skol
fortebet

Abantu 180 bakiriye rimwe icyorezo cya COVID-19 mu Rwanda abandi 11 barandura

Yanditswe: Monday 14, Sep 2020

featured-image

Sponsored Ad

skol

Minisiteri y’Ubuzima yatangaje ko uyu munsi tariki ya 14 Nzeri 2020,mu bipimo 1,687 byafashwe mu Rwanda,habonetse abarwayi bashya 11
barimo aba Kigali: 5,Nyamagabe:3, Rusizi:1, Bugesera:1,Rulindo:1. Abanduye bose bamaze kuba 4,602.

Sponsored Ad

Uyu munsi kandi hakize abantu bashya 180 bituma umubare w’abamaze gukira iki cyorezo bose uba 2,736, abakirwaye ni 1,884.Abamaze gupfa ni 22.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ishami ry’Umuryango w’Abibumye ryita ku buzima, OMS ryatangaje ko taliki ya 13 Nzeri yaciye agahigo ko kuba ari wo munsi wa mbere ubonetsemo umubare munini w’abantu banduye Covid-19 hirya no hino ku Isi.

Kuri iyi taliki abanduye Covid-19 bagera kuri 307 930 mu gihe abo yahitanye nabo barenga 5500.

OMS ivuga ko ari ubwa mbere mu gihe cy’amasaha 24 habonetse abantu benshi banduye iki cyorezo kuko umubare munini waherukaga ari uwabonetse ku wa 6 Nzeri aho abari banduye babarirwaga muri 306 857

Ubu bwandu bushya bwiganje mu bihugu nka Brazil, Leta Zunze Ubumwe za Amerika n’u Buhinde.

Mu gihe cy’amasaha 24 mu Buhinde handuye abarenga ibihumbi 94, muri Leta Zunze Ubumwe za Amerika handura abarenga ibihumbi 45, mu gihe muri Brazil handuye abarenga ibihumbi 43.

Kugeza ubu umubare w’abamaze kwandura Covid-19 ku Isi ubarirwa muri miliyoni 28, aho umugabane wa Amerika wonyine wihariye kimwe cya kabiri cyabo.

Iki cyorezo kimaze guhitana abarenga ibihumbi 900 gisa n’icyatangiye kubura umutwe mu bihugu by’i Burayi nk’u Bufaransa, Espagne n’u Butaliyani, aho hari kugenda haboneka amatsinda mashya y’abarwayi.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa