Kigali

Abafite uburwayi bw’ingingo basabwe kwivuza kare

Amakuru   Yanditswe na: Iyamuremye Janvier 24 January 2018 Yasuwe: 464

Bamwe mu bafite uburwayi bw’ingingo bavuga ko ubuke bw’amavuriro yihariye, bituma kuzikira bigorana, ku buryo byaviramo umuntu gukurizamo ubumuga bwa burundu. Nyamara abaganga bagira inama abafite uburwayi bw’ingingo kwivuza hakiri kare kuko byongera amahirwe yo gukira.

Abaganga b’inzobere mu kuvura amagufwa mu bitaro bivura indwara z’ubumuga no kugorora ingingo z’umubiri bya Rilima, kuri uyu wa kabiri bari mu kigo nderabuzima cya Kicukiro, aho basuzumye abantu basaga 200 bakabagira n’inama z’uko bakwivuza byimbitse.

Bumwe mu burwayi bufata ingingo harimo nk’imvune z’amagufa, ubumuga bw’ibirenge, kugorama amavi cg agakuka, ingingo zigagaye n’ abana batinda kugenda.

Dr. Albert Nzayisenga, umuganga mu bitaro bya Rilima avuga ko kwivuza hakiri kare birinda ufite uburwayi bw’ingingo gukomererwa nabwo. Yagize ati, "Nk’ urugero, indwara z’ibirenge aho umuntu aho gukandagiza ubworo bw’ikirenge akandagiza umugongo w’ikirenge biba byiza iyo tubivuye umwana akiri muto kuko tubivura dukoresheje kubigorora ,platre, cyangwa isima ku buryo umwana ageza igihe cyo kugenda ibirenge bye bimeze neza. Iyo ubonye igufwa rigoramye, imitsi ikurya,hari abaganga bashobora kukuvura. Icyo gihe uvurwa neza hakoreshejwe ubugororangingo, ugahabwa n’ubujyanama."

Abaganga bavuga kandi ko imirire myiza cyane cyane ku bana bato ari kimwe mu bishobora kubarinda kugira uburwayi bw’ingingo, kuko amagufwa yabo akura neza kandi agakomera.

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bwa mbere Kigali igiye kwakira inama nini izitabirwa n’ abantu 10...

Mu mpera z’ umwaka utaha I Kigali mu Rwanda hazabera inama nini ivuga kuri...
24 March 2018 Yasuwe: 2631 0

Msgr Bimenyimana Jean Damascène wayoboraga Diyosezi ya Cyangugu yaguye...

Kuri iki cyumweru nibwo hamenyekanye inkuru y’urupfu rwa Musenyeli...
11 March 2018 Yasuwe: 1593 1

Nyaruguru: Nyakwigendera Karamba biravugwa ko yazize inzara, abandi...

Abarokotse jenoside yakorewe abatutsi batishoboye batujwe mu mudugudu...
11 March 2018 Yasuwe: 7265 6

Niba uryamana terefone ngendannwa hafi yawe urashyira ubuzima bwawe mu...

Abantu batandukanye bakunze gushyira terefone ngendanwa zabo hafi y’uburiri...
27 February 2018 Yasuwe: 2316 1

Nyagatare: Polisi yataye muri yombi batatu binjizaga inzoga zitemewe mu...

Mu gitondo cyo kuri uyu wa mbere tariki ya 26 Gashyantare 2018, Polisi y’u...
26 February 2018 Yasuwe: 230 0

Karongi: Impunzi z’Abanyekongo zaguye mu myigaragambyo bashyinguwe

Ku wa Gatandatu tariki ya 24 Gashyantare, 2018 ni bwo hashyinguwe imirambo...
25 February 2018 Yasuwe: 3355 1