skol
Kigali
startimes

Abantu 14 banduye Coronavirus, abandi 22 barayikira mu Rwanda

Amakuru   Yanditswe na: Dusingizimana Remy 20 November 2020 Yasuwe: 903

Minisiteri y’Ubuzima yatangaje ko abantu 22 bakize Coronavirus banasezererwa mu bitaro mu gihe mu bipimo 4140 byafashwe mu masaha 24 yashize, abagera kuri 14 basanganywe ubwandu.

Abarwayi bashya basanzwe mu Mujyi wa Kigali ahakuwe barindwi, i Nyamasheke ni batatu, i Nyagatare ni babiri, Rusizi habonetse umwe mu gihe i Musanze naho hagaragaye umwe

Umubare w’abamaze kwandura Coronavirus kuva umurwayi wa mbere agaragaye mu Rwanda ku wa 14 Werurwe 2020, bamaze kuba 5586 mu bipimo 600,826 bimaze gufatwa.

Abakize bagasezererwa ni 5159 mu gihe 381 bakiri kwitabwaho na ho 46 bitabye Imana.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ikigo Pfizer gikora imiti, cyatangaje ko kuri uyu wa Gatanu kiza kugeza ubusabe mu Kigo cya Leta Zunze Ubumwe za Amerika Gishinzwe Ibiribwa n’Imiti, US FDA, bw’uko urukingo cyakoze rwa COVID-19 ruhabwa abantu mu buryo bw’ingoboka.

Ni intambwe igezweho nyuma y’uko mu minsi ishize Pfizer Inc. yo muri Amerika na BioNTech yo mu Budage bafatanyije mu gukora urukingo rwa Coronavirus, batangaje ko igerageza ry’ibanze ryagaragaje ko rushobora kurinda umuntu kwandura Coronvirus ku rwego rwa 95%.

Umuyobozi Mukuru wa Pfizer, Dr. Albert Bourla, mu itangazo yasohoye yavuze ko uru ruganda rufite inshingano yo guha abantu urukingo rwizewe kandi mu buryo bwihutirwa, kuko ubwandu bwa COVID-19 bukomeza kwiyongera hirya no hino.

Yakomeje ati "Gusaba uburenganzira muri Leta Zunze Ubumwe za Amerika bigaragaza intambwe ikomeye mu rugendo rwacu rwo guha Isi urukingo rwa COVID-19, kandi kugeza ubu dufite ishusho ifatika y’imikorere n’ubwizerwe bw’urukingo rwacu, biduha icyizere ko ruzatanga umusaruro.”

Kuba uru rukingo rwiswe BNT162b2 rutanga umusaruro kandi nta ngaruka rugira ku buzima, byatumye haboneka icyizere ko US FDA ishobora kwemera ko ruterwa abantu na mbere y’uko igerageza risozwa mu buryo ntakuka.

Uretse gusaba ubu burenganzira muri Leta Zunze Ubumwe za Amerika kuri uyu wa Gatanu, Pfizer yanatangiye gusaba ubwo burenganzira mu bihugu by’u Burayi n’u Bwongereza.

Biteganywa ko impuguke zigenga za FDA zizahita zitangira isuzuma, harebwa niba urwo rukingo rwizewe ku buryo rutangira guhabwa abantu.

Pfizer iheruka gutangaza ko ishobora gukora inkingo zigera kuri miliyoni 50 kugeza mu mpera z’uyu mwaka, zikazagera kuri miliyari 1.3 mu 2021 hakoreshejwe inganda zayo ziri muri Leta Zunze Ubumwe za Amerika no mu Budage.

Urundi ruganda ruheruka kwemeza urukingo mu igerageza ni Moderna Inc., nayo iteganya ko mu minsi iri imbere izasaba ko urukingo rwayo ruhabwa abantu mu buryo bw’ingoboka.

Kugeza ubu hari inkingo zigera mu 100 zirimo gutunganywa ku byiciro bitandukanye, harebwa niba zafasha mu guhagarika icyorezo cya COVID-19.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Kagame yakiriye Irage yahawe n’umubyeyi w’Intwaza uherutse...

Kuri uyu wa Kabiri tariki 24 Ugushyingo 2020, nibwo Umuyobozi w’Umuryango...
24 November 2020 Yasuwe: 1591 0

RBC igiye gutangira gupima COVID-19 ikoresheje imbwa

Ikigo cy’Igihugu cyita ku Buzima (RBC) gitangaza ko mu kwezi kumwe kizaba...
24 November 2020 Yasuwe: 576 0

Abantu 61 banduye Covid-19 mu Rwanda abandi 33 barayikira

Minisiteri y’Ubuzima yatangaje ko uyu munsi tariki ya 23 Ugushyingo 2020,...
23 November 2020 Yasuwe: 1623 0

Polisi y’u Rwanda yashyikirije ya mafaranga Umunyarwandakazi...

Polisi y’u Rwanda uyu munsi yatangaje ko yashyikirije amafaranga yatoraguwe...
23 November 2020 Yasuwe: 4150 1

Burera: Umugabo yiyahuye kubera kubana nabi n’umugore we asiga ibaruwa igira...

Umugabo witwa Twizerimana Innocent wari usanzwe ari umwarimu ku ishuri...
23 November 2020 Yasuwe: 5365 1

Covid-19 yahitanye umuntu wa 47 mu Rwanda abandi 45 barayandura

Minisiteri y’Ubuzima yatangaje ko uyu munsi tariki ya 22 Ugushyingo...
22 November 2020 Yasuwe: 1428 0