skol
Kigali
startimes

Abantu 104 bakize Covid-19 mu Rwanda abandi 06 barayandura

Amakuru   Yanditswe na: Dusingizimana Remy 17 October 2020 Yasuwe: 4182

Minisiteri y’Ubuzima yatangaje ko kuri uyu wa Gatandatu tariki ya 17 Ukwakira 2020, abantu 6 basanzwemo COVID-19 mu gihe abandi 104 bayikize mu bipimo 2,224 byafashwe.

Umubare w’abamaze kwanduraiki cyorezo wabaye 4,971 mu gihe 104 ari bo bayikize. Abamaze gukira bose hamwe ni 4,768.Abakirwaye ni 169 mu gihe abamaze gupfa ari 34

Abarwayi bashya bagaragaye barimo umwe wo muri Kigali, bane bo muri Kirehe (abapimwe mu nkambi y’impunzi) naho i Gicumbi habonetse umwe.

Abanyarwanda bagirwa inama yo gukomeza kubahiriza amabwiriza yashyizweho, bibuka kwambara agapfukamunwa n’amazuru buri gihe bavuye mu ngo, bakaraba intoki kenshi no kwirinda amakoraniro n’ibindi bintu byose bishobora guhuriza hamwe abantu benshi.

Umuntu ugaragaje ibimenyetso bya Coronavirus birimo inkorora, guhumeka nabi, gucika intege n’ibindi, agirwa inama yo guhamagara umurongo utishyurwa wa 114 kugira ngo ahabwe ubufasha n’abaganga.

Ishami ry’Umuryango w’Abibumbye ryita ku Buzima, OMS, ryatangaje ko ubushakashatsi bwakozwe ku muti wa Remdesivir bwagaragaje ko nta ngaruka nini ugira ku murwayi wa Covid-19 ku buryo ushobora gutuma adapfa cyangwa se agakira mu gihe cya vuba.

OMS yakoze igenzura ku miti ine harebwa niba ishobora kwifashishwa mu kuvura Covid-19, irimo Remdesivir na Hydroxychloroquine.

Remdesivir ni umwe mu miti yakoreshejwe bwa mbere mu kuvura Covid-19, ndetse ni nayo yahawe Perezida Trump ubwo aheruka mu bitaro yanduye iki cyorezo. Muri Amerika ni umuti wemewe uhabwa n’abarwayi b’iyi ndwara.

Remdesivir wifashishwa mu kuvura n’izindi ndwara, zirimo na Ebola. Ubushakashatsi bwawukozweho cyo kimwe na Hydroxychloroquine ivura malariya, Interferon yongera ubudahangarwa bw’umubiri hamwe n’imiti ya Lopinavir/Ritonavir ihabwa abafite agakoko gatera Sida.

Igenzura ry’uburyo iyi miti ikora ryakorewe ku barwayi bakuze 11266 bo mu bitaro 500 mu bihugu bigera kuri 30.

Ryagaragaje ko Remdesivir idashobora gufasha umurwayi wa Covid-19 ku buryo yoroherwa vuba cyangwa ku buryo atahitanwa n’iyi ndwara.

OMS yatangaje ko ubushakashatsi kuri Hydroxychloroquine na Lopinavir/Ritonavir bwahagaritswe muri Kamena nyuma y’aho bigaragariye ko iyi miti yombi idafite ubushobozi bwo kuvura Covid-19.

Ubu bushakashatsi bwamaganiwe kure na Gilead, ikigo cyakoze uyu muti, cyatangaje ko ibyo OMS yagaragaje atari byo. Iki kigo cyo cyari giherutse kwerekana ko uyu muti ufasha uwuhawe ku buryo mu minsi itanu aba yorohewe Covid-19.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Dr Thomas Kigabo wari ushinzwe ubukungu muri BNR yitabye Imana

Dr.Thomas Kigabo RUSUHUZWA wari Umuyobozi Mukuru ushinzwe ubukungu muri...
15 January 2021 Yasuwe: 4917 0

Abantu 5 bahitanwe na Covid-19 mu Rwanda abandi 194 barayandura

Minisiteri y’Ubuzima yatangaje ko uyu munsi tariki ya 14 Mutarama...
14 January 2021 Yasuwe: 4363 0

U Rwanda rufite ibyuma bifite ubushobozi bwo gukonjesha inkingo zose za...

Ikigo cy’Igihugu cy’Ubuzima (RBC) kivuga ko kugeza ubu u Rwanda rufite ibyuma...
14 January 2021 Yasuwe: 3290 0

Abanduye Covid-19 mu Rwanda bamaze kurenga ibihumbi 10,ihitana...

Minisiteri y’Ubuzima yatangaje ko uyu munsi tariki ya 13 Mutarama...
13 January 2021 Yasuwe: 4036 0

Padiri Twagirumukiza wayoboye College Christ Roi y’i Nyanza yahitanwe na...

Padiri Twagirumukiza Herménégilde uri mu bagize uruhare mu gushinga ishuri...
13 January 2021 Yasuwe: 4810 0

Umugabo w’imyaka 55 yabaye umuntu 125 uhitanwe na Covid-19 mu Rwanda, 166...

Minisiteri y’Ubuzima yatangaje ko uyu munsi tariki ya 12 Mutarama...
12 January 2021 Yasuwe: 4200 0