skol
Kigali
startimes

Abantu 162 bakize Covid-19 mu Rwanda,handura abandi 10

Amakuru   Yanditswe na: Dusingizimana Remy 7 October 2020 Yasuwe: 1237

Kuri uyu wa gatatu tariki ya 07 Ukwakira 2020, abantu 10 barimo aba Kigali:7, Gatsibo:2, Nyagatare:1,basanzwemo COVID-19 mu bipimo 3,219 byafashwe, bituma umubare w’abamaze kwandura uba 4,883.


Uyu munsi kandi hakize abantu 162. Abamaze gukira bose hamwe ni 3,408.Abakirwaye: 1,446. Abamaze gupfa baracyari 29.Inkuru y’uwahitanwe na Covid-19 mu Rwanda iheruka kuwa 25/9/2020.

Abanyarwanda barasabwa kutirara ngo bumve ko icyorezo cyarangiye.Bagirwa inama yo gukomeza kubahiriza amabwiriza yashyizweho, bibuka kwambara agapfukamunwa n’amazuru buri gihe bavuye mu ngo, bakaraba intoki kenshi no kwirinda amakoraniro n’ibindi bintu byose bishobora guhuriza hamwe abantu benshi.

Umuntu ugaragaza ibimenyetso bya Coronavirus birimo inkorora, guhumeka nabi, gucika intege n’ibindi, agirwa inama yo guhamagara umurongo utishyurwa wa 114 kugira ngo ahabwe ubufasha n’abaganga.

Icyorezo cya coronavirus kirimo gukwirakwira kurushaho mu bakorana bya hafi na Perezida Donald Trump wa Leta Zunze Ubumwe z’Amerika.

Stephen Miller, umujyanama mukuru mu igenamigambi wo mu biro bya White House, bayimusanzemo ndetse n’umusirikare wo ku rwego rwo hejuru.

Bwana Miller yari amaze iminsi itanu yarishyize mu kato. Ejo ku wa kabiri ni bwo yemeje ko yanduye Covid-19.

Jenerali Mark Milley - umusirikare ukuriye ihuriro ry’ibiro bikuru by’ingabo z’Amerika rinagira inama Perezida Trump - ndetse n’abandi basirikare bakuru na bo bishyize mu kato.

Ni nyuma yuko Amiral Charles Ray bamusanzemo coronavirus.

Abandi bategetsi bishyize mu kato "mu rwego rwo kwigengesera kurushaho".

Mu itangazo yasohoye, Bwana Miller yavuze ko "buri munsi bagiye ntayobamusangamo", kugeza ejo ku wa kabiri ubwo bamusangagamo Covid-19.

Yongeyeho ko ubu yishyize mu kato.

Umugore we Katie Miller, uyu akaba ari umuvugizi wa Visi Perezida Mike Pence, yanduye coronavirus mu kwezi kwa gatanu uyu mwaka, nyuma yaho aza gukira.

Mu kwezi kwa karindwi, Ruth Glosser, umukecuru nyirakuru wa Bwana Miller wari ufite imyaka 97, bivugwa ko yapfuye bitewe n’ibibazo bivuye kuri Covid-19.

Ibiro bya White House byahakanye ko Madamu Glosser yazize coronavirus, bisohora itangazo bivuga ko "yapfuye mu mahoro ari mu bitotsi bye kubera izabukuru".

Ariko uwo mu muryango wa Bwana Miller yatangaje icyemezo cyo kwa muganga kigaragaza icyo yazize, cyerekana ko yazize "kunanirwa guhumeka".

Ndetse ko Covid-19 ari "uburwayi bwagejeje" ku rupfu rwa Madamu Glosser.

Bwana Miller ni we wandika imbwirwaruhame (discours) za Perezida Trump. Azwiho kugira ibitekerezo by’ubuhezanguni ku bijyanye n’abimukira.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 02 banduye Coronavirus mu Rwanda ntihakira n’umwe

Minisiteri y’Ubuzima yatangaje ko mu bipimo 1725 byafashwe kuri uyu wa 29...
29 October 2020 Yasuwe: 874 0

Abantu 45 biganjemo abo mu nkambi y’impunzi banduye Covid-19 mu...

Kuri uyu wa Gatatu tariki ya 28 Ukwakira 2020,Minisiteri y’Ubuzima yatangaje...
28 October 2020 Yasuwe: 1823 0

Covid-19 yahitanye umubyeyi w’imyaka 88 mu Rwanda abandi 11 barayandura

Kuri uyu wa Kabiri tariki ya 27 Ukwakira 2020,Minisiteri y’Ubuzima yatangaje...
27 October 2020 Yasuwe: 1145 0

Abantu 18 bakize Covid-19 mu Rwanda abandi 7 barayandura

Minisiteri y’Ubuzima yatangaje ko kuri uyu wa Mbere tariki ya 26 Ukwakira...
26 October 2020 Yasuwe: 897 0

Nyamasheke: Umugabo yagiye kwiba itaka mu kirombe kiramugwira...

Umugabo witwa Fatisuka Jean Pierre wari utuye mu Mudugudu wa Mutusa mu...
26 October 2020 Yasuwe: 958 0

Abantu 08 biganjemo abo mu mujyi wa Kigali banduye Coronavirus

Minisiteri y’Ubuzima yatangaje ko kuri uyu wa Gatandatu tariki ya 24...
24 October 2020 Yasuwe: 1266 0