skol
Kigali
startimes

Abantu 13 bo mu mujyi wa Kigali banduye Covid-19

Amakuru   Yanditswe na: Dusingizimana Remy 26 September 2020 Yasuwe: 4117

Kuri uyu wa Gatandatu tariki ya 26 Nzeri 2020,hafashwe ibipimo 1,894, byagaragaje ko abantu 13 bo mu mujyi wa Kigali gusa banduye Covid-19 bakuwe mu bibasiwe kurusha abandi. Abamaze kwandura bose ni 4,811.


Uyu munsi kandi hakize abantu bashya 11 bituma umubare w’abamaze gukira bose hamwe uba 3,091. Abakirwaye:1,691.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Imbwa zatojwe guhunahuna zigatahura ibiyobyabwenge cyangwa ibisasu, zikunze kugaragara ku bibuga by’indege bitandukanye ku isi, aho abashinzwe umutekano bazikoresha mu gutahura abitwaje ibitemewe n’amategeko.

Ariko ubu, zimwe muri izo mbwa zirimo gukoresha amazuru yazo mu kandi kazi - guhunahuna coronavirus.

Muri iki cyumweru, izi ntozo zahawe amahugurwa yo gutahura Covid-19 zatangiye guhunahuna abagenzi, mu gikorwa cy’igerageza ku kibuga cy’indege cya Helsinki-Vantaa muri Finland.

Abakorerabushake barimo kumenyereza itsinda ry’imbwa 15 n’abantu 10 baziha amabwiriza, muri iyi gahunda y’ubushakashatsi ku gupima Covid-19.

Profeseri Anna Hielm-Bjorkman wigisha kuri Kaminuza ya Helsinki akaba ari we uyoboye iri gerageza, yabwiye ibiro ntaramakuru Reuters ko izi mbwa zishobora gutahura umuntu urwaye coronavirus habura iminsi itanu ngo atangire kugaragaza ibimenyetso byayo.

Madamu Anna yagize ati: "Zirabizi neza cyane [gutahura coronavirus]. Tugera ku kigero [cyo kuyitahura] kiri hafi 100%"

Abagenzi bihanagura ku ijosi bakoresheje ibitambaro, ubundi bigashyirwa mu bikombe bigaterekwa imbere y’imbwa ngo zibihunahune. Igisubizo ku kizamani cyapimwe n’imbwa kiboneka mu gihe cy’iminota.

Ariko nubwo muri iyi ntangiriro iri gerageza ryagaragaje gutanga icyizere, haracyacyenewe gukora ubundi bushakashatsi ngo hemezwe gutanga umusaruro w’uku gupima Covid-19 gukozwe n’imbwa.

Kuri ubu, abagenzi bemeye gupimwa n’izi mbwa banasabwa gupimwa mu buryo busanzwe bwo kwinjizwa igipimo mu muhogo, nk’uburyo bwo kwemeza niba ibyo imbwa zagezeho ari ukuri.

Timo Aronkyto, umuyobozi wungirije w’umujyi wa Vantaa, yavuze ko bishoboka ko mu gihe kiri imbere izi mbwa "zazenguruka mu bagenzi mu buryo bumwe nk’ubw’izisanzwe zihunahuna ibiyobyabwenge n’ibisasu".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abandi bantu 5 bahitanwe na Covid-19 mu Rwanda handura 312

Minisiteri y’Ubuzima yatangaje ko uyu munsi tariki ya 20 Mutarama...
20 January 2021 Yasuwe: 4704 1

Abantu 2 bahitanwe na Covid-19 mu Rwanda abandi 289 barayandura

Minisiteri y’Ubuzima yatangaje ko uyu munsi tariki ya 19 Mutarama...
19 January 2021 Yasuwe: 4420 0

Urujya n’uruza muri Gare ya Nyabugogo ni rwose ruhunga Guma mu rugo ya...

Nyuma y’aho Inama y’abaminisitiri isubije muri Guma mu rugo kubera...
19 January 2021 Yasuwe: 8265 0

Prof.Shyaka yahumurije Abanyarwanda batewe ubwoba n’inzara muri Guma mu...

Mu gihe Kigali yose yashyizwe muri Guma mu Rugo bikaba bituma hari ababura...
19 January 2021 Yasuwe: 3880 0

Covid-19: Hapfuye abandi bantu 4 mu Rwanda, abanduye bashya ni...

Minisiteri y’Ubuzima yatangaje ko uyu munsi tariki ya 18 Mutarama...
18 January 2021 Yasuwe: 4084 0

Abantu 02 bahitanwe na Covid-19 mu Rwanda abandi 182 barayandura

Minisiteri y’Ubuzima yatangaje ko uyu munsi tariki ya 17 Mutarama...
17 January 2021 Yasuwe: 4130 1