skol
fortebet

Abantu 02 banduye Coronavirus mu Rwanda ntihakira n’umwe

Yanditswe: Thursday 29, Oct 2020

Sponsored Ad

Minisiteri y’Ubuzima yatangaje ko mu bipimo 1725 byafashwe kuri uyu wa 29 Ukwakira 2020 byemeje ko abantu babiri banduye COVID-19 mu gihe nta n’umwe wayikize.

Sponsored Ad

Umubare w’abamaze kwandura COVID-19 mu Rwanda ugera kuri 5 131 mu gihe, mu gihe abakize bagumye ari 4 851.

Iri tangazo rya Minisiteri y’Ubuzima rigaragaza ko aba barwayi babiri bavuye mu Karere ka Burera na Nyagatare.

Kuva icyorezo cya COVID-19 cyagera mu Rwanda hamaze gufatwa ibipimo 553 876 byemeje ko abagera kuri 5131 banduye iki cyorezo, abagera kuri 4851 bakaba baragikize, mu gihe abakirwaye ari 245 naho abapfuye akaba ari 35.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Perezida wa Algeria Abdelmadjid Tebboune, wari umaze iminsi arwariye mu bitaro bya gisirikare byo mu murwa mukuru Alger, kuri ubu yamaze kujyanwa mu Budage aho azakomereza kwivuriza.

Ku wa 28 Ukwakira nibwo Ibiro by’Umukuru w’igihugu muri Algeria byatangaje ko Perezida w’iki gihugu yajyanwe mu bitaro, gusa ntibyigeze bivuga icyo arwaye nubwo hari hashinze iminsi mike bitahuwe ko bamwe mubo bahuye basanzwemo icyorezo cya Covid-19.

BBC ivuga ko kugeza ubu bitazwi uko ubuzima bw’uyu mugabo w’imyaka 75 buhagaze ariko ikemeza ko hari amakuru avuga ko yanduye Covid-19.

Guhera ku wa 24 Ukwakira Perezida Tebboune yari yatangaje ko agiye kwishyira mu kato k’iminsi itanu nyuma y’uko bamwe mu bakorana nawe bya hafi bari bamaze gusanganwa icyorezo cya Covid-19.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa