skol
Kigali
startimes

Abantu 14 banduye COVID-19 mu Rwanda abandi 28 barayikira

Amakuru   Yanditswe na: Dusingizimana Remy 1 December 2020 Yasuwe: 3305

Minisiteri y’Ubuzima yatangaje ko uyu munsi tariki ya 01 Ukuboza 2020 basanganywe ubwandu bwa Coronavirus, mu gihe abandi 28 bayikize,mu bipimo 2,820 byafashwe mu masaha 24 yashize.


Abarwayi bashya basanzwe Kigali: 4, Musanze: 9, Rubavu: 1.

Umubare w’abamaze kwandura Coronavirus kuva umurwayi wa mbere agaragaye mu Rwanda ku wa 14 Werurwe 2020, bamaze kuba 5,948 mu bipimo 629,131 bimaze gufatwa.

Abamaze gukira bagasezererwa ni 5,544 mu gihe 355 bakiri kwitabwaho n’abaganga.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ishami ry’Umuryango w’Abibumbye ryita ku Buzima, OMS, ryatangaje ko rizakora ibishoboka byose ku buryo inkomoko y’icyorezo cya COVID-19 imenyekana, ivuga ko ubu icy’ingenzi ari ugushaka ubumenyi bujyanye n’imiterere y’iki cyorezo.

OMS yasabye abantu kwirinda gufata ikibazo cya COVID-19 nk’icya Politiki bashyiramo u Bushinwa.

Umuyobozi wa OMS, Tedros Adhanom Ghebreyesus, kuri uyu wa Mbere, yabwiye abanyamakuru ati “Turashaka kumenya inkomoko [yayo] kandi tuzakora ibishoboka byose ku buryo imenyekana.”

Yashimangiye ko uyu muryango muri iki gihe ufite gahunda yo kujya mu mizi y’uburyo iki cyorezo cyakwiriye Isi, asaba abawunenga ko nta perereza ukora k’u Bushinwa, kwirinda kugira ikibazo icya politiki.

Ati “Uruhande rwa OMS rurasobanutse. Dukeneye kumenya inkomoko ya Virus kuko byadufasha kwirinda ibyorezo mu gihe kiri imbere.”

Leta Zunze Ubumwe za Amerika nicyo gihugu ku Isi kimaze kwibasirwa n’iki cyorezo cyane kuko abaturage bacyo barenga ibihumbi 262 bamaze gupfa. Ku Isi muri rusange harabarurwa abarenga miliyoni 63 banduye iki cyorezo mu gihe 1.43 bo bamaze gupfa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3582 0

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4343 0

Abagabo 5 bo mu mujyi wa Kigali bahitanwe na Covid-19 abandi bantu 257...

Minisiteri y’Ubuzima yatangaje ko uyu munsi tariki ya 15 Mutarama...
15 January 2021 Yasuwe: 4522 1

Dr Thomas Kigabo wari ushinzwe ubukungu muri BNR yitabye Imana

Dr.Thomas Kigabo RUSUHUZWA wari Umuyobozi Mukuru ushinzwe ubukungu muri...
15 January 2021 Yasuwe: 5453 0

Abantu 5 bahitanwe na Covid-19 mu Rwanda abandi 194 barayandura

Minisiteri y’Ubuzima yatangaje ko uyu munsi tariki ya 14 Mutarama...
14 January 2021 Yasuwe: 4449 0

U Rwanda rufite ibyuma bifite ubushobozi bwo gukonjesha inkingo zose za...

Ikigo cy’Igihugu cy’Ubuzima (RBC) kivuga ko kugeza ubu u Rwanda rufite ibyuma...
14 January 2021 Yasuwe: 3368 0