skol
startimes

Uwaguze imodoka na Dr Habumuremyi yamujyanye mu nkiko kugira ngo idafatirwa kubera ibyaha aregwa

Amakuru   Yanditswe na: Dusingizimana Remy 27 August 2020 Yasuwe: 3328

Umugabo witwa Rukeratabaro André yitabaje urukiko ngo rwemeze ko yakwishyura Dr Pierre Damien Habumuremyi, amafaranga asigaye ku yo baguze imodoka kugira ngo ayegukane.


Habumuremyi wayoboraga Urwego Rushinzwe Intwari z’Igihugu, Imidari n’Impeta z’Ishimwe, akurikiranyweho gutanga sheki zitazigamiye n’icyaha cy’ubuhemu, bifitanye isano na Christian University of Rwanda yari yarashinze, iheruka gufungwa.

Rukeratabaro avuga ko ku wa 13 Kamena 2020 yaguze imodoka ya Dr Habumuremyi, kuri miliyoni 25 Frw, ariko amuha miliyoni 19 Frw, ku buryo miliyoni esheshatu zari zisigaye yagombaga kuzimwishyura ari uko bagiye gukora ihererekanya ry’imodoka.

Kuri uyu wa Gatatu Urukiko Rwisumbuye rwa Gasabo rwaburanishije urubanza, aho Rukeratabaro waguze ntarangize kwishyura, yifuza ko urukiko rwemeza ko igurishwa rikomeza. Rwaburanishijwe mu buryo bw’ikoranabuhanga mu kwirinda ikwirakwira rya COVID-19.

Rukeratabaro avuga ko yagize impungenge ko bitewe n’uko Habumuremyi aburana ibyaha bifitanye isano n’amafaranga yagombaga kwishyura, imitungo ye ishobora gufatirwa, harimo n’iyo modoka yo mu bwoko bwa V8 ikimwanditseho, nyamara hari amafaranga yayitanzeho mu kuyigura, nubwo atarishyura yose.

Yasabaga urukiko kwemeza ko Dr. Habumuremyi yishyurwa amafaranga yari asigaye ku yo bumvikanye, akegukana imodoka ye nk’uko amasezerano y’ibanze abiteganya.

Dr Habumuremyi we yavuze ko Rukeratabaro yamwishyuye miliyoni 10 Frw yashyize kuri konti ye, bityo ko agomba kumwishyura miliyoni 15 Frw, nubwo inyandiko igaragaza ubugure yerekana ko yamuhaye miliyoni 19 Frw.

Nyuma yo kumva ibivugwa n’impande zombi, Umucamanza yemeje ko umwanzuro w’urubanza uzatangazwa ku wa 2 Nzeri 2020.

Dr Pierre Damien Habumuremyi yatawe muri yombi ku wa ku wa 3 Nyakanga 2020. Aregwa ibyaha bibiri, icyaha cyo gutanga sheki zitazigamiye n’icyaha cy’ubuhemu.

Umushinjacyaha Mukuru, Havugiyaremye Aimable, aherutse gutangaza ko kuva Dr Pierre Damien Habumuremyi wahoze ari Minisitiri w’Intebe, yatabwa muri yombi, abamurega kubaha sheki zitazigamiye bakomeje kwiyongera, ku buryo zimaze kugera muri miliyoni 200 Frw.

Imyenda yose hamwe afite ngo bamaze gusanga igera muri miliyari 1.5 Frw. Uyu mugabo uburana ahakana ibyaha, akurikiranywe afunzwe.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Habiyaremye aracyasaba ubutabera nyuma yo kurasirwa muri Kasho

Nyuma yo kurasirwa muri kasho ya polisi ku mpamvu atasobanukiwe, umuturage...
23 September 2020 Yasuwe: 2432 0

Rusesabagina yahishuye icyari kimujyanye I Burundi bikarangira yisanze I...

Mu minsi ishize nibwo Paul Rusesabagina yahishuye ko mbere y’uko afatwa yari...
19 September 2020 Yasuwe: 3953 0

Umunyamakuru Phocas Ndayizera na bagenzi be basabiwe gufungwa...

Abashinjacyaha basabiye umunyamakuru wigenga Phocas Ndayizera na bagenzi be...
18 September 2020 Yasuwe: 1503 0

Nyamagabe: Umugabo w’imyaka 61 yafashwe asambanya ufite ubumuga bwo mu mutwe...

Umugabo w’imyaka 61 wo mu Kagari ka Karambo mu Murenge wa Kibirizi mu Karere...
17 September 2020 Yasuwe: 2619 0

Urukiko rwategetse ko Rusesabagina afungwa iminsi 30 y’agateganyo

Urukiko rw’Ibanze rwa Kicukiro rutegetse ko Paul Rusesabagina afungwa iminsi...
17 September 2020 Yasuwe: 1149 0

Dr Isaac Munyakazi wari umunyamabanga ushinzwe uburezi yahakanye ibirego...

Dr Isaac Munyakazi wahoze ari umunyamabanga wa leta ushinzwe amashuri...
17 September 2020 Yasuwe: 1545 0