Kuri uyu wa 21 Werurwe 2018, Urukiko rwisumbuye rwa Nyarugenge rwakatiye igifungo cya burundu Mugisha Drake rumuhamije ko yishe umugore we Mutesi Maggie wari Umuyobozi mukuru w’Itorero ’Gates of Heaven Ministries’, Amarembo y’Ijuru.
Umucamanza wasomye imyanzuro y’ imikirize y’ urubanza yavuze ko urukiko rwasuzumye raporo ya muganga n’ubuhamya bwatanzwe rugasanga icyaha cyo kwica kimuhama.
Pasiteri Maggie Mutesi yapfuye ku wa 10 Nzeri 2017, umugabo atabwa muri yombi ashinjwa kumwica.
Raporo ya (...)

Sponsored Ad

Kuri uyu wa 21 Werurwe 2018, Urukiko rwisumbuye rwa Nyarugenge rwakatiye igifungo cya burundu Mugisha Drake rumuhamije ko yishe umugore we Mutesi Maggie wari Umuyobozi mukuru w’Itorero ’Gates of Heaven Ministries’, Amarembo y’Ijuru.

Umucamanza wasomye imyanzuro y’ imikirize y’ urubanza yavuze ko urukiko rwasuzumye raporo ya muganga n’ubuhamya bwatanzwe rugasanga icyaha cyo kwica kimuhama.

Pasiteri Maggie Mutesi yapfuye ku wa 10 Nzeri 2017, umugabo atabwa muri yombi ashinjwa kumwica.

Raporo ya muganga yashyikirijwe urukiko yagaragaje ko nta ndwara Pasiteri Maggie yasanganywe ahubwo ibizamini byakorewe umurambo we, yasanganywe ibikomere mu mutwe ahagana inyuma ku ruhande rw’ibumoso; afite amaraso mu bwonko; afite ibikomere bibiri mu mutwe; amagufa yajanjaguritse; mu ijosi hari ibikomere by’inzara bigaragarira amaso; ijosi rinagana ku buryo budasanzwe hanaretsemo amaraso; mu muhogo harimo amaraso nta guhumeka; urubavu rw’ibumoso rwari rwavunitse n’umutima wicaye mu kiziba cy’amaraso.

Umucamanza yanavuze ko hanashingiwe ku bimenyetso bivuga ko bari babanye mu makimbirane.

Uretse igifungo, urukiko rwanategetse Mugisha kuzishyura ihazabu y’amafaranga y’u Rwanda miliyoni, agahabwa umuryango wa nyakwigendera. Musaza wa Maggie we yari yarasabiwe n’Ubushinjacyaha miliyoni 20 Frw.

Nk’ uko Igihe cyabitangaje umuryamgo wa Maggie wasohotse mu cyumba cy’iburasnisha ugaragaza ku maso ko ubonye ubutabera. Urubanza rwasomwe Ku Mugisha na Avoka we batari mu rukiko.