Kuri uyu wa Gatatu tariki ya 22 Nyakanga 2020,Minisiteri y’ubuzima yatangaje ko abanduye Coronavirus mu Rwanda ari 34 barimo ababonetse I Kigali 21(abahuye n’abanduye n’abapimiwe mu midugudu iri mu kato),Rusizi:6, Nyamasheke:4,Kirehe:2&Ngoma:1.
Kugeza ubu,abamaze kwandura iki cyorezo bose babaye 1,689. Uyu munsi hakize 19, bituma abamaze gukira bose baba 867. Abakirwaye ni 817. Abamaze gupfa ni 5.
Ibimenyetso bya Coronavirus birimo inkorora, ibicurane, guhumeka bigoranye n’umuriro. (...)

Sponsored Ad

Kuri uyu wa Gatatu tariki ya 22 Nyakanga 2020,Minisiteri y’ubuzima yatangaje ko abanduye Coronavirus mu Rwanda ari 34 barimo ababonetse I Kigali 21(abahuye n’abanduye n’abapimiwe mu midugudu iri mu kato),Rusizi:6, Nyamasheke:4,Kirehe:2&Ngoma:1.

Kugeza ubu,abamaze kwandura iki cyorezo bose babaye 1,689. Uyu munsi hakize 19, bituma abamaze gukira bose baba 867. Abakirwaye ni 817. Abamaze gupfa ni 5.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ubushakashatsi bushya bwashyizwe hanze bwagaragaje ko nyuma yo gukira Coronavirus, urwungano rw’ubwirinzi bw’umubiri we rwangirika mu gihe cy’amezi atatu akurikiraho.

Ubwo bushakashatsi bwakorewe muri Kaminuza ya California, bwagaragaje ko abantu barwaye coronavirus ikabazahaza, iyo bakize abasirikare babo b’umubiri bagabanyuka.

Abantu 34 barwaye coronavirus nibo bakoreweho ubushakashatsi, amaraso yabo apimwa inshuro ebyiri kugeza kuri eshatu mu gihe cy’amezi atatu.

Basanze abasirikare babo b’umubiri baragabanyutse, cyane cyane intungamubiri ziba mu rwungano rw’ubwirinzi bw’umubiri ari nazo zifasha mu guhagarika coronavirus mu maraso.

Basanze mu gihe cy’iminsi 73 ikurikira gukira k’umuntu, abasirikare bagabanyuka nkuko biri muri ubwo bushakashatsi bwatangajwe muri The New England Journal of Medicine.

Haracyakorwa ubushakashatsi ngo hamenyekane icyakorwa ngo iryo gabayuka ry’abasirikare b’umubiri rihagarare.