skol
Kigali
startimes

Abantu 29 bakize Covid-19 mu Rwanda abandi 04 barayandura

Amakuru   Yanditswe na: Dusingizimana Remy 30 September 2020 Yasuwe: 1166

Kuri uyu wa Gatatu tariki 30 Nzeri 2020, abantu 4 basanzwemo COVID-19 mu bipimo 2,807 byafashwe mu Rwanda, bituma umubare w’abamaze kwandura uba 4,840.


Abarwayi bashya bagaragaye:Kigali:1, Gatsibo:1, Nyamagabe:1, Rubavu:1.Uyu munsi kandi hakize abandi bantu 29 bituma umubare w’abamaze gukira bose hamwe uba 3,154.Abakirwaye ni 1,657.Abamaze gupfa ni 29.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Inzobere mu by’ubuzima zemeza ko urukingo rwa Covid-19 rwakozwe n’Ikigo cy’Abanyamerika, Moderna, rutanga icyizere ko mu minsi iri imbere ruzaba rwagiye hanze kandi rugakora neza ku byiciro by’abantu bitandukanye.

Ibi byatangajwe ku wa 29 Nzeri, ubwo uru rukingo rwari rumaze kugeragezwa ku bantu bakuru bikagaragara ko rukora neza kandi ruha umubiri wabo ubushobozi bwo guhangana na Coronavirus.

Uku kugeragezwa ku bantu bakuru bije n’ubundi nyuma y’igihe gito uru rukingo rugeragejwe no ku bantu bakiri bato rukagaragaza ubushobozi mu gukingira Covid-19.

Muri iki cyiciro cya mbere uru rukingo rwageragejwe ku bantu bafite imyaka iri hagati ya 18 na 55, mu icya kabiri rugeragezwa ku bantu bafite imyaka 56 gusubiza hejuru.

Umuyobozi w’itsinda riri gukora ubushakashatsi kuri uru rukingo, Dr. Evan Anderson, yabwiye Ibiro Ntaramakuru by’Abongereza, Reuters, ko kuba rwagaragaje ubushobozi bwo gukora neza no ku bantu bakuru ari ibintu byiza cyane ko ubudahangarwa bw’umubiri bugenda bugabanuka uko umuntu akura.

Ikindi kirushaho gutanga icyizere ni uko abageragerejweho uru rukingo bahamya ko nta ngaruka rurabagiraho.

Umuyobozi Mukuru wa Moderna, Stephane Bancel, aherutse gutangariza CNBC ko uru rukingo rwabo rushobora kujya hanze mu Ukwakira.

Kugeza ubu uru rukingo rwa Moderna ni rumwe mu nkingo za Covid-19 enye zigeze mu cyiciro cya nyuma cy’igerageza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RBC igiye gutangira gupima COVID-19 ikoresheje imbwa

Ikigo cy’Igihugu cyita ku Buzima (RBC) gitangaza ko mu kwezi kumwe kizaba...
24 November 2020 Yasuwe: 398 0

Abantu 61 banduye Covid-19 mu Rwanda abandi 33 barayikira

Minisiteri y’Ubuzima yatangaje ko uyu munsi tariki ya 23 Ugushyingo 2020,...
23 November 2020 Yasuwe: 1585 0

Polisi y’u Rwanda yashyikirije ya mafaranga Umunyarwandakazi...

Polisi y’u Rwanda uyu munsi yatangaje ko yashyikirije amafaranga yatoraguwe...
23 November 2020 Yasuwe: 4092 1

Burera: Umugabo yiyahuye kubera kubana nabi n’umugore we asiga ibaruwa igira...

Umugabo witwa Twizerimana Innocent wari usanzwe ari umwarimu ku ishuri...
23 November 2020 Yasuwe: 5250 1

Covid-19 yahitanye umuntu wa 47 mu Rwanda abandi 45 barayandura

Minisiteri y’Ubuzima yatangaje ko uyu munsi tariki ya 22 Ugushyingo...
22 November 2020 Yasuwe: 1427 0

Abantu 34 banduye Covid-19 mu Rwanda abandi 4 barayikira

Minisiteri y’Ubuzima yatangaje ko uyu munsi tariki ya 21 Ugushyingo...
21 November 2020 Yasuwe: 1093 0