Urukiko rwategetse Kiliziya kwishyura miliyoni 63 Umuforomokazi wahumiye mu kazi akirukanwa

Amakuru   Yanditswe na: 9 March 2017 Yasuwe: 3817

Urukiko rwa Gicumbi rwategetse Kiriziya Gatolika kwishyura miliyoni 63 Murekatete Jovia, wari umuforomokazi ku bitaro bya Kiziguro akaza guhuma mu 2009 biturutse ku kwikomeretsa ari mu kazi, aho akiriye ibitaro bikamwangira ko akomeza akazi.

Murekatete abifashijwemo sendika y’ abaforomo n’ ababyaza yareze ibitaro bya Kiziguro bya Kiliziya Gatolika, Diyoseze ya Byumba arabitsinda.

Intandaro y’ibibazo bya Murekatete ni ukwikomeretsa ubwo yateraga urushinge umuntu wanduye agakoko gatera Sida, ahabwa imiti imurinda kwandura ariko buhoro buhoro atangira guhuma.

Murekatete Jovia utuye mu Murenge wa Kiramuruzi mu Karere ka Gatsibo, muri 2016 yavuze ko nyuma y’igihe gito ahumye, ubuyobozi bw’ibitaro bya Kiziguro bwahise bumuhagarika ku kazi ndetse na nyuma y’imyaka irindwi amaze gukira yangirwa kugasubiraho.

Abifashijwemo na Sendika y’Abaforomo n’Ababyaza mu Rwanda, Murekatete yareze ibitaro bya Kiziguro mu rukiko rwisumbuye rwa Gicumbi, aratsinda.

Umunyamabanga Mukuru wa Sendika y’Ababyaza n’Abaforomo, Habimana Jean Pierre kuri uyu wa 9 Werurwe 2017, yavuze ko Murekatete yatsinze urubanza , ariko Kiliziya ikaba yarajuriye.

Yagize ati “Urukiko rwanzuye ko Murekatete yatsindiye miliyoni 63 kubera akarengane yakorewe hanyuma Kiliziya irajurira. Ubu detegereje ko bazaburanira mu Rukiko Rukuru. Bari baduhaye itariki ya 17 z’ukwezi kwa Gashyantare 2017 ariko urubanza ntirwabaye kuko uwo munsi ngo hari izindi gahunda abacamanza bari bafite, ubu dutegereje indi tariki bazaduha kandi twizeye ko azatsinda.”

Murekatete Jovia, yatangarije IGIHE ko yishimiye imyanzuro y’urukiko rwisumbuye rwa Gicumbi, akaba yizeye ko no mu Rukiko Rukuru azatsinda akemererwa gusubira mu kazi.

Ubuyobozi bwa Sendika y’Abaforomo n’Ababyaza mu Rwanda, buvuga ko uko iminsi ihita indi igataha bwakira ibibazo bitandukanye by’akarengane abanyamuryango bayo bahurira na ko mu kazi. Mu mezi atatu y’uyu mwaka wa 2017 bumaze kwakira ibibazo birindwi, mu gihe mu mwaka wa 2016 bwakiriye ibisaga 20.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abavoka bavuze impamvu batakomeje gukurikana ikibazo cya Me Toy warashwe n’...

Urugaga rw’ abavoka mu Rwanda rwatangaje ko rutatereye agati mu ryingo nyuma...
24 November 2017 Yasuwe: 1336 0

Urukiko Rukuru rwatesheje agaciro ubujurire bwa Diane Rwigara na nyina...

Ku gicamunsi cyo kuri uyu wa 21 Ugushyingo, Urukiko Rukuru rwasomye...
21 November 2017 Yasuwe: 1868 0

U Bufaransa: Umunyarwanda wa kane ushinjwa Jenoside agiye kuburanishwa

Ubushinjacyaha bwo mu Bufaransa bwategetse ko Umufaransa w’imyaka 56...
20 November 2017 Yasuwe: 345 0

Urukiko rwategetse ko uwari gitifu wa Gisagara arekurwa by’ agateganyo

Urukiko rwisumbuye rw’ akarere ka Huye Rwategetse ko Mvukiyehe Innocent wari...
17 November 2017 Yasuwe: 1701 0

Nyarugenge: Umumotari arashinjwa gushaka guha ruswa umupolisi

Umumotari witwa Ndizeye Tito, wari usanzwe akorera akazi ke ko gutwara...
9 November 2017 Yasuwe: 226 0

Umuhinde ukekwaho gutera inda ‘umwana’ yatawe muri yombi

Polisi y’ u Rwanda mu gitondo cyo kuri uyu wa Gatatu tariki 8 Ugushyingo...
8 November 2017 Yasuwe: 2495 1