Ubushinjacyaha bwasabye ko Evode yongera gufungwa

Amakuru   Yanditswe na: 7 March 2017 Yasuwe: 1403

Urukiko rukuru rwatangiye kumva ubujurire bw’ubushinjacyaha bwasabye ko Evode Imena wari Umunyamabanga wa Leta muri Minisiteri y’Umutungo Kamere aburana afunzwe ku byaha by’itonesha akurikiranyweho.

Evode Imena yabwiye urukiko ko urubanza rwe rwakwigizwa inyuma kuko yabonye idosiye kuwa Gatanu w’icyumweru gishize. Yavuze ko yamenye ko urubanza ruri uyu munsi kuwa Gatanu none ngo ntiyari yiteguye kuburana.

Ni mu gihe itegeko rigena ko umuburanyi ahabwa iminsi umunani mbere y’urubanza kugirango abanze gusuzuma idosiye ye n’uko aziregura.

Francis Kayumba na Joseph Kagabo bari kuburana muri iki kirego bo bafunzwe by’agateganyo, basabaga ko urubanza ruburanishwa rukava mu nzira kuko bafunzwe aho bamaze iminsi 14 bari muri gereza wakorengeraho iyo bamaze mu bugenzacyaha igihe kikaba kirenga ukwezi.

Urukiko rwanzuye guha agaciro ubusabe bwa Evode, rwemera ko urubanza ruzasubukurwa kuwa Gatanu tariki 10 Werurwe 2017.

Mu gihe ubushinjacyaha bwajuriye busabira ko Evode gufungwa by’agateganyo, abafunzwe nabo bajuriye basaba ko barekurwa bakaburana bari hanze.

Imena yatawe muri yombi kuwa 27 Mutarama 2017, ashinjwa ibyaha birimo itonesha, aregwa hamwe n’abandi babiri barimo uwari Umuyobozi Mukuru wari ushinzwe ibijyanye n’amategeko agenga ubucukuzi bw’amabuye y’agaciro, Francis Kayumba n’Ushinzwe Ishami rya Tekiniki mu by’ubucukuzi bw’amabuye y’agaciro, Joseph Kagabo.

Ubushinjacyaha bushinja Imena ko akiri Umunyamabanga wa Leta yasinye iteka riha uruhushya ikigo GDG cy’abagore ba Kayumba na Kagabo nta burenganzira abifitiye, ndetse akongera kurisinya icyo kigo cyegurirwa abashoramari ARM bakiguze ibihumbi 20 by’amadolari akagabanwa na bariya bagore.

Src: Igihe

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Manirareba wareze Msgr Ntihinyurwa yaciwe ibihumbi 950

Manirareba Herman wareze Arikipiskopi wa Kigali, Ntihinyurwa Thaddée,...
19 April 2018 Yasuwe: 2852 0

Gitifu wa Kinigi ukekwaho gutwikira umwana we mu nzu yatangiye...

Kuri uyu wa 18 Mata urukiko rwisumuye rwa Musanze rwatangiye kuburanisha...
19 April 2018 Yasuwe: 1236 1

Gicumbi: Umuforomo wafunzwe akekwaho gusambanya umugore yabyazaga yavuze...

Umuforomo wo kigo nderabuzima Rubaya witwa Mutabaruka Jean Bosco watawe...
14 April 2018 Yasuwe: 10137 1

Uwatwikishije ipasi umukozi wo mu rugo w’ imyaka 16 nta gihano...

Urukiko rw’ ibanze rwa Ngoma rwakatiye Noella Ihirwe igifungo cy’ amezi atanu...
31 March 2018 Yasuwe: 3172 0

Urukiko rwakatiye Karegeya wishe umugore aho amutabye agateraho...

Urukiko rwisumbuye rwa Nyarugenge kuri uyu wa 29 Werurwe rwahamije Karegeya...
29 March 2018 Yasuwe: 1828 0

Impunzi 21 zikekwaho guteza akaduruvayo mu nkambi ya Kiziba zagejejwe...

Umuyobozi Mukuru wa Polisi y’u Rwanda, IGP Emmanuel K.Gasana, yatangaje ko...
29 March 2018 Yasuwe: 1232 0