addresiya
startimes

Rwamagana:Umusore yatawe muri yombi azira kwica umwana w’imyaka 10 aranamushinyagurira

Amakuru   Yanditswe na: Dusingizimana Remy 4 May 2020 Yasuwe: 2470

Umusore witwa Hakizimana Karenzi Emmanuel wo mu murenge wa Nyakariro mu karere ka Rwamagana, yatawe muri yombi kuri iki Cyumweru tariki ya 03 Gicurasi 2020, akekwaho kwica umwana w’imyaka 10 w’umuturanyi we, bikaba bivugwa ko bamufashe yamuciye umutwe akamurya.



Amakuru aturuka muri aka karere, aravuga ko Hakizimana yishe umwana w’imyaka 10 wa Bajeneza bari basanzwe banaturanye, abatuye Nyakariro bakaba bemeza ko yamaze gutabwa muri yombi aho binavugwa ko nyuma yo guca umwana mutwe yanamushinyaguriye.

Ibi kandi biranemezwa n’Urwego rw’Ubugenzacyaha mu Rwanda (RIB), aho rwemeje ko aya makuru ari ukuri kandi ko iperereza ryatangiye gukorwa.

Umuvugizi wa RIB, Umuhoza Marie Michelle yagize ati: “Aya makuru twayamenye, iperereza ryatangiye hafashwe Hakizimana Karenzi Emmanuel afungiye kuri sitasiyo ya RIB ya Muyumbu, akurikiranyweho icyaha cy’ubwicanyi n’icyaha cyo gushinyagurira umurambo.”

Ubuyobozi bwa RIB bwamaganye ibyo bikorwa by’indengakamere bushimangira ko Hakizimana naramuka ahamwe n’icyaha azahanwa by’intangarugero nk’uko amategeko y’u Rwanda abiteganya.

Hakizimana Karenzi Emmanuel aramutse ahamwe n’icyaha cyo kwica umuntu no gushinyagurira umurambo, yahanishwa igihano cy’igifungo cya burundu nk’uko biteganywa n’igitabo giteganya ibyaha n’ibihano muri rusange.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Nyamagabe: Polisi yataye muri yombi umusore yafashe ari kwiba...

Polisi ikorera mu Karere ka Nyamagabe muri Sitasiyo ya Polisi ya Tare,...
29 May 2020 Yasuwe: 616 0

Ladislas Ntaganzwa wagize uruhare muri Jenoside yakorewe Abatutsi yakatiwe...

Urugereko rwihariye rw’urukiko rukuru ruri mu mujyi wa Nyanza mu majyepfo...
28 May 2020 Yasuwe: 846 0

Gasabo: Polisi yafunze abantu 20 barenze ku mabwiriza yo kwirinda COVID-19...

Polisi y’u Rwanda yerekanye abantu 20 bafunzwe bazira kurenga ku mabwiriza...
24 May 2020 Yasuwe: 2001 0

Gasabo: Polisi yataye muri yombi abasore 2 bakoraga amafaranga...

Kuri sitasiyo ya Polisi ya Ndera mu karere ka Gasabo hafungiwe abasore...
24 May 2020 Yasuwe: 1174 0

Bugesera: Umusore n’inkumi bafashwe bari kwiba ibitabo by’ikigo cy’amashuli...

Ku bufatanye n’abaturage, kuwa Gatatu tariki ya 20 Gicurasi ahagana saa yine...
22 May 2020 Yasuwe: 2280 0

Urubanza rw’ubujurire rwa ba basirikare 5 n’umusivili umwe bashinjwa ibyaha...

Urukiko rwa gisirikare i Kanombe rwasubitse urubanza mu bujurire ruregwamo...
21 May 2020 Yasuwe: 1568 0