Abatorokanye na Ntamuhanga umwe yari afungiye ubuhotozi undi afungiye gufata ku ngufu

Amakuru   Yanditswe na: Nsanzimana Ernest 31 October 2017 Yasuwe: 4158

Abagororwa babiri batorokanye na Cassien Ntamuhanga muri Gereza ya Nyanza(Mpanga) mu ijoro ryo kuri uyu wa 30 Ukwakira umwe yari afungiye ubuhotozi mugenzi we afungiye gusambanya ku gahato. Nibafatwa bazasubizwa mu nkiko

Umuvugizi w’ urwego rw’ igihugu rushinzwe imfungwa n’ abagororwa CIP Sengabo Helary yatangarije UMURYANGO ko Sibomana Kirenge yakatiwe imyaka 20 nyuma yo guhamwa n’ icyaha cy’ ubuhotozi mu gihe Batambarije Theogene yakatiwe imyaka 16 nyuma yo guhamwa n’ icyaha cyo gufata ku ngufu.

CIP Sengabo avuga ko Sibomana Kirenge mwene Subwumwe na Nyiramiheto ukomoka mu kagali Birushya Umurenge Nyamyuba Akarere Rubavu yari asigaje imyaka 10 y’ igifungo.

UMURYANGO ntabwo wabashije kumenya imyaka y’ igifungo Batambarije Theogene ukomoka mu karere ka Burera Umurenge Gatebe Akagari Rwambongo yari asigaje.

Cassien Ntamuhanga wari Umunyamakuru wa Radiyo Ubuntu butangaje yakatiwe imyaka 25 y’ igifungo nyuma yo guhamwa n’ ibyaha birimo kugambirira kugirira nabi umukuru w’ igihugu.

Abatorotse bifashishije umugozi bakoze mu myenda n’ imifuka nk’ uko CIP Sengabo yabitangarije UMURYANGO.

Yagize ati “Ni imigozi ikoze mu mishumi y’ imyenda n’ ubudeyi bw’ imifuka. Ibyo rero n’ ibintu abagororwa babana nabyo muri gereza urumva n’ imishumi bazingazinze, bafatanyisha n’ ibideyi bw’ imifuka”

CIP Sengabo avuga ko bakirimo gukora iperereza ngo bamenye niba aba uko ari batatu bari basanzwe bafite umubano wihariye.

Avuga ko mu gitondo cyo kuri uyu wa 31 Ukwakira babonye umugozi unagana ku gipangu cya gereza, ngo uyu mugozi niwo watumye bakeka ko hari abagororwa bacitse gereza.

CIP Sengabo avuga ko kugira ngo bimenyekane ko Cassien Ntamuhanga, Kirenge Sibomana na Batambajije Theogene ari batorotse, abagororwa bose bashyizwe hamwe bagahamagara umugororwa umwe kuwundi bakamenya abadahari.

CIP Sengabo yatangarije UMURYANGO ko RCS ifite ikizere ko abagororwa batorotse bazafatwa, yongeraho ko nibafatwa bazasubizwa mu rukiko bakaburanishwa icyaha cyo gutoroka gereza.

Muri Nyakanga uyu mwaka, Umugororwa wari ufungiye muri gereza ya Nyanza yarwanye na mugenzi bimuviramo urupfu.

Umuvugizi w’Urwego rw’imfungwa n’amagereza mu Rwanda (RCS) CIP Sengabo Hillary

Ntamuhanga Cassien na Kizito imbere y’urukiko

Ntamuhanga Cassien imbere y’itangazamakuru nyuma yo gutabwa muri yombi

Sibomana Kirenge, Ntamuhanga Cassien na Batambirije Théogène bamaze gutroka gereza

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble FISTON KANANGA

    Ibi bituntu uwabikiramo filime yakundwa

    1 month ago
  • chat_bubble Helena

    RNC yungutse babiri

    1 month ago
  • chat_bubble odette

    Sintereza ko Ntamuhanga na Birenge niba ari Kirenge simbizi bazafatwa, si aba mbere batorotse gereza, kd mu batoroka hagarurwa mbarwa. Cyokora icyo nakwisabira Leta n’ uko yamanikwa amafoto yabo kuri buri rwego rw’ ubuyobozi uzabababona agatanga amakuru

    1 month ago
  • chat_bubble KABARIRA

    NI AGAKINO MUTEGEREZE MUREBE, NIBA ATISHWE MUZUMVA YICAYE IRUHANDE RWA SHEBUJA KAYUMBA

    1 month ago
  • chat_bubble HIGIRO JOHN

    Ntibintunguye kuba Ntamuhanga atorotse Gereza, ubundi umuntu nk’ uriya wahamye n’ icyaha cyo kugambirira kwica umukuru w’ igihugu, bikamenyekana ko akora na RNC, ntakwiye gufungirwa muri Gereza ya Nyanza aho abagororwa barwana bakagera ubwo bicana ntawe urabakiza. umuntu nk’ uriya ukorana na RNC akwiye gufungirwa ahantu yitabwaho by’ umwihariko kandi acacungwa n[’ abizerwa

    1 month ago
  • chat_bubble umuhwituzi

    Ariko noneho ndumiwe abacunga gereza babarabaye nka babazamu b’ abasaza ko aribo numva basinzira bakagona kd bari ku izamu? aba bagororwa bagiye kurira igipangu bagera ubwo batoraka abacungagereza barihe?

    1 month ago

Inzindi nkuru

Abavoka bavuze impamvu batakomeje gukurikana ikibazo cya Me Toy warashwe n’...

Urugaga rw’ abavoka mu Rwanda rwatangaje ko rutatereye agati mu ryingo nyuma...
24 November 2017 Yasuwe: 1336 0

Urukiko Rukuru rwatesheje agaciro ubujurire bwa Diane Rwigara na nyina...

Ku gicamunsi cyo kuri uyu wa 21 Ugushyingo, Urukiko Rukuru rwasomye...
21 November 2017 Yasuwe: 1867 0

U Bufaransa: Umunyarwanda wa kane ushinjwa Jenoside agiye kuburanishwa

Ubushinjacyaha bwo mu Bufaransa bwategetse ko Umufaransa w’imyaka 56...
20 November 2017 Yasuwe: 345 0

Urukiko rwategetse ko uwari gitifu wa Gisagara arekurwa by’ agateganyo

Urukiko rwisumbuye rw’ akarere ka Huye Rwategetse ko Mvukiyehe Innocent wari...
17 November 2017 Yasuwe: 1701 0

Nyarugenge: Umumotari arashinjwa gushaka guha ruswa umupolisi

Umumotari witwa Ndizeye Tito, wari usanzwe akorera akazi ke ko gutwara...
9 November 2017 Yasuwe: 226 0

Umuhinde ukekwaho gutera inda ‘umwana’ yatawe muri yombi

Polisi y’ u Rwanda mu gitondo cyo kuri uyu wa Gatatu tariki 8 Ugushyingo...
8 November 2017 Yasuwe: 2494 1