skol
fortebet

Abantu 34 banduye Covid-19 mu Rwanda abandi 4 barayikira

Yanditswe: Saturday 21, Nov 2020

Sponsored Ad

Minisiteri y’Ubuzima yatangaje ko uyu munsi tariki ya 21 Ugushyingo 2020,abantu 34 basanganywe ubwandu bwa Coronavirus mu gihe abandi 4 bayikize banasezererwa mu bitaro,mu bipimo 3,916 byafashwe mu masaha 24 yashize.
Abarwayi bashya basanzwe Rwamagana: 14, Rubavu: 8, Bugesera: 6, Musanze: 2, Nyagatare: 2, Nyamasheke: 1, Ngoma:1.
Umubare w’abamaze kwandura Coronavirus kuva umurwayi wa mbere agaragaye mu Rwanda ku wa 14 Werurwe 2020, bamaze kuba 5,620 mu bipimo 604,742 bimaze gufatwa. (...)

Sponsored Ad

Minisiteri y’Ubuzima yatangaje ko uyu munsi tariki ya 21 Ugushyingo 2020,abantu 34 basanganywe ubwandu bwa Coronavirus mu gihe abandi 4 bayikize banasezererwa mu bitaro,mu bipimo 3,916 byafashwe mu masaha 24 yashize.

Abarwayi bashya basanzwe Rwamagana: 14, Rubavu: 8, Bugesera: 6, Musanze: 2, Nyagatare: 2, Nyamasheke: 1, Ngoma:1.

Umubare w’abamaze kwandura Coronavirus kuva umurwayi wa mbere agaragaye mu Rwanda ku wa 14 Werurwe 2020, bamaze kuba 5,620 mu bipimo 604,742 bimaze gufatwa.

Abakize bagasezererwa ni 5163 mu gihe 411 bakiri kwitabwaho na ho 46 bitabye Imana.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Isesengura ry’ibanze ryerekanye urukingo rwa mbere rushobora kurinda umubiri w’umuntu kwandura Covid-19 ku kigero cya 90% .

Kompanyi zarukoze - Pfizer na BioNTech - zavuze ko uyu ari "umunsi ukomeye kuri siyanse n’abantu".

Zivuga ko urukingo rwabo rwasuzumiwe ku bantu 43,500 mu bihugu bitandatu kandi nta bibazo rwateye abaruhawe.

Mu mpera z’uku kwezi, izi kompanyi zirateganya gusaba uburenganzira bwo gukoresha uru rukingo mu buryo bwihutirwa.

Urukingo ruboneka nk’uburyo buruta ubundi bwarinda abantu iki cyorezo, no kuba mu ngamba cyatumye abantu bashyirwamo.

Hari izindi nkingo zibarirwa muri mirongo ziri mu byiciro bya nyuma by’igerageza, gusa uru nirwo rwa mbere rwerekanye ibyarivuyemo.

Uru rukingo rugizwe n’ibice bimwe mu bigize iyi virus byahinduwe, bigatoza umubiri kurwanya iyi Covid-19 igihe igeze mu mubiri.

Umuntu aterwa doze ebyiri zarwo, mu gihe cy’ibyumweru bitatu.

Igerageza, ryakorewe muri Amerika, Ubudage, Brazil, Argentine, Africa y’Epfo na Turkiya - ryerekanye ko rurinda umuntu ku rugero rwa 90% iminsi irindwi nyuma yo gufata doze ya kabiri.

Kompanyi ya Pfizer yo muri Amerika, ivuga ko izashobora gukora doze miliyoni 50 mbere y’uko uyu mwaka urangira, na doze miliyari 1,3 mbere y’uko 2021 irangira.

Gusa hari imbogamizi ziri mu bikoresho kuko uru rukingo rukenera kubikwa ahantu hakonje ku gipimo kiri munsi ya 80C.

Haribazwa kandi ibibazo birimo ubwirinzi uru rukingo rutanga igihe bumara.

Dr Albert Bourla ukuriye Pfizer yagize ati: "Turi hafi guha abatuye isi igisubizo gikenewe cyane mu gufasha kurangiza ibi bihe by’akaga mu buzima ku isi."

Prof Ugur Sahin, umwe mu bashinze BioNTech yo mu Budage, we yavuze ko ibyo bagezeho ari "intambwe ikomeye".

Isesengura ryatanzwe n’izi kompanyi si irya burundu. Rishingiye ku bakoreweho igerageza 94 ba mbere banduye Covid-19 . Amakuru yatanzwe ashobora guhinduka isesengura ry’ibyavuye mu bushakashatsi bwose rirangiye.

Izi kompanyi zivuga ko zizaha abagenzuzi b’inkingo amakuru ahagije ku buziranenge bw’uru rukingo mu cyumweru cya gatatu cy’uku kwezi kwa 11.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa