skol
startimes

Urukiko rwategetse ko urubanza rwa ’Sankara’ n’urwa Herman zihuzwa

Amakuru   Yanditswe na: Dusingizimana Remy 1 October 2020 Yasuwe: 933

Urukiko ruburanisha ibyaha by’iterabwoba ruri i Nyanza mu majyepfo y’u Rwanda rwategetse ko urubanza rwa Callixte Nsabimana uzwi nka ’Sankara’ n’urwa Herman Nsengimana zihuzwa.


Aba bombi babaye abavugizi b’umutwe wa FLN hagati ya 2018 na 2020, bashinjwa ibyaha by’iterabwoba n’ubwicanyi.

Uyu munsi kuwa kane urukiko rwavuze ko rwasanze ubusabe bw’ubushinjacyaha bwo guhuza izi manza bufite ishingiro kuko ibyo baregwa bifitanye isano.

Mu iburanisha mu kwezi gushize, ’Sankara’ yasabye ko urubanza rwe n’urwa Nsengimana zahuzwa n’urubanza ruregwamo Paul Rusesabagina, ukiri kuburana ifungwa n’ifungurwa ry’agateganyo.

Me Moise NKUNDABARASHI wunganira Sankara, yavuze ko urukiko rwasuzuma neza ko guhuzwa kw’izi manza ntacyo byakwica kuko Sankara yari yaratangiye kwiregura naho Herman we akaba atabitangira.

Me Ndutiye Yousuf umwe mu baregera indishyi z’akababaro, na we yari yavuze ko izi manza zikwiye guhuzwa kuko ari bwo indishyi baregera zatangwa neza kuko bariya bantu uko ari batatu; Sankara, Rusesabagina na Herman ari bo bari imbere mu bikorwa byabahekuye.

Icyo gihe kandi, ukuriye inteko iburanisha urubanza rwa Sankara, yavuze ko nta dosiye ya Rusesabagina barakira bityo ko guhuza n’uwo batarabonera dosiye byo bitashoboka.

Kuri uyu wa 1 Ukwakira 2020 urukiko rwavuze ko ibyo ubushinjacyaha bwasabye bifite ishingiro , rutegeka ko urubanza ruregwamo Sankara na Herman rugomba guhuzwa kuko ibyo baregwa bose bifitanye isano. Urubanza rw’aba bombi rukazasubukurwa ku wa 24 Ugushyingo 2020.

Iki cyemezo cyasomwe Nsabimana Callixte Alias Sankara n’umwanganira mu mategeko Me Nkundabarashi Moise batari muri Salle basanzwe baburaniramo hifashijwe ikoranabuhanga mu gihe Ubushinjacyaha bwo bwari ku cyicaro cy’urukiko i Nyanza.

Bwana Rusesabagina, ubushize yemeye ko ari mu bashinze umutwe wa FLN, ariko yabwiye urukiko ko batawushinje ugamije ibikorwa by’iterabwoba.

Perezida Paul Kagame avuga ku ifatwa rya Rusesabagina mu kiganiro cyatambutse kuri televiziyo y’u Rwanda mu kwezi gushize, yavuze ko imanza z’aba zizahuzwa.

Bwana Kagame yagize ati: "... bazagira aho bahurira buri wese ashinje undi, ibyo yakoranye n’undi, cyangwa ibyo yakoresheje undi..."

Uyu munsi urukiko rwavuze ko urubanza rwa ’Sankara’ na Nsengimana ruzatangira tariki 24 z’ukwezi gutaha kwa 11.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Akarayifumbwe": Rwa rukingo rwa Kanseri y’umura ngo rwaba rutera abakobwa...

Hari amakuru ko rwa rukingo rwa kanseri y’umura rumaze igihe rugeragerezwa...
22 November 2020 Yasuwe: 3850 0

Sadate Munyakazi avuga ko agiye kurega Sam Karenzi na Radio10

Sadate Munyakazi wigeze kuyobora Rayon Sport akavaho mu buryo bugoranye RGB...
21 November 2020 Yasuwe: 2880 0

Iburanisha ku bujurire bwa Paul Rusesabagina ryasubitswe bwa...

Urukiko rwisumbuye rwa Nyarugenge rwongeye gusubika ku nshuro ya gatatu...
20 November 2020 Yasuwe: 373 0

Rwanda: Tom Byabagamba yasabiwe gufungwa imyaka itatu aregwa kwiba...

Tom Byabagamba wahoze akuriye abarinda Perezida Paul Kagame ubushinjacyaha...
13 November 2020 Yasuwe: 1980 0

Paul Rusesabagina yasabye urukiko gusubika urubanza rwe

Urukiko rwisumbuye rwa Nyarugenge rwasubitse urubanza rwa Paul Rusesabagina...
10 November 2020 Yasuwe: 710 0

Ba bakobwa bafunzwe bazira gukomeretsa bikabije mugenzi wabo bagabanyirijwe...

Abakobwa batandatu ari bo, Nkamiro Zaina, Umulisa Gisèle, Umuhoza Connie,...
9 November 2020 Yasuwe: 6880 1