Ubushinjacyaha bwasabye polisi gukora iperereza kuri Niyibikora uherutse kwibasira abagore

Amakuru   Yanditswe na: Nsanzimana Ernest 9 February 2018 Yasuwe: 6579

Ubushinjacyaha bw’ u Rwanda bwatangaje ko bwasabye polisi y’ u Rwanda ishami rishinzwe ubugenzacyaha gukora iperereza ku muvugabutumwa Niyibikora Nicholas uherutse kwigisha ikigisho abenshi bafashe nko gusebya abagore.

Muri Mutarama uyu mwaka nibwo Niyibokora yatambukije iki kigisho kuri radio Ubuntu butangaje ikorera I Kigali mu Rwanda.

Iki kigisho cyumvikanamo amagambo nka “Umugore mwebwe muramuzi? Umugore afitanye urubanza n’ Imana”

Umushinjacyaha Mukuru Jean Bosco Mutangana, yatangarije Izubarirashe ko basabye ubugenzacyaha gukora iperereza ry’ibanze ku mvugo za Pasiteri Niyibikora zishobora kuba zigize icyaha cy’ivangura rishingiye ku gitsina, kandi amategeko akaba ahana ivangura.

Mutangana avuga ko amategeko yemerera Ubushinjacyaha Bukuru gusaba ubugenzacyaha gukora iperereza ku kibazo icyo ari cyo cyose.

Impuzamiryango Profemmes Twese Hamwe mu kiganiro iherutse kugirana n’ abanyamakuru yasabye Leta y’ u Rwanda gukurikirana Niyibikora.

Umuyobozi wa Pro-Femmes Twese hamwe Kanakuze Jeanne d’ Arc yasabye Leta y’ u Rwanda gufatira umwanzuro ukwiye uyu muvugabutumwa.
Yagize ati:“Hari icyo dukora nk’ imiryango itari iya Leta hari aho tugarukira. Turasaba abayobozi bakuru b’ igihugu cyacu gufata umwanzuro ukwiye kuri iriya nyigisho yakozwe n’ uriya muntu.”

Pasiteri Ezira Mpyisi yatangarije UMURYANGO ko Niyibikora yakoze ikigereranyo kibi ndetse ko bishobora kuzamukoraho kuko Leta y’ u Rwanda ishyigikiye iterambere ry’ umugore we akaba ashaka kumusubiza inyuma.

Ingingo ya 136: Ihanwa ry’icyaha cy’ivangura n’icyo gukurura amacakubiri
Umuntu wese ukoze icyaha cy’ivangura n’icyo gukurura amacakubiri ahanishwa igifungo kirenze imyaka itanu (5) kugeza ku myaka irindwi (7) n’ihazabu y’amafaranga y’u Rwanda kuva ku bihumbi ijana (100.000) kugeza kuri miliyoni imwe (1.000.000).

Itegeko risobanura ku buryo burambuye ibijyanye n‟ivangura no gukurura amacakubiri.

Ingingo ya 288: Gusebanya mu ruhame

Umuntu wese, ku bw’inabi kandi mu ruhame, witirira undi igikorwa cyeruye gishobora gutesha uwo muntu icyubahiro cyangwa agaciro cyangwa gishobora kumusuzuguza mu ruhame, ahanishwa igifungo kuva ku mezi atandatu (6) kugeza ku mwaka umwe (1) n’ihazabu y’amafaranga y‟u Rwanda kuva kuri miliyoni imwe (1.000.000) kugeza kuri miliyoni eshanu (5.000.000) cyangwa kimwe gusa muri ibyo bihano.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble john

    ntago yasebeje abagore ahubwo yavuze abitwaye nabi ko arbo babi kimwe namadini yitwara nabi....ariko abagore beza nabo bariho kimwe namadini akora neza numva ntamamvu yo kumuhana kuko ku by Imana...hari ubwisanzure...ntitubihuze na politique zahano kwisi...ahubwo umuntu wiyumvishe mubo yavuze ahinduke ave mubagore babi ajye mubeza...kuko byo iyo umugore abaye mubi nikibazo gikomeye

    4 months ago
  • chat_bubble nsekankabo

    Ubwo se ibyo uyu mû pasteur yavuze bitari byo ni ibihe ko byose yabisomaga aho byanditse mû gitabo kdi cyemerwa na benshi? Nubwo yahanwa yaba arenganijwe n’amategeko kdi nta mugayo kuko yemejwe na benshi mubo yavuze.

    4 months ago
  • chat_bubble kamana

    Ko nunva ibyo avuga arubuhanuzi bazamuburanisha bâte ? Nkeka ko azira ko yatunze agatoke usa na kiliziya gatolika.Naho Mpyisi we ashaje nabi,ukuri kwe guherera aho afite inyungu.

    4 months ago
  • chat_bubble isirikoreye jean de la terre

    UYU MUGABO NIYO YAKURIKIRWA YABA ARENGANYE KUKO IBYO YASOBANUYE BIRI MURI BIBILIYA KEREKA NIMUFATA BIBILIYA MUKAYIHINDURA HARI NAHANDITSE NGO ; WANKUBITISHIJE ABAGORE N’ABANA UZABONA ISHYANO....." NONE SE IBYO NI TWE TWABYANDITSE ICYO MBONA BURIMUNTU WESE MURI IRIYA NYIGISHO AYIFATA UKO ABYUMVA BITEWE N’IKIGERO CYE MUBY’UMWUKA NJYE NDABONA UWAGABUYE IJAMBO RY’IMANA YAGABURIYE IBIRYO BIKOMEYE ABANA KANDI BAGOMBA KURYA IBIRYO BYOROSHYE KUGERA BAGEZE KUGIHE CYO KURYA IBIRYO BIKOMEYE NDAVUGA GUKURA MUMWUKA SIMVUGA MUMYAKA

    4 months ago
  • chat_bubble Kukuki

    ibitabo byinshi by’ijambo ry’Imana ntibivuga umugore neza, na Korowani y’abayisiramu yo ivuga ibirenze ibyo uwo mu paster yavuze, abandikaga biriya bitabo sinzi ibyo vapfaga n’abagore, uhubwo ndumva byose byasubirwamo bakandika bundi bushya.

    4 months ago
  • chat_bubble ruti

    Uyu mu Pasitori babanze bamujyane i Ndera barebe niba nta kibazo afite ntimukirukire inkiko mbere yibindi. Ntimureba se uriya munyamakuru wabeshye inzego nyinshi zikemera none ntarwariye i Ndera abaturage nabandi bose yabeshyeye nabo bazarenganurwe.

    4 months ago
  • chat_bubble UMULISA

    Ahubwo nge ndabona abantu bavuga ko yakoze ikosa ryo gutuka abagore bamurenganya kuko ikigisho yatanze yakoresheje ibyanditswe( Bible) aho buri wese asomye aribyo yasanga byanditsemo. Ahubwo abavuga ko yakosheje nabo nibategure ikigisho kimuhinyuza maze bakoreshe Bible bavuga ibyiza by’ abagore bavugwa muri bible. So non, mwaba mushaka ko twongera kugira abantu bahorwa imana( ABAMARITIRI) Nko mu bihe bya kera. Erega na Yesu yabayeho arigisha abanyabwenge bamwica bavuga ko inyigisho ze aribinyoma. So, icyo uwo mu pastor yatweretse ni views ze kdi natwe harukundi yenda buri umwe afite view itandukanye niyo we yerekanye..

    4 months ago
  • chat_bubble UMULISA

    Ahubwo nge ndabona abantu bavuga ko yakoze ikosa ryo gutuka abagore bamurenganya kuko ikigisho yatanze yakoresheje ibyanditswe( Bible) aho buri wese asomye aribyo yasanga byanditsemo. Ahubwo abavuga ko yakosheje nabo nibategure ikigisho kimuhinyuza maze bakoreshe Bible bavuga ibyiza by’ abagore bavugwa muri bible. So non, mwaba mushaka ko twongera kugira abantu bahorwa imana( ABAMARITIRI) Nko mu bihe bya kera. Erega na Yesu yabayeho arigisha abanyabwenge bamwica bavuga ko inyigisho ze aribinyoma. So, icyo uwo mu pastor yatweretse ni views ze kdi natwe harukundi yenda buri umwe afite view itandukanye niyo yerekanye..

    4 months ago
  • chat_bubble Alice

    Njye yanteye isesemi!
    Hari abo nabonye hano bamushyigikiye ni mu mbwire isomo mwakuye mo mu buryo bw’umwuka?
    Nonese buriya muriwe haba mo urukundo? Ko bible inshuro nyinshi ivuga ngo dukundane nkuko Yesu yadukunze? Nyuma y’ibyo se ni nde wamuhaye akazi ko guca imanza ko nyiri kuziducira acyicaye ku ntebe y’imbabazi? Uwa mupima yasangwa ashyitse 😏😏

    4 months ago
  • chat_bubble bosco

    Uyu mupasteur yakoresheje umuzimizo witwa igereranya,kuko yagereranyije amadini n’umugore nkuko yatangiye abivuga,naho abamwita umunyabyaha njye ndabona Atari we kuko abaye we yaba umufatanyacyaha ni uwanditse Bibiriya

    4 months ago
  • chat_bubble

    Ko atavuze Esteri na babagore bazinduka kumva ya yesu na mariya nyina wa yesu?

    4 months ago
  • chat_bubble SAFILA

    Ubwo muraje

    4 months ago
  • chat_bubble Deo Kaka

    Amatwi yumubiri wumvakwasevya abagore ariko abagore bavugwa namatorero nkuko bibiriya igereranya umugore nitorero .yigishukuntu ujyakuzamuka muvyumwuka itorero rikagusubizahasi

    4 months ago
  • chat_bubble sebera

    Ndasubiza uwitwa MAMA.Uravuga utabanje kumva neza ibyo we yavuze.Dore bimwe mubyo yavuze:"Umugore ni mubi";"umugore ni umwicanyi mubi",etc...Bamuhane kugirango amenye ubwenge.

    4 months ago
  • chat_bubble N.C

    injiji ntizigateshe abantu umwanya! iriya njiji se yigisha biriya ni nde wabiha agaciro!Buriya ntiyatashye agasangira n,Umugore agaseka n,abana Umugore yamubyariye!ahubwo Itorero cg kiliziya ibuze abagore ntiyaba ibihuku.Uriya Nti yagombye gutesha umwanya umugani wa Mpyisi!abagore nibakore nk,aho nta cyabaye bikomereze urugendo.Amakosa yose nyashyira kuri bariya babaha ububasha bwo kuvugira mu ruhame none bigakabya iyo yemerewe kujya kuri Radio.ni Nka ba bandi bareka abana ngo bigishe amagambo yo muri bibiliya!Murabona se ari abagore gusa yibasiye!Ntimwumva ko na gatolika yarangije kuyiciraho iteka. !

    4 months ago
  • 1 | 2

Inzindi nkuru

Urwego rw’ umuvunyi rugiye kongererwa ubushobozi

Kuri uyu wa Gatatu tariki 20 Kamena 2018 Leta y’ u Rwanda n’ Umuryango w’...
20 June 2018 Yasuwe: 782 1

Nyirabukara w’ I Rusizi yahamijwe kwica mukeba we

Umugore witwa Nyirabukara Francine w’imyaka 28 Urukiko Rukuru, Urugereko rwa...
19 June 2018 Yasuwe: 1351 0

Niyitegeka wahataniye kuba Perezida, afitanye urubanza na CNLG

Muganga Dr Niyitegeka Theoneste wiyamamarije kuba Perezida wa Repubulika mu...
16 June 2018 Yasuwe: 2561 0

Nyamagabe: Gitifu w’Akarere afunze by’agateganyo akekwaho kwiba amafaranga...

Ku mugoroba wo kuri uyu wa Kane nibwo Urwego rw’Umuvunyi ku bufatanye na RIB...
14 June 2018 Yasuwe: 9162 13

Kizito Mihigo yageze mu rukiko asanga urubanza rwe rwimuriwe mu rukiko...

Kizito Mihigo n’abamwunganira Kuri uyu wa Mbere tariki ya 11 Kamena bageze...
11 June 2018 Yasuwe: 3656 0

Abakozi ba RIB bagiye guhabwa impuzankano ibaranga

Col. Jeannot Ruhunga, Umunyamabanga Mukuru w’ Urwego rw’Igihugu...
7 June 2018 Yasuwe: 1239 0