Rayon Sports WFC yegukanye igikombe cy’Amahoro cya 2024 nyuma yo ku nyagira Indahangarwa WFC ibitego 4-0 ku mukino wa nyuma wabereye kuri Kigali Pele Stadium, kuri uyu wa Kabiri.

Sponsored Ad

Iyi kipe yazamutse mu cyiciro cya mbere uyu mwaka,yagaragaje urwego rwo hejuru kuko n’igikombe cya shampiyona ariyo yagitwaye.

Mukandayisenga Jeannine ’Kaboy’ ni we watsinze ibitego byose byahesheje ikipe ye gutwara igikombe.

Mukandayisenga Jeannine yatsinze ibi bitego ku munota wa: 13’,16’, 51’ n’uwa 65’.

Ni ubwa mbere mu mateka yayo, Rayon Sports y’abagore yegukanye igikombe cy’amahoro gusa umwaka ushize yageze ku mukino itsindwa na AS Kigali.

Rayon Sports yageze ku mukino wa nyuma isezereye AS Kigali ku bitego 2-1.Indahangarwa yo yageze ku mukino wa nyuma isezereye Fatima.

Umukino wo guhatanira umwanya wa gatatu wegukanywe AS Kigali WFC itsinze Fatima WFC ibitego 4-1 mu mukino wabereye kuri Stade ya mumena.