skol
Kigali
startimes

Abantu 08 biganjemo abo mu mujyi wa Kigali banduye Coronavirus

Amakuru   Yanditswe na: Dusingizimana Remy 24 October 2020 Yasuwe: 1269

Minisiteri y’Ubuzima yatangaje ko kuri uyu wa Gatandatu tariki ya 24 Ukwakira 2020, abantu 08 basanzwemo COVID-19 mu gihe nta muntu n’umwe wayikize mu bipimo 3,698 byafashwe.Umubare w’abamaze kwandura iki cyorezo wabaye 5,060.

Abasanzwemo Coronavirus uyu munsi babonetse I Kigali:7 na Nyagatare:1.Umubare w’abamaze gukira bose hamwe ni 4,806.Abakirwaye ni 220 mu gihe abamaze gupfa bose ari 34.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Perezida wa Pologne, Andrzej Duda, yanduye Coronavirus, ahita atangaza ko agiye kwishyira mu kato nubwo ibiro bye byemeza ko ameze neza.

Minisitiri ushinzwe ibiro bya Perezida, Blazej Spychalski, kuri uyu wa Gatandatu yatangaje ko kuri uyu wa Gatanu aribwo Perezida Duda yasanzwemo Coronavirus.

Ati “Ejo nibwo Perezida bamusanzemo Coronavirus ariko ameze neza. Turi gukorana bya hafi n’abaganga.”

Duda w’imyaka 48 yanduye mu gihe kuri uyu wa Gatandatu mu gihugu cye hashyizweho amabwiriza mashya agamije guhashya Coronavirus. Pologne imaze iminsi ihanganye n’ubwandu bw’icyo cyorezo bwiyongera ku muvuduko udasanzwe, dore ko nko kuri uyu wa Gatanu honyine handuye abantu 13 632.

Minisitiri w’Ubuzima wungirije, Waldemar Kraska, yabwiye itangazamakuru ko bizeye ko Perezida azakira kuko akiri muto.

Mu mabwiriza mashya yashyizweho mu kwirinda Coronavirus muri Pologne harimo gufunga inzu zicuruza ibiryo n’utubari. Amashuri azakomeza gufungurwa ariko abana biga mu mwaka wa gatatu w’amashuri abanza gusubiza hejuru nibo bazayajyamo, mu gihe abo mu mashuri yisumbuye bazakoresha ikoranabuhanga.

Amateraniro ahuza abantu barenze batanu nayo ntiyemewe muri Pologne.

Abantu 228.318 nibo bamaze kwandura Coronavirus muri Pologne mu gihe abamaze gupfa ari 4172.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rwavuze igihe ruzatangira ubusabe bw’inkingo za Covid-19

Minisiteri y’Ubuzima yavuze ko u Rwanda ruhagaze neza mu rugamba rwo...
27 November 2020 Yasuwe: 1707 0

Abantu 72 banduye Covid-19 mu Rwanda abandi 28 barayikira

Minisiteri y’Ubuzima yatangaje ko uyu munsi tariki ya 26 Ugushyingo 2020,...
26 November 2020 Yasuwe: 1196 0

Abantu 76 bakize Covid-19 mu Rwanda abandi 29 barayandura

Minisiteri y’Ubuzima yatangaje ko uyu munsi tariki ya 25 Ugushyingo 2020,...
25 November 2020 Yasuwe: 1183 0

Inyubako zizatuzwamo abari batuye muri Bannyahe ziri mu Busanza zamaze...

Inyubako za mbere zizatuzwamo abantu ba mbere mu batuye mu midugudu igize...
25 November 2020 Yasuwe: 2801 0

Abantu 44 bakize Covid-19 mu Rwanda abandi 24 barayandura

Minisiteri y’Ubuzima yatangaje ko uyu munsi tariki ya 24 Ugushyingo 2020,...
24 November 2020 Yasuwe: 1104 0

Perezida Kagame yakiriye Irage yahawe n’umubyeyi w’Intwaza uherutse...

Kuri uyu wa Kabiri tariki 24 Ugushyingo 2020, nibwo Umuyobozi w’Umuryango...
24 November 2020 Yasuwe: 2690 0