Rwamagana: Wa mugabo ukekwaho kwica umugore we akamucamo ibice akabijyana mu rufunzo agiye kuburanishwa

Amakuru   Yanditswe na: Nsanzimana Ernest 9 July 2018 Yasuwe: 3667

Umugabo witwa Ntezimana Jean Damascene wo mu karere wa Rwamagana, umudugudu wa Nyagatovu Akagari ka Kabasore murenge wa Karenge ukurikiranyweho icyaha cyo kwica umugore we azaburanishwa ejo tariki 10 Nyakanga 2018 niko akarere ka Rwamagana katangaje.

Azaburanishirizwa mu murenge wa Karenge aho icyaha cyabereye muri Mata uyu mwaka.

Jean Damascene Ntezimana yatanze amakuru ko yishe umugore we kuwa Gatandatu tariki 21 Mata hashize iminsi ibiri umubiri we awukatamo ibice ashyira mu mufuka ajya kujugunya mu rufunzo hafi y’ ikiyaga cya Mugesera maze avuga ko umugore we yabuze.

Abo mu muryango wa Beatrice Muhawenimana wishwe afite abana batandatu baramushakishije baraheba bituma bakeka umugabo, atabwa muri yombi ageze imbere y’ abashinzwe umutekano arabyemera anavuga aho yashyize umurambo w’ umugore.

Ntezimana yavuze ko mu ijoro ryo kuwa Mbere tariki 23 Mata aribwo yamukasemo ibice abishyira mu igunira ajya kubijugunya mu rufunzo rw’ikiyaga cya Mugesera. Ibice uyu mubiri wa Beatrice byashyinguwe tariki 28 Mata.

Kuba Muhawenimana yarishwe urw’ agashinyaguro byababaje abantu, Impuzamiryango Pro –Femmes Twese Hamwe yamaganye ibyabaye kuri uyu mugore Muhawenimana.

Ubuyobozi bw’Akarere ka Rwamagana bufatanyije n’ubuyobozi bw’urukiko rwisumbuye rwa Ngoma rbatangaje ko urubanza rwa Ntezimana Jean Damascene wishe umugore we i Karenge amutemaguye, ruzaburanishirizwa i Karenge ejo tariki ya 10/07/2018 saa tatu za mu gitondo (09h00’).

Iburanisha rirangiye, Hazatangwa ubutumwa bugamije gushishikariza abaturage kubana mu mahoro no kuzuzanya mu miryango, Kubaha ubuzima bwa muntu no kuburengera no kurwanya ihohoterwa rikorerwa mu ngo, n’ibindi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubushinjacyaha bwashyikirijwe idosiye ya Twagirayezu woherejwe n’igihugu cya...

Urwego rw’igihugu rw’ubushinjacyaha NPPA bwatangiye gukora ku idosiye ya...
19 December 2018 Yasuwe: 2358 0

ADEPR: Batatu bahamwe n’icyaha abandi barimo na Bishop Tom Rwagasana bagirwa...

Abahoze ari abayobozi bakuru b’itorero rya ADEPR barimo Bishop Jean Sibomana...
14 December 2018 Yasuwe: 9430 4

Urubanza ruregwamo umunyamakuru Phocas Ndayizera ruzaburanishwa mu...

Kuri uyu wa Kane tariki 13, Urukiko rw’ibanze rwa Nyarugenge rwafashe...
13 December 2018 Yasuwe: 1918 1

Ubushinjacyaha bugiye kujuririra icyemezo cyo kurekura Diane Rwigara...

Umushinjacyaha Mukuru, Mutangana Jean Bosco, yemeje ko Ubushinjacyaha...
12 December 2018 Yasuwe: 3676 1

Wenceslas Twagirayezu uregwa ibyaha bya jenoside yagejejwe i...

Ku mugoroba wo kuri uyu wa 11 Ukuboza nibwo indege yari intwaye Twagirayezu...
12 December 2018 Yasuwe: 2319 0

U Rwanda rwategetswe kwishyura Victoire Ingabire miliyoni 50...

Urukiko Nyafurika rushinzwe uburenganzira bwa muntu rufite ikicaro muri...
10 December 2018 Yasuwe: 16197 1