skol
Kigali
startimes

Abantu 36 banduye Covid-19 mu Rwanda abandi 79 barayikira

Amakuru   Yanditswe na: Dusingizimana Remy 18 November 2020 Yasuwe: 1461

Minisiteri y’Ubuzima yatangaje ko uyu munsi tariki ya 18 Ugushyingo 2020,mu bipimo 2,392 byafashwe hagaragaje abanduye Covid-19 bashya mu Rwanda 39 mu gihe abandi 79 bayikize.


Abamaze kwandura iki cyorezo kuva cyagera mu Rwanda kuwa 14 Werurwe 2020 ni 5,543 mu gihe abamaze gukira ari 5,087.Abakirwaye ni 410.Abapfuye ni 46.

Abarwayi bashya b’uyu munsi bagaragaye I Kigali:7, Gisagara:9, Karongi:1, Nyamagabe:17, Rubavu:2.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Urukingo rwa Coronavirus rwakozwe n’ikigo Pfizer Inc cyo muri Leta Zunze Ubumwe za Amerika na BioNTech cyo mu Budage, rwatanze icyizere cyo ku kigero cya 94% ku bantu bafite imyaka yo hejuru ya 65.

Aya makuru yabonetse mu cyiciro cya gatatu cy’igerageza ry’urukingo, yerekana ko rukora neza ku bantu b’ingeri zose, hatitawe ku bwoko n’imyaka.

Ibi bigo bivuga ko biri muri gahunda yo gusaba uruhushya rwo gukoresha uru rukingo muri Leta Zunze Ubumwe za Amerika, cyane ko ibyavuye mu bushakashatsi byabonetse mu igerageza ryakorewe ku bantu 41.000, barimo abahawe inkingo ebyiri.

Mu cyumweru gishize, Pfizer na BioNTech basohoye amakuru y’ibanze ko urukingo rwabo rurinda umuntu kwandura Covid-19 ku kigero cya 90%, kandi nta kibazo kindi rwateye abaruhawe.

Ibyo byakurikiwe n’andi makuru meza mu guhangana n’iki cyorezo, hifashishijwe urundi rukingo rwakozwe n’isosiyete yo muri Amerika, Moderna, ivuga ko urwayo rurinda iyi ndwara hafi 95%.

Amakuru yatanzwe na Pfizer na BioNTech, yerekana ko urukingo rw’ibyo bigo rwatanze icyizere cya 95%, nyuma y’uko mu bantu bakoreweho igerageza, 170 banduye COVID-19, ariko umunani gusa muri bo ni bo bari mu itsinda ryahawe urukingo, byerekana ko rutanga uburinzi.

Mu yandi magerageza asigaye yakozwe mu matsinda, aya masosiyete avuga ko nta mpungenge zikomeye z’ibibazo zigeze zigaragara, ariko babonye umutwe n’umunaniro ku kigero cya 2% by’abakorerabushake bahawe urukingo.

Mu igerageza, 42% by’abitabiriye igerageza bose bakomoka mu moko atandukanye, naho 41% bari bafite imyaka iri hagati ya 56 na 85.

Ibi bigo byemeza ko igerageza ry’uru rukingo rigikomeza, kandi bizakusanya amakuru ku mutekano n’ubushobozi bw’urukingo mu yindi myaka ibiri.

Uru rukingo rurimo kugeragerezwa ku bantu mu bice 150 muri Leta Zunze Ubumwe za Amerika, u Budage, Turikiya, Afurika y’Epfo, Bresil na Argentine.

Ibi bigo byiteze gutanga inkingo zigera kuri miliyoni 50 muri uyu mwaka ndetse na miliyari 1.3 kugeza mu mpera za 2021. Ibihugu bitandukanye byatangiye gutumiza uru rukingo mbere y’uko rusohoka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rwavuze igihe ruzatangira ubusabe bw’inkingo za Covid-19

Minisiteri y’Ubuzima yavuze ko u Rwanda ruhagaze neza mu rugamba rwo...
27 November 2020 Yasuwe: 1712 0

Abantu 72 banduye Covid-19 mu Rwanda abandi 28 barayikira

Minisiteri y’Ubuzima yatangaje ko uyu munsi tariki ya 26 Ugushyingo 2020,...
26 November 2020 Yasuwe: 1196 0

Abantu 76 bakize Covid-19 mu Rwanda abandi 29 barayandura

Minisiteri y’Ubuzima yatangaje ko uyu munsi tariki ya 25 Ugushyingo 2020,...
25 November 2020 Yasuwe: 1184 0

Inyubako zizatuzwamo abari batuye muri Bannyahe ziri mu Busanza zamaze...

Inyubako za mbere zizatuzwamo abantu ba mbere mu batuye mu midugudu igize...
25 November 2020 Yasuwe: 2805 0

Abantu 44 bakize Covid-19 mu Rwanda abandi 24 barayandura

Minisiteri y’Ubuzima yatangaje ko uyu munsi tariki ya 24 Ugushyingo 2020,...
24 November 2020 Yasuwe: 1104 0

Perezida Kagame yakiriye Irage yahawe n’umubyeyi w’Intwaza uherutse...

Kuri uyu wa Kabiri tariki 24 Ugushyingo 2020, nibwo Umuyobozi w’Umuryango...
24 November 2020 Yasuwe: 2690 0