Umusirikare warasiye umuntu I Nyamirambo n’abo bareganwa bakatiwe gufungwa iminsi 30 y’agateganyo

Amakuru   Yanditswe na: Ubwanditsi 8 October 2018 Yasuwe: 1352

Abantu batatu bakurikiranweho kugira uruhare mu iyicwa rya nyakwigendera Niyitanga Jean Claude barimo, Sgt Rutare Jean Bosco, Musanabandi Sadda wari umugore wa nyakwigendera mu buryo bunyuranyije n’amategeko ndetse na Nsanzabarinda Louis wari ukuriye irondo mu ijoro ryabereyemo ayo mahano, bagejejwe imbere y’urukiko rwa gisirikare , umucamanza agaragaza ko hari impamvu zikomeye zituma bagomba kuburana bafunzwe.

Kuri uyu wa 8 Ukwakira bagejejwe imbere y’urukiko rwa gisirikare I Nyamirambo, Sgt Rutare Jean Bosco yambaye impuzankano ya gisirikare Musanabandi na Nzabirinda bambaye imyenda y’icyatsi kibisi yambarwa n’abasirivire bafungiwe muri gereza za gisirikare.

Sgt Rutare Jean Bosco yemeye ko yarashe nyakwigendera akanabsabira imbabazi , umucamanza yanzuye ko agomba kuburana afunze kuko ibimenyetso byatanzwe n’ubushinjacyaha bifatika kuko yahise yica nyakwigendera kandi nk’umusirikare yari gukoresha ubundi buryo bwashobokaga yafatamo igisambo atamurashe.

Musanabandi Sadda wari umugore wa nyakwigendera na Nsanzabarinda Louis wari ukuriye irondo wahuruje abasirikare bahamijwe kugira uruhare mu rupfu rwa nyakwigendera kuko nyuma yo kuraswa kwe, bazanye radiyo n’amafaranga bakabimushyiraho ngo bigaragare ko uwarashwe yari igisambo.

Umucamanza yategetse ko bagomba kuburana bafunzwe urubanza rukaba rutegerejwe gutangira mu mizi.

Mu ijoro ryo ku 6 Nzeri 2018, nibwo abasirikare bari ku irondo barashe Niyitanga Jean Claude ahita apfa, bivugwa yari amaze kwiba mu rugo rw’umugore babanaga bitemewe n’amategeko , mu murenge wa Rwezamenyo mu karere ka Nyarugenge.

Author : Ubwanditsi

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwanda: Abakurikiranyweho kwiba Access Bank basabiwe gufungwa imyaka...

Abanyarwanda n’ Abanyanigeria bahakana icyaha cyo kurema umutwe w’abagizi ba...
16 October 2018 Yasuwe: 3614 0

Abacamanza b’ Abafaransa basabye ko iperereza ku wahanuye indege ya...

Uru rubanza rumaze igihe ndetse rutuma u Rwanda rutarebana neza n’ u...
14 October 2018 Yasuwe: 1466 2

Umusirikare warasiye umuntu I Nyamirambo n’abo bareganwa bakatiwe gufungwa...

Abantu batatu bakurikiranweho kugira uruhare mu iyicwa rya nyakwigendera...
8 October 2018 Yasuwe: 1352 0

Ubushinjacyaha ntiburamenya niba bujuririra irekurwa rya Diane Rwigara na...

Ubushinjacyaha bukuru bw’ u Rwanda bwatangaje ko bugiye kwicara bugasoma...
5 October 2018 Yasuwe: 1108 0

Diane Rwigara na nyina Adeline Rwigara barekuwe by’ agateganyo

Urukiko rukuru kuri uyu wa 5 Ukwakira 2018 rwafashe icyemezo cyo kurekura...
5 October 2018 Yasuwe: 6594 0

‘Mwirinde gusiragiza umuturage’ Minisitiri Busingye yakira indahiro z’...

Minisitiri w’Ubutabera akaba n’ intumwa Nkuru ya Leta Busingye Johnston kuri...
4 October 2018 Yasuwe: 181 0