Kigali

Abakoresha n’ abaturiye gare ya Kacyiru babangamiwe no kuba itangira ubwiherero

Amakuru   Yanditswe na: Nsanzimana Ernest 1 November 2017 Yasuwe: 623

Gare ya Kacyiru ku munsi ikoreshwa n’ abarenga 1000, nta bwiherero ifite. Abayikoresha n’ abayituriye bavuga ko bibabangamiye kuko biteza umwana.

Abagenzi bakoresha iyi gare bavuga ko hari ubwo bategereza imodoka, hagashira nk’ iminota 30 imodoka itarabageraho. Ngo gutinda muri iyi gare hari ubwo bituma bakenera ubwiherero bakabubura.

Abakorera akazi ka buri munsi muri iyo gare. Ni ukuvuga abacuruzi ba za M2U n’ abatwara taxi voiture babwiye Kigali Today dukesha iyi nkuru ko mbere bakenera ubwiherero bakajya kubutira mu ngo ziri hafi y’ iyo gare ariko ubu ngo ntabwo bene izo bakemera kubatira kuko umubare w’ abakoresha iyi gare wingereye cyane.

Abaturiye iyi gare bavuga ko impamvu batacyemera gutiza abagenzi ubwiherero bwabo ari uko abakoresha iyo gare babaye benshi bikaba bibateza umwana n’ ubwiherero bwabo bukuzura vuba.

Sabigirwa Apolinaire utwara abagenzi muri taxi voiture, avuga ko kutagira ubwiherero muri gare ari ikibazo kandi gikomereye abantu bose bahagenda.

Yagize ati “Ubwiherero ni ikibazo gikomeye hano, ababishinzwe bakwiye gukora ibishoboka byose bukubakwa kuko birabangamye rwose”.

Muparasi Claude ni Umugenzi Kigali Today yasanze muri iyo Gare amaze iminota irenga 20, ategereje imodoka yerekeza mu mujyi.
Nawe yunga mu rya mugenzi we, avuga ko ubwiherero bukenewe muri iyo gare, ngo kuko hari igihe abagenzi bategereza imodoka umwanya munini bakabukenera.
Ati “Uhagaze aha umwanya muto, ntiwatinda kubona abantu barimo kwihagarika mu nkengero, kubera nta bwiherero”.
Abaturiye gare bajyaga batiza ubwiherero abagenzi, bavuga ko babicitseho, ngo kuko umubare wagendaga wiyongera w’abatira ubwiherero bigateza umwanda kandi bikanatuma ubwiherero bwabo bwuzura vuba.
Umuyobozi w’Akarere ka Gasabo Rwamurangwa Stephan, avuga ko ubusanzwe gare ya Kacyiru yari yubatswe, hateganywa ko nta mugenzi ugomba kuhatinda.
Ati “Iriya gare yubakwa yagombaga kuba aho imodoka zihagarara zisiga abantu, zigafata abandi byihuse zigakomeza urugendo zitahatinze (Bus stop).

Nyuma yo kubona ko byahindutse zihatinda, hafashwe icyemezo cyo kuhubaka ubwiherero, kugira ngo abahaatinda babukenera babashe kububona.”

Ubuyobozi bw’Akarere ka Gasabo buvuga ko icyatindije kubaka ubwiherero ari ikibazo cyo kubona ibyangombwa by’ubutaka bwo kubwubakaho.

Ubutaka bwabonetse bwari ubw’Umujyi wa Kigali, ubu wamaze kubwegurira Akarere ka Gasabo kugira ngo bwubakwemo ubwo bwiherero.

Mu gihe kitageze ku Kwezi kumwe, imirimo yo kubaka ubwiherero muri gare ya Kacyiru, ngo iraba yatangiye kuko na rwiyemezamirimo yamaze guhabwa isoko.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kigali: Ahacururizwaga inyama hari isuku nke hafunzwe

Kuri uyu wa gatanu tariki ya 23 Gashyantare, Polisi y’u Rwanda, Minisiteri...
24 February 2018 Yasuwe: 288 0

Rusizi: Akeneye ubufasha bwawe, umwana we yamize igiceri cy’i 100 gihagama...

Umubyeyi witwa Mukashyaka Louise utuye mu Mudugudu wa Nyabihanga mu Kagari...
20 February 2018 Yasuwe: 2127 1

Musanze: Abanyeshuri 82 bajyanywe kwa muganga nyuma yo kurya...

Abanyeshuri bagera kuri 82 biga mu Rwunge rw’Amashuri (GS) Muko riherereye...
15 February 2018 Yasuwe: 1087 0

Karongi: Ku myaka 50, intoki, amano n’ikirenge byatobowe n’amavunja-AMAFOTO

Umugabo witwa Iribanje Ildefonse uri mu kigero cy’imyaka 50 y’amavuko utuye...
14 February 2018 Yasuwe: 1733 2

Kigali: Umugore yafatanywe uruhinja yibye

Polisi y’u Rwanda yataye muri yombi umugore wari wibye uruhinja rw’amezi...
11 February 2018 Yasuwe: 2954 0

2019 abarenga ibihumbi 3 bazatangira kwivuriza mu bitaro by’ akarere ka...

Kuri uyu wa Gatanu tariki 9 Gashyantare nibwo abayobozi barimo na...
9 February 2018 Yasuwe: 848 0