skol
Kigali
startimes

Abantu 04 bo mu mujyi wa Kigali banduye Coronavirus

Amakuru   Yanditswe na: Dusingizimana Remy 20 October 2020 Yasuwe: 1351

Minisiteri y’Ubuzima yatangaje ko kuri uyu wa kabiri tariki ya 20 Ukwakira 2020, abantu 04 basanzwemo COVID-19 mu gihe nta n’umwe wayikize mu bipimo 997 byafashwe.Umubare w’abamaze kwandura iki cyorezo wabaye 4,996.


Abasanzwemo Coronavirus uyu munsi bose uko ari 4 bagaragaye mu mujyi wa Kigali.Umubare w’abamaze gukira bose hamwe ni 4,797.Abakirwaye ni 165 mu gihe abamaze gupfa bose ari 34.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Minisitiri w’Ubuzima muri Kenya yaburiye abaturage b’iki gihugu ko ukwiyongera kw’abandura Covid-19 gushobora kuganisha iki gihugu ku kongera kubona imibare myinshi y’abandura n’abapfa nk’uko byari bimeze mbere y’uko bashyiraho gahunda ya Guma mu Rugo.

Minisitiri Mutahi Kagwe yavuze ko ubwandu bwatangiye kwiyongera muri iki gihugu ubwo Perezida Uhuru Kenyatta yafataga icyemezo cyo koroshya zimwe muri gahunda zari zarashyizweho zo kwirinda iki cyorezo.

Mutahi yavuze ko kuva mu kwezi gushize ubwandu bwa Covid-19 bwazamutse buva kuri 4% bugera kuri 12%. Uretse abandura yanavuze ko umubare w’abashyirwa muri serivisi ishinzwe kwita ku ndembe wiyongereye.

Ati “Nta gushidikanya ko turi kwibonera ko itsinda ry’abaganga bacu bari kuvuga ko hari ukwiyongera k’ubwandu, nta gushidikanya turi kugana mu kindi cyiciro gishya cy’iki cyorezo.”

Yakomeje agira ati “Uku kwiyongera turi kubona nti guturuka ku busa, kwatewe no guhonyora amabwiriza n’inama z’inzobere zacu.”

Kugeza ubu muri Kenya abamaze kwandura icyorezo cya Covid-19 bose hamwe babarirwa mu bihumbi 44 mu gihe abamaze guhitanwa nacyo bagera kuri 832.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Kagame yakiriye Irage yahawe n’umubyeyi w’Intwaza uherutse...

Kuri uyu wa Kabiri tariki 24 Ugushyingo 2020, nibwo Umuyobozi w’Umuryango...
24 November 2020 Yasuwe: 1172 0

RBC igiye gutangira gupima COVID-19 ikoresheje imbwa

Ikigo cy’Igihugu cyita ku Buzima (RBC) gitangaza ko mu kwezi kumwe kizaba...
24 November 2020 Yasuwe: 426 0

Abantu 61 banduye Covid-19 mu Rwanda abandi 33 barayikira

Minisiteri y’Ubuzima yatangaje ko uyu munsi tariki ya 23 Ugushyingo 2020,...
23 November 2020 Yasuwe: 1609 0

Polisi y’u Rwanda yashyikirije ya mafaranga Umunyarwandakazi...

Polisi y’u Rwanda uyu munsi yatangaje ko yashyikirije amafaranga yatoraguwe...
23 November 2020 Yasuwe: 4100 1

Burera: Umugabo yiyahuye kubera kubana nabi n’umugore we asiga ibaruwa igira...

Umugabo witwa Twizerimana Innocent wari usanzwe ari umwarimu ku ishuri...
23 November 2020 Yasuwe: 5279 1

Covid-19 yahitanye umuntu wa 47 mu Rwanda abandi 45 barayandura

Minisiteri y’Ubuzima yatangaje ko uyu munsi tariki ya 22 Ugushyingo...
22 November 2020 Yasuwe: 1427 0