa,kandi twizeye ko police yacu ibishoboye.

  • MyPassion

    emma
    11 February 2017 - Musubize

    nukuri bibi kbsa rip uwawe imana irakuzi kandi ikwakire mubayo

  • MyPassion

    jean kamatari
    11 February 2017 - Musubize

    Aba keretse kubazana ahakorewe icyaha ukabamanika bakicwa numugozi kugeza bapfuye ibi birababaje

  • MyPassion

    Vivia
    11 February 2017 - Musubize

    RIP Imana imwakire mubayo

  • MyPassion

    lg
    11 February 2017 - Musubize

    nibiba,ngombwa,itegeko rizongere risubireho uwishe,umuntu nawe ahabwe,icyo gihano,naho ubundi abantu kwica babigize,ibisanzwe, Reba nawe mukwezi kumwe muli nyagatare,gatsibo kirehe,ngoma,kayonza,rwamagana, abantu bishwe nibenshi,Bari bakwiye guhabwa,gasopo nabandi bakaboneraho,bagatinya amategeko adasanzwe abaho ikindi sihariya,gusa hali no mutundi turere,ntakurebera abicanyi!!

  • MyPassion

    Edouard
    11 February 2017 - Musubize

    RIP kuri Uwase. Kd abobagizi banabi bakurikiranwa kd bahanwe byintangarugero

  • MyPassion

    shinga
    11 February 2017 - Musubize

    Rip ! Imana imwakire mubayo .gusa ubwo munyamaswa bugomba guhanwa byihanukiriwe.

Tanga Igitekerezo