‘Uwatse ruswa ngo akurikirane ikirego cy’ umwana wasambanyijwe si komanda’ –RIB

Amakuru   Yanditswe na: Nsanzimana Ernest 25 November 2018 Yasuwe: 3415

Mbabazi Modeste , Umuvugizi wa RIB

Kirehe- Urwego rw’ igihugu rw’ ubugenzacyaha RIB rwatangaje ko ruri gushakisha umuntu wiyise komanda wa polisi akaka ruswa umuturage ngo akurikirane ikirego cy’ umwana w’ imyaka irindwi wasambanyijwe.

Ni nyuma y’ uko Macumu Joseph Umunyamabanga Nshingwabikorwa w’ Akagari ka Ruhanga , Umurenge wa Kigina abwiye Minisitiri w’ Ubutegetsi bw’ Igihugu Prof Shyaka Anastase ko nyina w’ uyu mwana yamubwiye ko yahamagawe na komanda wa polisi akamusaba amafaranga ngo akurikirane ikirego cy’ uyu mwana.

Macumu Joseph, uyobora akagari ka Ruhanga

Uyu mubyeyi ngo yavuze ko uwo muntu wamuhamagaye yamubwiye ko natamuha amafaranga ikirego cy’ umwana we kidakurikiranwa ndetse ko n’ ukekwaho kumusambanya ahita arekurwa.

Umuvugizi wa RIB, Mbabazi Modeste kuri iki Cyumweru tariki 25 Ugushyingo yatangarije UMURYANGO ko umuntu wahamagaye uyu mubyeyi atari komanda wa polisi ahubwo ari uwamwiyitiriye.

Yagize ati “Ukuri ni uko hari umuntu wahamagaye uriya muturage amubwira ko ari komanda. Umuntu wiyise komanda wa polisi ariho arashakishwa ntabwo ari komanda wa polisi nk’ uko bivugwa”

Mbabazi Modeste yongeyeho ko numero ya telefone yahamagaye uyu muturage itigeze ikoreshwa na komanda wa polisi narimwe.

Nubwo ariko RIB ivuga ko uwahamagaye uyu mubyeyi atari komanda wa polisi, ibyo yabwiye uyu mubyeyi niko byagenze kuko bwarakeye uwakekwagaho gusambanya umwana ahita arekurwa nyuma y’ uko uyu muturage adatanze ruswa.

Mbabazi yabwiye UMURYANGO ko komanda wa atari afite ububasha bwo kurekura uyu wari ukurikiranyweho gusambanya umwana kuko yari afunzwe n’ ubugenzacyaha, yongeraho ko ubushinjacyaha aribwo bwasabye ko ukekwa arekurwa.

Ibyavuye mu isuzuma ryo kwa muganga birakemagwa

Gitifu Macumu yasobanuriye Minisitiri Shyaka ko impapuro zashingiweho barekura ukekwa zitariho izina ry’ umuganga wakoze isuzuma. Gusa n’ ubwo bimeze gutyo, Umuyobozi w’ Ibitaro bya Kirehe Dr Ngamije Patient yavuze ko muganga wapimye uyu mwana yakoze akazi ke neza agaragaza ko yasanze akarangabusugi katarangiritse gusa ngo uwo mwana yari yakomeretse hafi y’ igitsina.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Charles

    Akarangabusugi ngo ntikangiritse ariko ngo ku gitsina hari hakometetse !!!! ¡!!!!!!!??!?????? Ubwo se izo accrobaties ni bwoko ki ?? Ahubwo se akomereka ate ku gitsina.

    Ikiriho yafashwe ku ngufu,yakwirwanaho atakwirwanaho bigaragara ko yangijwe, kuba yarakomeretseho birahagije

    2 months ago
  • chat_bubble chris

    nonese niba akarangabusugi katarangiritse bivuze ko batamusambanyije ,kwangirika kwako biterwa nuko byakozwemo

    2 months ago

Inzindi nkuru

ADEPR: Batatu bahamwe n’icyaha abandi barimo na Bishop Tom Rwagasana bagirwa...

Abahoze ari abayobozi bakuru b’itorero rya ADEPR barimo Bishop Jean Sibomana...
14 December 2018 Yasuwe: 7215 4

Urubanza ruregwamo umunyamakuru Phocas Ndayizera ruzaburanishwa mu...

Kuri uyu wa Kane tariki 13, Urukiko rw’ibanze rwa Nyarugenge rwafashe...
13 December 2018 Yasuwe: 852 0

Ubushinjacyaha bugiye kujuririra icyemezo cyo kurekura Diane Rwigara...

Umushinjacyaha Mukuru, Mutangana Jean Bosco, yemeje ko Ubushinjacyaha...
12 December 2018 Yasuwe: 2105 1

Wenceslas Twagirayezu uregwa ibyaha bya jenoside yagejejwe i...

Ku mugoroba wo kuri uyu wa 11 Ukuboza nibwo indege yari intwaye Twagirayezu...
12 December 2018 Yasuwe: 1523 0

U Rwanda rwategetswe kwishyura Victoire Ingabire miliyoni 50...

Urukiko Nyafurika rushinzwe uburenganzira bwa muntu rufite ikicaro muri...
10 December 2018 Yasuwe: 10510 0

Diane Rwigara na nyina Adeline Rwigara bahanaguweho ibyaha

Kuri uyu wa Kane tariki 6 Ukuboza 2018, Urukiko Rukuru rwagize abere Diane...
6 December 2018 Yasuwe: 5084 0