skol
fortebet

Abandi bantu 2 bahitanwe na Covid-19 mu Rwanda abandi 41 barayandura

Yanditswe: Wednesday 09, Dec 2020

Sponsored Ad

Minisiteri y’Ubuzima yatangaje ko uyu munsi tariki ya 09 Ukuboza 2020 abaturage babiri barimo uwo mu Karere ka Ngororero n’uwo mu Mujyi wa Kigali, bishwe na COVID-19 bituma umubare w’abamaze guhitanwa n’iki cyorezo mu Rwanda uba 53.
Itangazo rya Minisante ryo kuri uyu wa Gatatu rivuga ko abitabye Imana ari ababyeyi b’imyaka 60 na 56.
Abanduye Covid-19 uyu munsi bashya ni 41 mu bipimo 3654 byafashwe,barimo aba Kigali:32, Musanze: 3, Rubavu: 2, Nyagatare: 1, Gakenke: 1, Ngororero: 1, Huye: 1.Nta (...)

Sponsored Ad

Minisiteri y’Ubuzima yatangaje ko uyu munsi tariki ya 09 Ukuboza 2020 abaturage babiri barimo uwo mu Karere ka Ngororero n’uwo mu Mujyi wa Kigali, bishwe na COVID-19 bituma umubare w’abamaze guhitanwa n’iki cyorezo mu Rwanda uba 53.

Itangazo rya Minisante ryo kuri uyu wa Gatatu rivuga ko abitabye Imana ari ababyeyi b’imyaka 60 na 56.

Abanduye Covid-19 uyu munsi bashya ni 41 mu bipimo 3654 byafashwe,barimo aba Kigali:32, Musanze: 3, Rubavu: 2, Nyagatare: 1, Gakenke: 1, Ngororero: 1, Huye: 1.Nta muntu wakize iki cyorezo mu masaha 24 ashize.

Kuva ku wa 14 Werurwe 2020 ubwo umurwayi wa mbere yabonekaga mu Rwanda hamaze gufatwa ibipimo bya Coronavirus 654 322, byasanzwemo 6278 banduye.

Muri bo 5715 barasezerewe nyuma yo gupimwa bagasangwa nta bwandu bagifite mu mibiri yabo mu gihe 510 bakiri kwitabwaho.

Coronavirus ni indwara itarabonerwa umuti cyangwa urukingo ndetse mu kwita ku wayanduye havurwa ibimenyetso byayo birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru.

Leta Zunze Ubumwe z’Abarabu (UAE) zatangaje ko urukingo zahawe n’u Bushinwa rufite ubushobozi bwo gukingira icyorezo cya Coronavirus ku kigero cya 86 % .

Icyo cyizere cyaturutse ku igeragezwa UAE yari imaze iminsi iri gukorera ku bantu 31 000, aho basanze urwo rukingo rwakoreshwa mu kwirinda Coronavirus.

Minisiteri y’Ubuzima muri icyo gihugu yatangaje ko abahawe urwo rukingo nta ngaruka zikomeye rwabagizeho.

Ibyavuye muri iryo gerageza biratanga icyizere ku gutangira gukoresha urwo rukingo rwakozwe na sosiyete Sinopharm ishamikiye ku kigo cyo mu Bushinwa, China National Biotec Group Co, CNBG.

Kuba urwo rukingo rwakwemezwa ni amahirwe ku bihugu byinshi cyane cyane ibiri mu nzira y’amajyambere, kuko u Bushinwa bwiyemeje ko urukingo rwabwo niruboneka hazatangwa uburenganzira busesuye bwo kurubyazamo nyinshi ku buryo zigera kuri bose.

Uru rukingo rwatangiye kwifashishwa mu Bushinwa ku bantu bafite ibyago byinshi byo kwandura, gusa ntabwo ruremerwa n’ibigo bitandukanye bishinzwe kwemeza ubuziranenge bw’inkingo.

Ibihugu nka Indonesia na Pakistan byamaze gusinyana amasezerano na CNBG, abyemerera kuba byatangira gukoresha urwo rukingo.

Nubwo hari urukingo rwakozwe na sosiyete ya Pfizer Inc ndetse n’urwakozwe na Modern Inc, byongeye izo nkingo zikaba zitanga icyizere cyo kurinda Coronavirus ku kigero cya 90 %, uburyo bwo kuzibika no kuzitwarwa buragoye cyane cyane mu bihugu bikennye.

Bloomberg yatangaje ko urukingo rwo mu Bushinwa rwo nta kibazo mu kurubika cyangwa kurutwara kuko rubikwa ku kigero cy’ubushyuhe busanzwe.

U Bushinwa buri kugerageza izindi nkingo ebyiri zirimo ururi gukorwa na Sinovac Biotech Ltd rwamaze kugeragezwa mu cyiciro cya gatatu, hakaba hasigaye kumenya icyavuyemo.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa