Ubushinjacyaha ntiburamenya niba bujuririra irekurwa rya Diane Rwigara na Nyina

Amakuru   Yanditswe na: Nsanzimana Ernest 5 October 2018 Yasuwe: 1124

Ubushinjacyaha bukuru bw’ u Rwanda bwatangaje ko bugiye kwicara bugasoma neza dosiye n’ icyo urukuko rukuru rwashingiyeho rufata icyemezo cyo kurekura Diane Rwigara na Nyina Mukangemanyi Adeline Rwigara rukamenya niba rufata icyemezo cyo kujurira cyangwa kutajurira.

Kuri uyu wa 5 Ukwakira 2018, urukiko rukuru rwarekuye Diane Rwigara na Adeline Rwigara ngo bakurikiranwe badafunze nyuma y’ uko bari bamaze umwaka muri gereza.

Nyuma y’ isomwa ry’ umwanzuro w’ urukiko Umuvugizi w’ ubushinjacyaha bukuru bw’ u Rwanda Fautsin Nkusi yabwiye itangazamakuru ko bubaha ibyemezo by’ inkiko.

Yagize ati “Ubushinjacyaha bukuru bwubaha amategeko bwubaha n’ ibyemezo by’ inkiko. Iyo basomye urubanza natwe duhabwa kopi y’ urubanza turaza kuyisoma turebe, nidusanga biri ngombwa turaza kumenya niba twajurira cyangwa tutajurira. “

Diane Rwigara na nyina urukiko rwababwiye ko nubwo barekuwe by’ agateganyo batemerewe kurenga umujyi wa Kigali batabimenyesheje urukiko. Urukiko ruragumana ibyagombwa byabo by’ inzira kugira ngo hirindwe ko batoroka bakajya mu mahanga.

Ubushinjacyaha bwavuye ko bugiye gutegura kubura urubanza mu mizi.

Abo mu muryango wa Rwigara bishimiye icyemezo cy’ urukiko bavuga ko cyerekanye ko inkiko z’ u Rwanda zigenda.

Diane Rwigara yagize ati “Nubwo urubanza mu mizi rutaraba iyi ni intangiriro yo kubona ubutabera mu rubanza mu mizi”

Diane Rwigara akurikiranyweho gukora no gukoresha inyandiko mpimbano ubwo yashakaga kwiyamamariza kuyobora igihugu, agahurira n’umubyeyi we Adeline Mukangemanyi ku cyaha cyo kugambirira guteza imvururu cyangwa imidugararo muri rubanda. Mukangemanyi we yiharira icyaha akekwaho cy’ivangura no gukurura amacakubiri.

Abaregwa bahakana ibyo bakurikiranyweho bakavuga ko bishingiye ku mpamvu za politike.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Leta y’u Rwanda yatahuye uruganda rwibaga amashanyarazi rukayihombya...

Umukozi ushinzwe ibikorwa ry’ uruganda Ineza rukora Kawunga yatawe muri...
7 November 2018 Yasuwe: 1511 0

Adeline Rwigara ngo abantu 4 si rubanda ahubwo byari ukuganyira...

Diane Rwigara na nyina Adeline Rwigara bitabye urukuko ngo bakomeze...
7 November 2018 Yasuwe: 2147 0

Urubanza rw’impunzi z’Abanyekongo zo mu nkambi ya Kiziba rwakomeje abaregwa...

Itsinda ry’impunzi z’Abanyekongo ryagejejwe mu rukiko rwisumbuye rwa Korongi...
7 November 2018 Yasuwe: 422 0

Gakenke: Abakekwaho kwica umugabo wavuye mu rugo agiye gufata amafaranga...

Abari bahetse umurambo wa Niyonzima Jen Pierre Urwego rw’Igihugu rushinzwe...
6 November 2018 Yasuwe: 1495 0

Gen. Kayihura yateye ubwoba Ikinyamakuru New Vision avuga ko agiye...

Uwahoze ari Umuyobozi Mukuru wa Polisi yateye ubwoba Ikinyamakuru cya Leta...
3 November 2018 Yasuwe: 1349 1

Mutangana Jean Bosco yongeye kugirirwa icyizere mu Ishyirahamwe Nyafurika...

Umushinjacyaha Mukuru w’U Rwanda, Mutangana Jean Bosco, yongeye gutorerwa...
2 November 2018 Yasuwe: 338 0