skol
startimes

Urubanza rwa Nsabimana Callixte "Sankara"rwasubitswe kubera ikibazo cy’Ikoranabuhanga

Amakuru   Yanditswe na: Dusingizimana Remy 4 June 2020 Yasuwe: 722

Umucamanza mu rugereko rwihariye rw’urukiko rukuru ruburanisha ibyaha mpuzamahanga n’ibyambukiranya imbibi ruri mu karere ka Nyanza mu majyepfo y’u Rwanda, yavuze ko urubanza ruregwamo Nsabimana Callixte uzwi nka ’Sankara’ rwari rugiye kuba kuri uyu wa Kane tariki ya 04 Kamena 2020, rwasubitswe kubera kutagera ku ikoranabuhanga kw’abaregera indishyi bari i Rusizi.


Nsabimana Callixte wari umuvugizi w’inyeshyamba za FLN zirwanya leta y’u Rwanda aregwa ibyaha 17 bishingiye ku bitero ku Rwanda n’ibikorwa by’izo nyeshyamba.

Ibyaha Sankara aregwa ni: Iremwa ry’umutwe w’ingabo ritemewe, Icyaha cy’iterabobwoba ku nyungu za politiki, gukora no kugira uruhare mu bikorwa by’iterabwoba, gutanga amabwiriza mu gikorwa cy’iterabwoba, kuba mu mutwe w’iterabwoba, icyaha cyo kugambana no gushishikariza abandi gukora iterabwoba, ubwicanyi n’ubwinjiracyaha bw’ubwicanyi, gufata bugwate, gukwiza amakuru atariyo cyangwa icengezamatwara rigamije kwangisha leta y’u Rwand amu bihugu by’amahanga, guhakana Jenoside, kwiba yitwaje intwaro, gutwika, kugirana umubano na leta y’amahanga hagamijwe gushoza intambara, gukora cyangwa gukoresha impapuro mpimbano, gukubita no gukomeretsa ku bushake no gutanga, kwakira no gushishikariza kwakira ibikomoka ku iterabwoba.

Uyu munsi kuwa kane, hari gukoreshwa ikoranabuhanga mu iburanisha mu rwego rwo kwirinda coronavirus.

Abacamanza batatu n’ubwanditsi mu cyumba cy’iburanisha i Nyanza, uregwa muri gereza ya Mageragere i Kigali n’abaregera indishyi i Rusizi, bagahuzwa na Skype.

Muhima Antoine wari kuyobora iri buranisha amaze kwinjira mu cyumba cy’iburanisha yavuze ko hano ku rukiko no muri gereza ya Mageragere bari biteguye nta kibazo.

Avuga ko urubanza rusubitswe kuko abaregera indishyi bari i Rusizi badashobora kuhava kubera ingamba zahafatiwe, kandi badashobora kugera kuri iryo koranabuhanga.

Iburanisha riheruka kuri uru rubanza ryabaye mu kwezi kwa mbere aho humviswe ubushinjacyaha burega Nsabimana Callixte.

Icyo gihe, Bwana Nsabimana ahawe ijambo, yavuze ko ibyaha 17 byose yarezwe n’ubushinjacyaha abyemera ndetse abisabira imbabazi.

Gusa Nsabimana yahakanye ko ari mu bashinze umutwe wa FLN kandi ko nta ruhare yagize mu bitero byishe abantu.

Uru rubanza rwari gukomeza tariki ya 31/03/2020 ariko icyo gihe mu Rwanda ibikorwa byose byari byarahagaritswe (lockdown), rwimurirwa uyu munsi.

Umucamanza Muhima Antoine uyu munsi yavuze ko uru rubanza rwimuriwe tariki 08 z’ukwezi gutaha kwa karindwi uyu mwaka.

Avuga ko bizeye ko ingamba zafatiwe akarere ka Rusizi icyo gihe zizaba zarorohejwe n’ababuze ikoranabuhanga uyu munsi babashije kurigeraho.

Source: BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble munyemana

    Nubwo Politike ikiza bamwe,ihitana millions and millions z’abantu,cyanecyane binyuze mu ntambara.Uyu Sankara yari yimereye neza mu Rwanda.Ajya mu ishyamba yibwira ko azafata ubutegetsi akaba Umuyobozi,nawe agakira.Akaba Minister,akagendera muli V8.None agiye gusazira muli gereza.Politike ihira bake cyane.Iyo Sankara yumvira Imana akayishaka,akayikorera,akareka kumena amaraso y’abantu,Imana yari kuzamuhemba ubuzima bw’iteka muli paradizo.Imana yanga umuntu wese umena amaraso ya mugenzi we nkuko Zaburi 5:6 havuga.Ikanga kandi abantu bose barwana,ndetse ikavuga ko izabarimbura ku munsi wa nyuma.Soma Matayo 26,umurongo wa 52.Imana ishaka ko umukristu nyakuri aba umunyamahoro,ndetse agakunda n’abanzi be nkuko Yesu yabivuze muli Matayo 5,umurongo wa 44.

    3 months ago

Inzindi nkuru

Umunyamakuru Phocas Ndayizera na bagenzi be basabiwe gufungwa...

Abashinjacyaha basabiye umunyamakuru wigenga Phocas Ndayizera na bagenzi be...
18 September 2020 Yasuwe: 1250 0

Nyamagabe: Umugabo w’imyaka 61 yafashwe asambanya ufite ubumuga bwo mu mutwe...

Umugabo w’imyaka 61 wo mu Kagari ka Karambo mu Murenge wa Kibirizi mu Karere...
17 September 2020 Yasuwe: 2170 0

Urukiko rwategetse ko Rusesabagina afungwa iminsi 30 y’agateganyo

Urukiko rw’Ibanze rwa Kicukiro rutegetse ko Paul Rusesabagina afungwa iminsi...
17 September 2020 Yasuwe: 1097 0

Dr Isaac Munyakazi wari umunyamabanga ushinzwe uburezi yahakanye ibirego...

Dr Isaac Munyakazi wahoze ari umunyamabanga wa leta ushinzwe amashuri...
17 September 2020 Yasuwe: 1451 0

Umuyobozi wa Bugesera FC yatawe muri yombi ashinjwa gukoresha umuntu...

Umuyobozi w’ikipe ya Bugesera FC, Gahigi Jean Claude, ari mu maboko...
16 September 2020 Yasuwe: 5412 0

Rubavu: Polisi yafatanye umukobwa inota 37 z’amadolari y’amahimbano

Uwitwa Muhawenimana Claire w’imyaka 26 y’amavuko yafatiwe mu murenge wa...
16 September 2020 Yasuwe: 1767 0