Kigali

Kigali: Abaganga biganjemo abasirikare basoje imyitozo yo kuvura Ebola [AMAFOTO]

Amakuru   Yanditswe na: Nsanzimana Ernest 25 October 2018 Yasuwe: 1259

Abaganga bo mu Rwanda biganjemo abasirikare bakora mu buvuzi basoje imyitozo yo kuvura Ebola bari bamazemo ibyumweru hafi bitatu.

Iyi myitozo yatangiye tariki 6 Ukwakira 2018, yaberaga mu bitaro bya gisirikare I Kanombe. Iyi myitozo ibaye mu gihe ishami ry’Umuryango w’ Abibumbye ryita ku buzima OMS riherutse gutangaza ko u Rwanda na Uganda bishobora kwibasirwa na Ebola imaze iminsi yongeye kwaduka muri Repubulika Iharanira Demukarasi ya Kongo.

Umuyobozi ushinzwe serivise z’ ubuvuzi muri Minisiteri y’ ubuzima Zuber Muvunyi ubwo yasozaga iyi myitozo yongeye gushimangira ko kugeza ubu nta murwayi wa Ebola uragaragara ku butaka bw’ u Rwanda.

Yagize ati “Nta kibazo na kimwe cya Ebola kiragaragara mu Rwanda. Nubwo bimeze gutyo ariko ni ngombwa guha imyitozo abavuzi n’ abafatanyabikorwa mu buvuzi ijyanye no kuvura, n’ ingamba zo kwirinda Icyorezo cya Ebola”

Ebola ni indwara yandura cyane dore ko iyo umuntu akoze ku matembabuzi y’ umuntu uyirwaye nawe ahita ayandura.

Minisitiri w’ Ubuzima yigeze kubwira itangazamakuru ko bumwe mu buryo bwo kwirinda Ebola harimo no kugira isuku abantu bakaraba amazi meza n’ isabune.

Kuva Ebola yakongera kwaduka muri Repubulika iharanira Demukarasi ya Kongo imaze guhitana abarenga 60.

Imwe mu ngamba Leta yafashe mu rwego rwo guhanga na Ebola harimo gupima abinjira ku mipaka y’ u Rwanda ngo hirindwe ko hari umurwayi wa Ebola wakwinjira mu gihugu akayikongeza Abanyarwanda.

Abaganga batojwe kuvura Ebola bigishijwe uko umuganga ugiye kuvura umurwayi yaketseho Ebola, yambara , uko ayipima, n’ ibindi.







Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imodoka yavaga mu mugi yerekeza Nyabugogo yataye umuhanda igonga abantu 7...

Polisi y’ u Rwanda ishami rishinzwe wo mu muhanda yavuze ko imodoka yo mu...
11 January 2019 Yasuwe: 4902 1

Umunyamideli w’umunyarwandakazi witeguraga gukora ubukwe vuba yapfuye...

Umunyamideli wari warabigize umwuga Alexia Uwera Mupende yitabye Imana ku...
9 January 2019 Yasuwe: 4793 0

Mukangendahayo Joselyne arwaye uburwayi budasanzwe butuma aruka ibikeri,...

Mukangendahayo Joselyne, umukobwa utuye mu mudugudu wa Rusasa mu kagari ka...
31 December 2018 Yasuwe: 4975 0

Uyu mubyeyi arashinja abaganga bo mu bitaro bya Muhima kumurangarana...

Ibitaro bya Muhima mu Mujyi wa Kigali birimo gukurikirana ikibazo cy’umugore...
26 December 2018 Yasuwe: 3005 1

Musanze: Hari imiryango yaboneje urubyaro igirwaho Ingaruka n’uburyo...

Mu Karere ka Musanze mu ntara y’Amajyaruguru hari imiryango itifujwe...
22 December 2018 Yasuwe: 1316 0

Komisiyo y’Abakozi ba Leta yasabye Minisante kwirukana abakozi bayo batanze...

Mu ibaruwa yo ku italiki 5/11/2018 Komisiyo y’abakozi ba Leta yandikiye...
20 December 2018 Yasuwe: 10890 6